དཔལ་ནཱ་ལེནྡྲ། བྱོན་པ་ལེགས།

༢༽ ལོ་ཙཱ་བ་དགེ་སློང་དྷརྨ་ཨཱ་ཤོ་ཀ   དགེ་སློང་དྷརྨ་ཨཱ་ལོ་ཀ་མཆོག་ནི། ཕྱི་ལོའི་དུས་རབས་བརྒྱད་པའི་དུས་སྟོད་ཙམ་དུ་སྐུ་འཁྲུངས་ཤིང༌། རྒྱལ་པོ་ཁྲི་སྲོང་ལྡེ་བཙན་སྐབས་ཀྱི་སྙན་གྲགས་ཅན་གྱི་ལོ་ཙཱ་བ་ཞིག་ཡིན། རབ་བྱུང་བསྒྲུབས་ཤིང་རྟེན་དགེ་སློང་ཡིན། སྒྱུར་རྩོམ་གཙོ་གྲས་ནི་བསྟན་འགྱུར་ལས། སློབ་དཔོན་ཕྱོགས་ཀྱི་གླང་པོས་མཛད་པའི་ཕྱོགས་ཆོས་དགུའི་འཁོར་ལོ་དང་།

ཇ༽ སྒྱུར་བྱེད་ལོ་ཙཱ་བའི་རྣམ་ཐར་ངོ་སྤྲོད། ༡༽ ལོ་ཙཱ་བ་བནྡེ་རྨ་རིན་ཆེན་མཆོག   ལོ་ཙཱ་བ་བནྡེ་རྨ་གཙོ་རིན་ཆེན་མཆོག་ནི། (རྨ་རིན་ཆེན་མཆོག་ཅེས་བྱ།) ཕྱི་ལོའི་དུས་རབས་བརྒྱད་པའི་དུས་སྟོད་ཙམ་དུ་དབུ་རུ་འཕན་ཡུལ་གྱི་རྨ་གཙོ་ཞེས་པར་སྐུ་འཁྲུངས་ཤིང་། རྒྱལ་པོ་ཁྲི་སྲོང་ལྡེ་བཙན་གྱི་ཆོས་བློན་ཡིན། བོད་ལུགས་ཤིང་ཡོས་ (775) ལོར་མཁན་པོ་བོ་དྷི་ས་ཏྭ་ལས་རབ་ཏུ་བྱུང་ཞིང་། བོད་ཀྱི་ཆོས་འབྱུང་ལོ་རྒྱུས་ཐོག་ཡོངས་སུ་གྲགས་པའི་སད་མི་མི་བདུན་གྱི་ཡ་གྱལ་དང་།

ཆ༽ མ་དཔེ་མ་རྙེད་པའམ་རྩ་བརླག་སོང་བ།   དེ་ཡང་ཚད་མའི་རྒྱན་གྱུར་སློབ་དཔོན་ཕྱོགས་ཀྱི་གླང་པོས་མཛད་པའི་བསྟན་བཅོས་ཀྱི་ཁྲོད་ནས་བོད་བསྒྱུར་མ་གནང་བའམ། བོད་བསྒྱུར་གནང་ཟིན་ནའང་བསྟན་འགྱུར་དུ་མ་འཁོད་པའམ། མ་དཔེ་མ་རྙེད་པ། ཡང་ན་མ་དཔེ་གཏན་བརླག་སོང་ཟིན་པ་རྣམས་ནི། ༡༽ གཏན་ཚིགས་ཀྱི་སྒོ། འདིའི་ལུང་ཚད་ཆེན་དཀའ་འགྲེལ་དུ་དྲངས་འདུག ། (༡༠༩༦ ཤོག་ ༤༡༧།) འདི་རྒྱ་ལོ་ཨིཏ་སིང་གི་ལོ་རྒྱུས་དང་། དེར་བསྡུས་པའི་ཕྱོགས་གླང་གི་བསྟན་བཅོས་བརྒྱད་ཀྱི་མིང་ཐོར་ཡང་འཁོད་ཡོད། ༢༽ སྤྱི་མཚན་བརྟག་པ། སློབ་དཔོན་ཀ་ནི་གོ་མིས་མཛད་པའི་རྣམ་འགྲེལ་རང་འགྲེལ་གྱི་འགྲེལ་བཤད་ (རྣམ། རང་། ཤོག་ ༣༣༡ ལེའུ། ༡) དུ་འདི་ནས་ལུང་དྲངས་འདུག །རྒྱའི་བསྟན་འགྱུར་ནང་དུའང་བཞུགས། འདི་ཡོད་པ་རྒྱལ་བ་པའི་གཞུང་དུའང་བཤད། ༣༽ རིགས་པ་བརྟག་པ། འདི་ཡོད་པ། ཚད་ཀུན། རང་། ཤོག་ ༨༥ ཚད་མ། ༼ཅེ༽ སྡེ། ལ་བཤད་ཅིང་། ཞི་འཚོས་མཛད་པ་རྩོད་རིག་གི་འགྲེལ་པ་ཤོག་ ༢༣༥ པར་བཤད། གོང་གསལ་དེ་དག་ལས་གཞན་པའི་སློབ་དཔོན་ཕྱོགས་གླང་གི་གཞུང་ཞིག་རྒྱ་སྐད་དུ་ཡོད་པ་འདི་རྒྱའི་བསྟན་འགྱུར་ནང་བཞུགས་ཀྱང་དེའི་དབུར་ལེགས་སྦྱར་གྱི་མིང་མེད་པས་མ་གོ །འདི་ཡོད་པ། སྡེ་བསྟན། ཚད་མ། ༼ཅེ༽ ཚད་ཀུན། རང་། ཤོག་ ༨༥ གསལ་ཡོད། ༤༽ རྐང་མིག་གི་རིགས་པ་བརྟག་པ། བསྟན་བཅོས་འདི་གཉིས་རིགས་པ་བརྟག་པའི་ཡན་ལག་ཡིན་ནམ་དཔྱད། ༥༽ རྩོད་པའི་རབ་བྱེད། འདི་ཡོད་པ་རྣམ་བཤད་ཐར་ལམ་གསལ་བྱེད་སོགས་ཀུན་ལ་གྲགས་ཆེ། འོན་ཀྱང་གཞུང་དེ་དང་དེར་འདིའི་ལུང་འདྲེན་ཚེ། རླུང་གི་རབ་བྱེད་ལས། …

