དཔལ་ནཱ་ལེནྡྲ། བྱོན་པ་ལེགས།

༄༅། །མཛེ་རིགས་བཅོ་བརྒྱད་ཀྱི་རྟགས་བཅོས་ཡོད་ལགས། རྡོ་རྗེ་བདེ་ཁྲོས་ཀྱི་དགོངས་པ་ལས་བྱུང་བ། ལེའུ་དང་པོ། བདུད་རྩི་ཉི་མ།   དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །འགྲོ་བའི་སྡུག་བསྔལ་སེལ་མཛད་པའི། །རྗེ་བཙུན་དམ་པ་རྣམས་ལ་ཕྱག་འཚལ་ལོ། །རྡོ་རྗེ་བདེ་འཁྲོས་ཀྱི་ལེའུ་བཅུ་བདུན་པའི་གདམ་ངག་ཏུ་འགྲོ་བ་ཡིན་གསུང་ངོ་། །དེ་ནས་མངོན་པར་བཤད་བྱ་བ་འགྲོ་བ་དུག་གིས་གདུངས་པ་ལ། གདུག་པའི་དབང་ཆེན་ལ་སོགས་པའི་གནོད་པ་འདི་ལྟར་འབྱུང་བར་འགྱུར་ཞེས་པས་དེའི་བརྟག་པ་དང་། བསྲུང་བ་བསྟན་པ་ནི།

༄༅། །གསང་བའི་བདག་པོས་བདེ་བྱེད་མཁའ་འགྲོ་མ་ལ་གནང་བའི་མཛེ་བཅོས་དོན་པ་བཞུགས་སོ།། ན་མོ་གུ་རུ། གསང་བའི་བདག་པོས་བདེ་བྱེད་མཁའ་འགྲོ་མ་ལ་གསུངས་པའོ། ནད་བརྟག་པ་བཅོས་པའི་ཐབས་འདི་ལ་དང་པོ་བརྟག་པ་དང་། ནད་གདོན་སྦྱོང་བ་དང་། རྒྱུན་དུ་གསོ་སྨན་དང་། འཐོར་བུ་གསོ་ཐབས་དང་། ཐ་མ་ལོག་ནོན་བསྟན་པ་དང་ལྔའོ། །རྐུ་[ཀུ]རེ་རྐྱལ་ཀར་ཞུག་[ཞུགས]ན་སྔོན་དུ་ན་ཚ་མེད་པར་ཁ་ཡོ་གློ་བུར་དུ་མིག་སླེ་བ། ལུས་པོ་འཁུམས་པའོ། །

༄༅། །ལྕགས་སྦུབ་མ་རྒྱ་ནག་གི་ལུགས། གཙང་པ་བསྒོམ་ཆུང་ནས་བརྒྱུད་པ། ལེའུ་དང་པོ། སྔགས་ཀྱི་རིམ་པ། དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །རྒྱུད་དཔལ་རྡོ་རྗེ་བདེ་བ་ལས་བཏུས། དེ་ལ་དོན་རྣམ་པ་བརྒྱད་དུ་བསྟན་ཏོ། །རྫས་བསག་ཅེས་བྱ་བ་ནི། ནད་གང་དང་ཡང་སྦྱར་རོ། །ལྷ་བསྒོམ་པ་ནི་དྲག་པོའི་རྟགས་སོ། །དྲག་སྔགས་བཟླ་བ་ནི་གང་ཟླས་[བཟླས]ཀྱང་། ཕོ་མོ་གཉིས་སུ་ཤེས་པར་བྱའོ། །

༄༅། །ཀླུ་རྒྱལ་ཞུས་ལན། མངོན་རྟོགས་ཕྱོགས་དང་པོ། བརྟག་པ་དུག་མཚོ། ལེའུ་དང་པོ། གླེང་གཞི།   ༄༅། །རྒྱ་གར་སྐད་སྐད་བཞི་ལས། ཨ་པྲ་ཏ་ཧི་སྐད། བྷྱ་ཀ་ར་ནིའི་སྐད། སང་ཏྲི་[སཾསྐྲི]ཏ་ལྷའི་སྐད་དང་། བེ་ནན་ཙི་ཡི་སྐད་དང་བཞི་ལས། འདི་ནི་སཾ་ཀྲི་[སྐྲི]ཏའི་སྐད་དོ་དུ། ནཱ་ག་ར་ཙ་ཏག་ཤ་ཁ་[ཀ]མ་ཧཱ་ཧ་བྷི་ཀྵུ་པན་ན་ན་མ། བོད་སྐད་དུ། ཀླུའི་རྒྱལ་པོ་འཇོག་པོ་དང་། དགེ་སློང་ཆེན་པོའི་ཞུས་ལེན་[ལན]ཞེས་བྱ་བ། སློབ་དཔོན་ན་ག་རྫུ་ན་[ནཱ་གཱ་རྫུ་ནཿ]ཡི་མདོ་སྐོར་འདི་ལ།

