པཎ་གྲུབ་ཀྱི་རྣམ་ཐར།

པ༽ བུདྡྷ་པཱ་ལི་ཏ་དང་རྗེ་བདག་ཉིད་ཆེན་པོ།   དེ་ཡང་འཇམ་མགོན་བླ་མ་ཙོང་ཁ་པ་ཆེན་པོས་འགྲེལ་པ་བུདྡྷ་པཱ་ལི་ཏའི་གཞུང་བཟང་འདི་ཉིད་ལ་གཟིགས་རྟོག་མཛད་ནས་དབུ་མའི་ལྟ་བ་རྙེད་ཚུལ་མཛད་པ་ཡང་འཇམ་དབྱངས་ཆོས་རྗེས་ (1379-1449) མཛད་པའི་རྗེའི་གསང་བའི་རྣམ་ཐར་ལས[1]། རྒྱལ་སྲས་ཀླུ་སྒྲུབ་ཡབ་སྲས་གཙོ་འཁོར་ལྔ[2]། །ཟབ་མོ་རྟེན་འབྱུང་གཏམ་གྱི་བགྲོ་བ་མཛད། ། དེ་ཡི་ནང་ནས་དཔལ་ལྡན་སངས་རྒྱས་བསྐྱངས། །རྒྱ་དཔེས་བྱིན་བརླབས་འཕགས་པའི་དགོངས་པ་འཁྲུངས། །

ན༽ འཕགས་བོད་ཀྱི་སྐྱེས་ཆེན་དམ་པས་བསྔགས་ཚུལ།   དཔལ་ལྡན་ཟླ་གྲགས་དང་། རྗེ་བདག་ཉིད་ཆེན་པོས་བསྔགས་པ་ཇི་ལྟར་མཛད་ཡོད་ཅེ་ན། དེ་ཡང་དཔལ་ལྡན་ཟླ་བ་གྲགས་པས་མཛད་པའི་དབུ་མ་ཚིག་གསལ་ལས[1]། སངས་རྒྱས་བསྐྱངས་ཀྱིས་མཛད་པའི་འགྲེལ་པ་མཐོང་ནས་ལེགས་ལྡན་བྱེད་ཀྱིས་ལེགས་བཤད་གང༌། །གཅིག་ནས་གཅིག་ཏུ་བརྒྱུད་ལས་འོངས་དང་བདག་གིས་རྣམ་པར་ཕྱེ་ལས་རྙེད་པ་གང༌། །ཞེས་གསུངས་ལ།

ད༽ དབུ་མ་ཐལ་འགྱུར་བའི་སྲོལ་བཟང་གཏོད་ཚུལ།   དེ་ཡང་པཎ་ཆེན་སྐུ་ཕྲེང་དགུ་པ་བློ་བཟང་ཐུབ་བསྟན་ཆོས་ཀྱི་ཉི་མས་ (1883-1937) མཛད་པའི་འཛམ་གླིང་མཛེས་བྱེད་རྒྱན་དྲུག་མཆོག་གཉིས་སོགས་འཕགས་བོད་ཀྱི་པཎ་གྲུབ་ཆེན་པོ་འགའ་ཞིག་ལ་གསོལ་བ་འདེབས་པའི་རིམ་པར་ཕྱེ་བ་ཕུལ་བྱུང་དོན་ལྡན་ལས[1]། ཀླུ་སྒྲུབ་ཞལ་ལུང་བདུད་རྩིའི་བཅུད་བཟང་པོར། །ངོམས་མེད་སྤྱད་པས་མཐའ་བྲལ་དབུ་མའི་ལམ། ། ཇི་བཞིན་རྟོགས་ནས་གཞན་ལ་འདོམས་མཁས་པ། །སློབ་དཔོན་སངས་རྒྱས་བསྐྱངས་ལ་གསོལ་བ་འདེབས། །

ཐ༽ སངས་རྒྱས་བསྐྱངས་ཤིང་རྟའི་སྲོལ་འབྱེད་ཡིན་མིན།   དེ་ཡང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་མཛད་པའི་སློབ་དཔོན་སངས་རྒྱས་བསྐྱངས་ཀྱི་བསྟོད་པ་ལས[1]། ཡོད་མེད་མཐའ་བྲལ་བཀྲལ་བར་གཞུང་གི་མཆོག །དཔལ་ལྡན་རྩ་བ་ཤེས་རབ་ཅེས་བྱའི་དོན། ། འཕགས་པའི་དགོངས་པ་ཇི་བཞིན་འགྲེལ་མཛད་པ། །གྲུབ་མཆོག་སངས་རྒྱས་བསྐྱངས་ལ་ཕྱག་འཚལ་ལོ། །