ཅ༽ བོད་བསྒྱུར་ཞུ་རྒྱུའི་གསུང་གི་རིགས།   དེ་ཡང་གུང་ལོ་ཙཱ་བ་མགོན་པོ་སྐྱབས་ཀྱིས་མཛད་པའི་རྒྱ་ནག་ཆོས་འབྱུང་ལས[1]། ༡༽ ཕྱོགས་གླང་གིས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་དོན་རྫོགས་པར་བསྡུས་པ་སྦྱིན་སྲུང་གི་འགྱུར། (བོད་མ་མེད་གསུངས།) ཞེས་གསལ་བ་ལྟར་གསུང་འདི་ཉིད་ལེགས་སྦྱར་ནས་རྒྱའི་སྐད་དུ་བསྒྱུར་བ་ཡོད་ཀྱང་། བོད་སྐད་དུ་བསྒྱུར་བ་མི་སྣང་ལ། གཞན་ཡང་རྒྱ་ནག་གི་བསྟན་འགྱུར་ལྟར་ན།

ང༽ བསྒྱུར་ཞུས་གཏན་ལ་འབེབས་མཁན་གྱི་ལོ་པཎ།   སློབ་དཔོན་འདི་ཉིད་ཀྱི་གསུང་རྣམས་རྒྱ་དཀར་ནག་གི་སྐད་ནས་བོད་སྐད་དུ་བསྒྱུར་ཞུས་གཏན་འབེབས་གནང་མཁན་ལས། རྒྱ་གར་འཕགས་ཡུལ་གྱི་མཁན་པོ་དང་པཎྜི་ཏ་ནི། དང་པོ། རྒྱ་གར་གྱི་མཁན་པོ་ཀུ་མཱ་ར་ཀ་ལ་ཤ་དང༌། རྒྱ་གར་གྱི་མཁན་པོ་སརྦ་ཛྙཱ་དེ་བ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ། རྒྱ་གར་གྱི་མཁན་པོ་དྷརྨྨ་ཤྲཱི་བྷ་དྲ། པཎྜི་ཏ་ཆེན་པོ་རྣལ་འབྱོར་ཟླ་བ། རྒྱ་གར་གྱི་མཁན་པོ་སུ་དྷ་ན་རཀྵི་ཏ།

ག༽ མཛད་པ་པོའི་མཚན་དང་། བསྒྱུར་བྱའི་སྐད་ཡིག   སློབ་དཔོན་ཕྱོགས་གླང་གིས་མཛད་པའི་གསུང་རྣམས་བསྟན་འགྱུར་གྱི་སྡེ་ཚན་བཅུ་གསུམ་ལས། བསྟོད་ཚོགས་ཁོངས་སུ་ཆོས་ཚན་ ༤ དང་། རྒྱུད་ལ་ ༣། ཤེར་ཕྱིན་ལ་ ༡། མདོ་སྡེ་ལ་ ༡། སེམས་ཙམ་ལ་ ༡། མངོན་པ་ལ་ ༡། ཚད་མ་ལ་ཆོས་ཚན་ ༨ བཅས་སྡེ་ཚན་བདུན་གྱི་ཁོངས་སུ་ཚད་མ་ཀུན་ལས་བཏུས་པ་རྩ་འགྲེལ་གཉིས་ལ་འགྱུར་མི་འདྲ་བ་གཉིས་རེ་བཞུགས་ཀྱང་ཆོས་ཚན་རེར་བརྩིས་པར་ཁྱོན་གསུང་ཆོས་ཚན་ ༡༩ བཞུགས་ཤིང་།

