དཔལ་ནཱ་ལེནྡྲ། བྱོན་པ་ལེགས།

བདུན་པ། མཁན་ཆེན་ཞི་བ་འཚོའི་གསུང་གི་དཀར་ཆག ཀ༽ བསྟན་འགྱུར་དུ་བཞུགས་པའི་དཀར་ཆག དང་པོ། བསྟོད་ཚོགས་ཀྱི་སྐོར།   ༡༽ བསྟོད་ཚོགས་ ༼ཀ༽ པ་ལ། རྒྱ་གར་སྐད་དུ། ཤྲཱི་བཛྲ་དྷ་ར་སཾ་གཱི་ཏི་བྷ་ག་བཱན་སྟོ་ཏྲཿ བོད་སྐད་དུ། བཅོམ་ལྡན་འདས་ལ་བསྟོད་པ་དཔལ་རྡོ་རྗེ་འཛིན་གྱི་དབྱངས། མང་དུ་ཐོས་པའི་སློབ་དཔོན་ཞི་བ་འཚོས་མཛད་པ། རྒྱ་གར་གྱི་མཁན་པོ་བིདྱཱ་ཀ་ར་པྲ་བྷ་དང་། ཞུ་ཆེན་གྱི་ལོ་ཙཱ་བ་བནྡེ་དཔལ་བརྩེགས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། སྡེ་བསྟན་དཀར་ཆག་དང་[1]།

དེ་འཕྲོས་སྒྲ་སྒྱུར་ལོ་ཙཱ་བ་རྣམས་ནི། ༡༠༽ སློབ་དཔོན་ཆེན་པོ་ཞི་བ་ལྷས་མཛད་པའི་བྱང་ཆུབ་སེམས་དཔའི་སྤྱོད་པ་ལ་འཇུག་པ་ལས་བྱུང་བའི་སྨོན་ལམ་ལོ་ཆེན་དགེ་སློང་ཆོས་སྨྲ་བ་བསོད་ནམས་རྒྱ་མཚོའི་སྡེས་སྒྲ་སྒྱུར་མཛད། ལོ་ཙཱ་བ་འདིའི་རྣམ་ཐར་མགོན་པོ་ཀླུ་སྒྲུབ་ཀྱི་གསུང་གི་སྐབས་སུ་བཀོད་ཟིན།

༩༽ འགོས་ལོ་ཙཱ་བ་གཞོན་ནུ་དཔལ།   དེ་ཡང་སྤྱན་སྔ་བ་ཆོས་ཀྱི་གྲགས་པ་ཡེ་ཤེས་དཔལ་བཟང་པོས་ (1453-1524) མཛད་པའི་འགོས་ལོ་ཙཱ་བ་ཆེན་པོ་གཞོན་ནུའི་ཞབས་ལ་བསྟོད་པ་ལས[1]། བླ་མེད་བྱང་ཆུབ་སེམས་ལ་ཐུགས་རྒྱུད་སྦྱངས། ། མང་དུ་ཐོས་ཤིང་སྒྲུབ་པ་སྙིང་པོར་མཛད། ། འཇིག་རྟེན་ལས་འདས་ཕུན་ཚོགས་ཀུན་མངའ་བའི། ། ནམ་མཁའ་བློ་གྲོས་ཞབས་ལ་མགོས་ཕྱག་འཚལ། །

༨༽ ལོ་ཙཱ་བ་ཐར་ལོ་ཉི་མ་རྒྱལ་མཚན།   གཙུག་ཏོར་གདུགས་དཀར་འདོན་ཐབས་སམ་སངས་རྒྱས་རྣལ་འབྱོར་དུ་བྱེད་པའི་མན་ངག་ལས[1]། དབུས་འགྱུར་ཚལ་དུ་བྷོ་ཊའི་བཙུན་གཅིག་པུར། ། གྲགས་པའི་རྔ་གསང་མཐོ་བའི་འཇིག་རྟེན་མིག ། ཐར་པ་ལོ་ཙཱ་ཉི་མ་རྒྱལ་མཚན་གྱི། ། གདམས་པ་ཟབ་མོ་བུ་སྟོན་ཡབ་སྲས་ལས། །

༧༽ ཞ་མ་ལོ་ཙཱ་བ་སེངྒེ་རྒྱལ་བ།   ཞ་མ་ལོ་ཙཱ་བ་སེངྒེ་རྒྱལ་མཚན་མཆོག་ནི། (འདི་མ་གཅིག་ཞ་མ་མིན།) ཕྱི་ལོའི་དུས་རབས་བཅུ་གཅིག་པའི་དུས་སྟོད་ཙམ་དུ་སྐུ་འཁྲུངས་པའི་སྙན་གྲགས་ཅན་གྱི་ལོ་ཙཱ་བ་ཞིག་ཡིན། ཁོང་གིས་ཐོག་མར་བོད་ཡུལ་ནས་སློབ་གཉེར་མཛད་ཅིང་། བསྟན་པའི་ཆོས་སྒོར་ཞུགས་ཏེ་རབ་བྱུང་དང་། དགེ་ཚུལ། དགེ་སློང་གི་སྡོམ་པ་རྣམས་རིམ་གྱིས་བཞེས་ཤིང་། འདུལ་བའི་ཆོས་གཞུང་སོགས་ལ་ཐོས་བསམ་མཛད།

