དཔལ་ནཱ་ལེནྡྲ། བྱོན་པ་ལེགས།

༡༤༽ ལོ་ཙཱ་བ་ཆེན་པོ་ཁུ་མདོ་སྡེ་འབར།   ལོ་ཙཱ་བ་ཆེན་པོ་ཤཱཀྱའི་དགེ་སློང་ཁུ་མདོ་སྡེ་འབར་ནི། ཕྱི་ལོའི་དུས་རབས་བཅུ་གཅིག་པའི་དུས་སྨད་ཙམ་དུ་སྐུ་འཁྲུངས་ཤིང་། ཤ་ར་བ་ཡོན་ཏན་གྲགས་ (1070-1141) དང་དུས་མཉམ། ཐོག་མར་བོད་ཡུལ་ནས་སློབ་གཉེར་མཛད་ཐོག་དེ་ནས་ཁ་ཆེ་དང་། བལ་ཡུལ། རྒྱ་གར་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ནས་རྒྱ་གཞུང་དང་རྒྱ་ཡིག་བཅས་ལ་སྦྱངས་པ་དཔྱིས་ཕྱིན་པ་མཛད་དེ།

༡༣༽ ལོ་ཙཱ་བ་རྩ་མི་སངས་རྒྱས་གྲགས།   ལོ་ཙཱ་བ་རྩ་མི་ཆེན་པོ་སངས་རྒྱས་གྲགས་པ་ནི། ཕྱི་ལོའི་དུས་རབས་བཅུ་གཅིག་པའི་དུས་སྨད་ཙམ་དུ་མདོ་ཁམས་མི་ཉག་གི་ཡུལ་རྩ་མི་ཞེས་བྱ་བའི་སར་སྐུ་འཁྲུངས་པའི་ལོ་ཙཱ་བ་ཞིག་སྟེ། ཐོག་མར་བོད་ཡུལ་ནས་སློབ་གཉེར་མཛད་ཅིང་། བསྟན་པའི་ཆོས་སྒོར་ཞུགས་ཏེ་འདུལ་བའི་ཆོས་གཞུང་སོགས་ལ་ཐོས་བསམ་མཛད། དེ་ནས་ཁ་ཆེ་དང་བལ་ཡུལ་བརྒྱུད་རྒྱ་གར་དུ་ཕེབས་ཏེ་པཎྜི་ཏ་ཨ་བྷ་ཡ་ཀ་ར་གུཔྟ་སོགས་ལ་བསྟེན་ནས།

༡༢༽ ལོ་ཙཱ་བ་ཡར་ལུང་པ་སེངྒེ་རྒྱལ་མཚན།   ལོ་ཙཱ་བ་ཡར་ལུང་སེངྒེ་རྒྱལ་མཚན་ནི། ཕྱི་ལོའི་དུས་རབས་བཅུ་གཅིག་པའི་ནང་སྐུ་འཁྲུངས་པའི་ལོ་ཙཱ་བ་ཞིག་ཡིན་པ་བསྟན་འགྱུར་ཁྲོད་བསྡུས་ཡོད་པའི་ཁོང་གི་འགྱུར་ཆོས་ཀྱི་མཇུག་བྱང་ལ་བལྟས་པས་ཤེས་ཐུབ་ལ། ལོ་རྒྱུས་ཞིབ་པ་ལག་སོན་མ་བྱུང་། ཁོང་དང་རྒྱ་གར་གྱི་པཎྜི་ཏ་ཤྲཱི་མ་ཧཱ་ཛ་ན་དང་བོད་ཀྱི་ལོ་ཙཱ་བ་འཕགས་པ་ཤེས་རབ་བཅས་ཀྱིས་ལྷན་དུ་བསྒྱུར་བ་ལ། བསྟན་འགྱུར་ལས། ཤེར་ཕྱིན་ ༼མ༽ པོད་དུ།

༡༡༽ ལོ་ཙཱ་བ་དིང་རི་ཆོས་གྲགས།   ལོ་ཙཱ་བ་དིང་རི་ཆོས་གྲགས་ནི། ཕྱི་ལོའི་དུས་རབས་བཅུ་གཅིག་པའི་དུས་དཀྱིལ་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། ཐོག་མར་བོད་ཡུལ་ནས་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པ་མཛད་ཅིང་། དེ་ནས་ཁ་ཆེ་དང་། བལ་ཡུལ། རྒྱ་གར་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ཤིང་། རྒྱ་གཞུང་དང་རྒྱ་ཡིག་བཅས་ལ་སློབ་གཉེར་ལེགས་པར་མཛད་ནས་བསྟན་བཅོས་འགའ་ཡང་བསྒྱུར་བར་མཛད།

༡༠༽ ལོ་ཙཱ་བ་རབ་ཞི་བཤེས་གཉེན།   ལོ་ཙཱ་བ་རབ་ཞི་བཤེས་གཉེན་མཆོག་ནི། ཕྱི་ལོའི་དུས་རབས་བཅུ་གཅིག་པའི་དུས་དཀྱིལ་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། རྗེ་འདིས་ཐོག་མར་བོད་ཡུལ་ནས་སློབ་གཉེར་མཛད་ཅིང་། རབ་བྱུང་དང་། དགེ་ཚུལ། དགེ་སློང་བཅས་ཀྱི་སྡོམ་པ་རྣམས་རིམ་གྱིས་བཞེས་ཏེ་འདུལ་འཛིན་པ་ཆེན་པོར་གྱུར། དེ་ནས་ཁ་ཆེ་དང་། བལ་ཡུལ། རྒྱ་གར་སོགས་སུ་ཕེབས་ནས་པཎ་གྲུབ་མང་པོའི་ཞབས་ལ་གཏུགས་ཏེ་རྒྱ་གཞུང་དང་།