ཁ༽ སློབ་དཔོན་ཕྱོགས་ཀྱི་གླང་པོའི་གསུང་གི་མཚན་བྱང་།   དེ་ལྟར་སློབ་དཔོན་ཕྱོགས་ཀྱི་གླང་པོས་མཛད་པའི་བསྟན་བཅོས་ལ་མཚོན་ན། བསྟན་འགྱུར་གྱི་བསྟོད་ཚོགས་དང་། རྒྱུད། ཤེར་ཕྱིན། མདོ་སྡེ། སེམས་ཙམ། མངོན་པ། ཚད་མ་བཅས་སྡེ་ཚན་བདུན་ནང་ཆོས་ཚན་ ༡༩ བཞུགས་པ་ལས། དང་པོ་བསྟོད་ཚོགས་ཀྱི་སྐོར་ལ་བཞི་སྟེ། ༡ སྤེལ་མར་བསྟོད་པ་དང་། ༢ ཡོན་ཏན་མཐའ་ཡས་པར་བསྟོད་པའི་འགྲེལ་པ། ༣ ཡོན་ཏན་མཐའ་ཡས་པར་བསྟོད་པའི་དོན་གྱི་ཚིག་ལེའུར་བྱས་པ། ༤ ཨེ་ཀ་ནཱ་ཐའི་དོན་འགྲེལ་བཅས་སོ།།

བདུན་པ། ཚད་མའི་སྐོར།   ༡༢༽ ཀ) ཚད་མ་ ༼ཅེ༽ པ་ལ། རྒྱ་གར་སྐད་དུ། པྲ་མཱ་ཎ་ས་མུཙྪ་ཡ་ནཱ་མ་པྲ་ཀ་ར་ཎ། བོད་སྐད་དུ། ཚད་མ་ཀུན་ལས་བཏུས་པ་ཞེས་བྱ་བའི་རབ་ཏུ་བྱེད་པ། སློབ་དཔོན་ཕྱོགས་ཀྱི་གླང་པོས་མཛད་པ། གཞུང་གི་འགྱུར་བྱང་ལས[1]། འཇམ་པའི་མགོན་པོའི་བཀས་བསྐུལ་ཕྱོགས་ཀྱི་གླང་པོའི་བསྟན་བཅོས་རྒྱ་མཚོ་ལྟར་ཟབ་འདི། །རིགས་ལྡན་རྒྱལ་པོའི་བཀས་བསྐུལ་ནོར་བཟང་སྲུང་མཛད་ཅེས་བྱ་སྡེ་བདུན་བཤད་མཁན་དང་། །

དྲུག་པ། མངོན་པའི་སྐོར། ༡༡༽ མངོན་པ་ ༼ཉུ་སྨད་༽ ལ། རྒྱ་གར་སྐད་དུ། ཨ་བྷི་དྷརྨ་མརྨ་པྲ་དཱི་པ་ནཱ་མ་བྲིཏྟི། བོད་སྐད་དུ། ཆོས་མངོན་པའི་ (མཛོད་ཀྱི་} འགྲེལ་པ་གནད་ཀྱི་སྒྲོན་མ་ཞེས་བྱ་བ། སློབ་དཔོན་ཕྱོགས་ཀྱི་གླང་པོས་མཛད་པ། གཞུང་དངོས་ཀྱི་འགྱུར་བྱང་ལས། གཞུང་གི་ཚད་ཤོ་ལོ་ཀ་བཞི་སྟོང་ངོ་། །བློ་གྲོས་ཕུན་སུམ་ཚོགས་པ་སངས་རྒྱས་གཉིས་པ་ལྟར་གྱུར་དབྱིག་གཉེན་དེས་མཛད་ཆོས་མངོན་མཛོད། །

ལྔ་པ། སེམས་ཙམ་སྐོར།   ༡༠༽ སེམས་ཙམ་ ༼ཧི༽ པ་ལ། རྒྱ་གར་སྐད་དུ། ཡོ་ག་ཨ་བ་ཏ་ར། བོད་སྐད་དུ། རྣལ་འབྱོར་ལ་འཇུག་པ། སློབ་དཔོན་ཕྱོགས་ཀྱི་གླང་པོའི་ཞལ་སྔ་ནས་མཛད་པ། རྒྱ་གར་གྱི་མཁན་པོ་དྷརྨྨ་ཤྲཱི་བྷ་དྲ་དང༌། ལོ་ཙཱ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པའོ། །བུ་སྟོན་ (1290-1364) ཆོས་འབྱུང་ལས[1]། སློབ་དཔོན་ཕྱོགས་གླང་གིས་མཛད་པའི་རྣལ་འབྱོར་སྒོམ་པ་ལ་འཇུག་པ་རིན་ཆེན་བཟང་པོའི་འགྱུར།