༦༽ ལོ་ཙཱ་བ་རྔོག་བློ་ལྡན་ཤེས་རབ།   དེ་ཡང་རྔོག་ལོ་ཙཱ་བ་བློ་ལྡན་ཤེས་ཀྱི་བསྟོད་པ་ལས[1]། བློ་གྲོས་མཚུངས་མེད་འཇིག་རྟེན་ཀུན་གྱི་མིག ། ཕྱོགས་ལས་རྣམ་རྒྱལ་རིགས་པའི་དབང་ཕྱུག་གཙོ། ། སྨྲ་བའི་སེང་གེ་བློ་ལྡན་ཤེས་རབ་ཅེས། ། གྲགས་པ་བསམ་ལས་ནམ་མཁའི་མཐར་སོན་པ། ། བློ་ལྡན་ཤེས་རབ་ཞབས་ལ་ཕྱག་འཚལ་ལོ། །

༥༽ ལོ་ཙཱ་བ་རྨ་བན་ཆོས་འབར།   ལོ་ཙཱ་བ་རྨ་བན་ཆོས་འབར་མཆོག་ནི། (རྨ་ལོ་ཙཱ་བ་རྨ་བན་ཆོས་འབར།) རབ་བྱུང་དང་པོའི་ཤིང་ཕོ་སྤྲེལ་ཕྱི་ལོ་ ༡༠༤༤ ལོར་ལ་སྟོད་ལྷོར་སྐུ་འཁྲུངས། ཐོག་མར་བོད་ཡུལ་ནས་སློབ་གཉེར་མཛད་ཅིང་། དེ་ནས་ཁ་ཆེ་དང་། བལ་ཡུལ། རྒྱ་གར་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ནས་རྒྱ་གཞུང་དང་རྒྱ་ཡིག་བཅས་ལ་སྦྱངས་པ་དཔྱིས་ཕྱིན་པ་མཛད་དེ་བསྟན་བཅོས་མང་པོ་བོད་ཡིག་ཏུ་བསྒྱུར་གནང་མཛད།

༤༽ ལོ་ཙཱ་བ་འཕགས་པ་ཤེས་རབ།   བོད་ཀྱི་ལོ་ཙཱ་བ་འཕགས་པ་ཤེས་རབ་མཆོག་ནི། (ཟངས་དཀར་འཕགས་པ་ཤེས་རབ།) ཕྱི་ལོའི་དུས་རབས་བཅུ་གཅིག་པའི་དུས་འགོ་ཙམ་དུ་མངའ་རིས་ཟངས་དཀར་དུ་སྐུ་འཁྲུངས། མར་པ་ཆོས་ཀྱི་བློ་གྲོས་ (1012-1097) དང་དུས་མཉམ་ཡིན། དགུང་ལོ་ཆུང་ངུའི་དུས་ནས་ཡི་གེའི་འབྲི་ཀློག་བཅས་ལ་བྱང་བར་མཛད་ཅིང་རབ་བྱུང་དང་། དགེ་ཚུལ།

༣༽ ཞུ་ཆེན་གྱི་ལོ་ཙཱ་བ་རིན་ཆེན་བཟང་པོ།   དེ་ཡང་སྤྲུལ་པའི་གཏེར་ཆེན་མཆོག་འགྱུར་བདེ་ཆེན་གླིང་པའི་ (1829-1870) ཞབས་ཀྱིས་མཛད་པའི་བླ་མའི་ཐུགས་སྒྲུབ་ཡིད་བཞིན་ནོར་བུ་ལས[1]། སྐ་བ་དཔལ་བརྩེགས་ཐུགས་རྗེའི་རང་འོད་ཞིག༔ མངའ་རིས་སྟོད་ན་བཟང་པོའི་ལོ་ཙཱར་སྐྱེས༔ དེ་དང་དེ་ཡི་བརྒྱུད་པ་འཛིན་པ་ཡིས༔ མཐའ་ནས་དབུས་སུ་མདོ་སྔགས་བསྟན་པ་ནི༔ ཐོ་རེངས་སྐར་ཆེན་ཤར་བ་བཞིན་དུ་སྣང་༔

༢༽ ལོ་ཙཱ་བ་བནྡེ་ཡེ་ཤེས་སྡེ།   ཞུ་ཆེན་གྱི་ལོ་ཙཱ་བ་བནྡེ་ཡེ་ཤེས་སྡེ་མཆོག་ནི། (ཡེ་ཤེས་སྡེའམ་སྣ་ནམ་བཙུན་པ་ཡེ་ཤེས་སྡེ་དང་། ཞང་སྣ་ནམ་ཡེ་ཤེས་སྡེ་ཞེས་ཀྱང་ཞུ།)[1] ཕྱི་ལོའི་དུས་རབས་བརྒྱད་པའི་དུས་དཀྱིལ་ཙམ་དུ་སྐུ་འཁྲུངས་ཤིང་རྟེན་རབ་བྱུང་ཡིན། ཆོས་རྒྱལ་ཁྲི་སྲོང་ལྡེ་བཙན་གྱི་སྐུ་དུས་སུ་བྱུང་བའི་ལོ་ཙཱ་བ་སྐ་ཅོག་ཞང་གསུམ་གྱི་ཡ་གྱལ་ཡིན་ལ། ལོ་ཙཱ་བ་རབ་དགུའི་ནང་གསེས་གཞོན་པ་གསུམ་གྱི་ཡ་གྱལ་དང་།