ཕྱོགས་སྒྲིག་པའི་སྔོན་གླེང་།   བོད་ཟལ་མོ་སྒང་པ་ཞེས་སུ་གྲགས་པ་འཛམ་གླིང་གི་ཡང་སྟེང་དུ་གནས་པའི་བོད་མི་རིགས་འདི་ཉིད་ལ་གནམ་གྱིས་ས་བཀབ་པ་ལྟ་བུའི་སྔོན་བྱོན་དྲན་དབང་དམ་པ་རྣམས་ཀྱི་ཐུགས་རྗེ་བཀའ་དྲིན་ལས། དམ་པའི་ཆོས་ཀྱིས་གཙོས་པའི་བཅུ་ཕྲག་རིག་པའི་གནས་ཀྱིས་ཡོངས་སུ་ཕྱུག་པའི་ཤེས་རིག་བང་མཛོད་ནི་སྲིད་པའི་མཐར་ཡང་ནུབ་པ་མེད་པ་ཞིག་མཆིས་པ་ལ་སུས་ཀྱང་བསྙོན་དུ་མེད་ཅིང་། དེ་ལས་རིག་གནས་བཅུའི་ཡ་གྱལ་གཞན་རྗེས་འཛིན་གྱི་ཐབས་མཆོག་དམ་པར་གྱུར་པའི་བོད་ཀྱི་གསོ་བ་རིག་པ་ནི།

དཀར་ཆག ཕྱོགས་སྒྲིག་པའི་སྔོན་གླེང་། དང་པོ། སྨན་ཡིག་གཅེས་བཏུས་ཀྱི་དཀར་ཆག གཅིག །ཀླུ་རྒྱལ་ཞུས་ལན། མངོན་རྟོགས་ཕྱོགས་དང་པོ། བརྟག་པ་དུག་མཚོ། ལེའུ་དང་པོ། གླེང་གཞི། ལེའུ་གཉིས་པ། གླེང་སློང་ཞིང་ཞུས་པ། ལེའུ་གསུམ་པ། ཞུས་ལན་གྱི་རྟོགས་པ་གསལ་བ། ལེའུ་བཞི་པ། གསོ་རུ་རུང་དང་མི་རུང་བ། ལེའུ་ལྔ་པ། ཀླུ་གདོན་གྱི་རིགས་ཀྱི་རྣམ་གྲངས་བསྟན་པ། ལེའུ་དྲུག་པ། ཀླུ་རྒྱལ་རིགས་ལས་གྱུར་པའི་ནད་རིགས་རྣམས་ངོས་བཟུང་བ། ལེའུ་བདུན་པ། ཀླུ་བྲམ་ཟེ་ལས་གྱུར་པའི་གདོན་དང་ནད་ཀྱི་མཚན་ཉིད་བསྟན་པ།

བཤལ་དག་ཐུན་ཆུང་མ་ཕིགས་དང་། །སྨན་ལྷག་འོར་དུ་ལུས་པ་དང་། །འཕྱན་དང་ཕྱི་ས་ཆུ་སྲི་སྡོམ། །ལྟེ་བ་ཆུ་སོ་ན་བ་ལ། །ནི་རུ་ཧ་ནི་གཏང་བར་བྱ། །དམར་པོ་གཅིག་ཐུབ་ཚན་དེ་ཡི། །ཕྱེ་དང་མར་ནག་ཆང་དུ་བསྐོལ། །འཁྲུ་བ་དག་ལ་མཆོག་ཏུ་འོ། །རུ་རྟ་ཟླ་འོར་ཞོ་ཤ་དང་། །ནག་པོ་ཚན་དེ་མས་གཏང་ངོ་། །དུར་བྱིད་ཨ་རུ་ར་དང་ནི། །བ་གཅིན་སྦྱར་བ་གཉིས་ཀ་གཏང་། །རླུང་ཤས་ཆེ་བར་གྱུར་པ་ལ། །སླེ་ཏྲེས་སྨྱུག་མའི་ལོ་མ་དང་། །སུ་ཏི་ཀ་རན་ཏ་ཤུག་པ། །ཐང་ཤིང་དང་ནི་མ་དང་། །སུ་ཏི་ཀ་རྣམས་བ་གཅིན་སྦྱར། །བསྐོལ་ཏེ་བུ་རམ་ཏིལ་མར་དང་། །རྒྱམ་ཚྭ་དག་དང་སྦྱར་བ་འོ། །