༩༽ ལོ་ཙཱ་བ་འབྲོ་ཤེས་རབ་གྲགས།   བོད་ཀྱི་འབྲོ་ལོ་ཙཱ་བ་དགེ་སློང་ཤེས་རབ་གྲགས་པ་མཆོག་ནི། ཕྱི་ལོའི་དུས་རབས་བཅུ་གཅིག་པའི་དུས་འགོ་ཙམ་དུ་སྐུ་འཁྲུངས་པའི་སྙན་གྲགས་ཅན་གྱི་ལོ་ཙཱ་བ་ཞིག་སྟེ། ཐོག་མར་བོད་ཡུལ་ནས་སློབ་གཉེར་མཛད་ཅིང་། རབ་བྱུང་། དགེ་ཚུལ། དགེ་སློང་བཅས་ཀྱི་སྡོམ་པ་རྣམས་རིམ་གྱིས་བཞེས་ཤིང་། འདུལ་བའི་ཆོས་གཞུང་བཅས་ལ་ལེགས་པར་སྦྱངས། དེ་ནས་ཁ་ཆེ་དང༌། བལ་ཡུལ།

༨༽ རྡོ་ལོ་ཙཱ་བ་དགེ་སློང་དར་མ་རིན་ཆེན།   རྡོ་ལོ་ཙཱ་བ་དགེ་སློང་དར་མ་རིན་ཆེན་མཆོག་ནི། གཉན་ལོ་དང་དུས་མཉམ་པས་དུས་རབས་བཅུ་གཅིག་པའི་དུས་སྟོད་དུ་བྱོན་པ་ཞིག་ཡིན་འདུག །ཏཱ་ར་ནཱ་ཐས་ (1575-1634) མཛད་པའི་རྒྱུད་རྒྱལ་གཤིན་རྗེ་གཤེད་སྐོར་གྱི་ཆོས་འབྱུང་རྒྱས་པ་ཡིད་ཆེས་ངོ་མཚར་ལས[1]། སྤྱིར་ཡང་སྔོན་དུས་ཀྱི་ལོ་ཙཱ་བ་རྣམས་ལ། རྣམ་ཐར་ཁྲིགས་ཆགས་མ་ཆེན་མོའི་རིགས་ཁུངས་དང་ལྡན་པ་ཆེར་མི་སྣང་བས།

༧༽ ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས། ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས་མཆོག་ནི། མཚན་གཞན་ལ་སེ་ལོ་ཙཱ་བ་ཞེས་ཞུ་ཤིང་། ཕྱི་ལོའི་དུས་རབས་བཅུ་གཅིག་པའི་དུས་སྟོད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། ཟངས་དཀར་ལོ་ཙཱ་བ་འཕགས་པ་ཤེས་རབ་ཀྱི་དབོན་པོ་ཡིན། ཐོག་མར་བོད་ནས་སློབ་གཉེར་མཛད་ཅིང་། དེ་ནས་ཁ་ཆེ་དང༌། བལ་ཡུལ། རྒྱ་གར་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ནས་རྒྱ་གཞུང་དང་།

༦༽ ལོ་ཙཱ་བ་བནྡེ་གཞོན་ནུ་ཤེས་རབ།   ལོ་ཙཱ་བ་བནྡེ་གཞོན་ནུ་ཤེས་རབ་མཆོག་ནི། ཕྱི་ལོའི་དུས་རབས་བཅུ་གཅིག་པའི་དུས་སྟོད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། ཐོག་མར་བོད་ཡུལ་ནས་སློབ་གཉེར་མཛད་ཅིང་། བསྟན་པའི་ཆོས་སྒོར་ཞུགས་ཏེ་རབ་བྱུང་དང་། དགེ་ཚུལ། དགེ་སློང་བཅས་ཀྱི་སྡོམ་པ་རྣམས་རིམ་གྱིས་བཞེས་ཤིང་། འདུལ་བའི་ཆོས་གཞུང་བཅས་ལ་ཐོས་བསམ་མཛད། དེ་ནས་ཁ་ཆེ་དང་། བལ་ཡུལ།

༥༽ ལོ་ཙཱ་བ་མལ་གྱོ་བློ་གྲོས་གྲགས།   ལོ་ཙཱ་བ་མལ་གྱོ་བློ་གྲོས་གྲགས་མཆོག་ནི། མཚན་གཞན་ལ་མལ་གྱི་བློ་གྲོས་གྲགས་ཞེས་ཞུ་ཞིང་། ཕྱི་ལོའི་དུས་རབས་བཅུ་གཅིག་པའི་དུས་འགོ་ཙམ་དུ་སྐུ་འཁྲུངས་པའི་ལོ་ཙཱ་བ་སྙན་གྲགས་ཅན་ཞིག་སྟེ། མཁས་པའི་དགའ་སྟོན་དུ། མལ་གྱི་བློ་གྲོས་གྲགས་འདིས་རྒྱ་གར་ནས་མགོན་པོའི་ཆོས་སྐོར་དུ་མ་སྤྱན་དྲངས་ཏེ་མགོན་པོའི་དངོས་སློབ་རྒྱ་གར་གྱི་སློབ་དཔོན་ཨརྞ་པ་ལ་གསན་པ་གྲི་གུག་ལྕགས་པར་མ་སྤྲུལ་པ་ཉི་མ་འབར་ལ་གནང་ནས་ཕྱིས་བེར་ནག་ཅན་དུ་གྲགས།