དེ་ནས་མཆིན་ནད་བཅོས་པ་ནི། །འབྲས་བུ་གསུམ་གྱི་ཐང་བཤལ་ནི། །ཡང་ནས་ཡང་དུ་གཏང་བར་བྱ། །སྐྱུ་རུ་ར་ཡི་ཐང་དང་ནི། །བ་ལེ་ཀ་དང་བ་ཤ་ཀ །ཐང་གཏང་རྗེས་ལ་བཤལ་བྱ་འོ། །སེ་རྒོད་ཁ་རུ་ཚྭ་དང་ནི། །མར་ནི་གཏང་སྟེ་སྦྱར་བར་བྱ། །ཚ་བ་ཆེ་ན་རྒྱས་པ་བཞིན། །དོང་ག་དུར་བྱིད་ཧོང་ལེན་དང་། །ཁྲོན་བུ་དང་ནི་ལྕུམ་རྩ་དང་། །ཐར་ནུ་རེ་ལྕག་རྩ་བ་དང་། །བྱང་བ་དང་ནི་སྐྱེར་པའི་རྩ། །ཨ་རུ་ར་དང་ཁ་རུ་ཚྭ། །ཕྱེ་མ་ཆ་སྙོམས་ཆུས་ཕུལ་བ། །རྩ་བ་བརྒྱད་པའི་བཤལ་ཡིན་ནོ། །ཡང་ན་འབྲས་བུ་གསུམ་གྱི་ཐང་། །

ད་ནི་རྒྱུ་བའི་བྱེ་བྲག་ནི། །དཔྱིད་ཟླ་ར་བ་ཁྲ་དང་རྟ། །ཚེས་གཅིག་མཆིན་པ་གཉིས་ལ་ནི། །མཁྲིས་པ་དང་ནི་སྙིང་ས་ཆུ། །རྒྱུ་མ་གསུམ་ལ་ཤིང་དང་ཆུ། །ཕོ་བའི་རྩ་དག་རྒྱུ་བ་སྟེ། །བཞི་དང་ལྔ་ལ་མེ་དང་མེ། །དྲུག་ལ་མེ་ཆུ་མཆེར་པ་སྟེ། །བདུན་དང་བརྒྱད་ལ་ལྕགས་དང་ལྕགས། །དགུ་ལ་ལྕགས་ཆུ་མཁལ་མ་གཡོན། །བཅུ་དང་བཅུ་གཅིག་ཆུ་དང་ཆུ། །བཅུ་གཉིས་ཆུ་ཆུ་ལྒང་ཕུགས་ཏེ། །བཅུ་གསུམ་བཅུ་བཞི་ཤིང་དང་ནི། །བཅོ་ལྔ་ཕོ་བའི་ས་དག་གོ །བཅུ་དྲུག་བཅུ་བདུན་མེ་དང་མེ། །བཅོ་བརྒྱདྭ་མཆིན་པ་ཡིན་པ་སྟེ། །

༄༅། །སྨན་དཔྱད་ཟླ་བའི་རྒྱལ་པོ་ཞེས་བྱ་བ་བཞུགས།།   ༄༅། །རྒྱ་གར་སྐད་དུ། སོ་མ་རཱ་ཛ་བྷཻ་ཥ་ཛྱ་སཱ་དྷ་ནཱ་མ། བོད་སྐད་དུ། སྨན་དཔྱད་ཟླ་བའི་རྒྱལ་པོ་ཞེས་བྱ་བ། འཕགས་པ་འཇམ་དཔལ་ལ་ཕྱག་འཚལ་ལོ། །སློབ་དཔོན་ཀླུ་སྒྲུབ་ལ་ཕྱག་འཚལ་ལོ། །དྲི་དང་ཁ་དོག་རོ་མཆོག་ལྡན། །གཏེར་དང་ནགས་ཚལ་རྣམ་ལྔའི་རི། །ས་དང་མེ་དང་ཆུ་དང་རླུང་། །ནམ་མཁའ་འབྱུང་བ་ལྔ་ཡི་རི། །རླུང་དང་བད་ཀན་མཁྲིས་པ་དང་། །ལྡན་པ་འདུས་པ་སེལ་བའི་རི། །བེ་ཡི་(དབུས་དང་རྣམ་ཤེས་གཟུགས)རི་ལ་ཨ་ཀྵོ་ཏ། །གུ་ཎ་(ལྷོར་ཚོར་བ)ས་དང་ཨ་(ནུབ་འདུ་ཤེས་)བ་རི། །