དཔལ་ནཱ་ལེནྡྲ། བྱོན་པ་ལེགས།

  ༄༅། །མཉམ་མེད་ཇོ་བོ་ཨ་ཏི་ཤ་རྗེས་སུ་དྲན་པའི་གདུང་ དབྱངས་དད་པའི་འོ་མཚོ་འཕེལ་བའི་ཟླ་ཟེར་ ཞེས་བྱ་བ་བཞུགས་སོ།།[1]   ༼ཨ་ལགས་ཚེ་ཏན་ཞབས་དྲུང་ (1910-1985) གིས་མཛད་པ།༽   ན་མོ་ཨ་མི་ཏ་བྷཱ་ཡ། ཤར་ཕྱོགས་བྷཾ་ག་ལ་རུ་སྐུ་འཁྲུངས་ཤིང་། །ཕྱི་ནང་གྲུབ་མཐའ་རྒྱ་མཚོའི་འཇིངས་ལས་བརྒལ། །འཕགས་བོད་ཡུལ་གྲུར་བསྟན་པའི་ཕྱག་རྗེས་ཅན། །དཱི་པཾ་ཀ་ར་ཤྲཱི་ཛྙཱ་ན་མཆོད། །མགོན་ཁྱོད་ཞིང་འདིའི་གདུལ་བྱ་རྫོགས་པ་ནས། །བགྲང་བྱ་དགུ་བརྒྱ་ལེགས་འདས་དུས་ཀྱི་མཐར། །ཁྱོད་དྲིན་དྲན་པའི་གདུང་དབྱངས་རྐང་དྲུག་གི །འདབ་གཤོག་བསྐྱོད་པའི་སིལ་སྙན་རང་སྒྲ་འཁྲོལ། །

  ༄༅། །མཉམ་མེད་ཇོ་བོ་ཆེན་པོའི་བླ་མའི་རྣལ་འབྱོར་བྱིན་རླབས་མཆོག་སྩོལ།[1]   ༼རྫོང་གསར་མཁྱེན་བརྩེ་འཇམ་དབྱངས་ཆོས་ཀྱི་བློ་གྲོས་ (1893-1959) ཀྱིས་མཛད་པ།༽   ན་མོ་གུ་རུ་དཱི་པཾ་ཀཱ་ར་ཡ། བྱང་ཆུབ་སེམས་དཔའ་སེམས་དཔའ་ཆེ། །མཚན་ཐོས་ཙམ་གྱིས་འཇིགས་ལས་སྒྲོལ། །བླ་མ་ནམ་མཁའ་དྲི་མ་མེད། །ཡིད་བཞིན་ནོར་བུར་གསོལ་བཏབ་ཚུལ། །ཉུང་ངུ་སྙིང་པོར་དྲིལ་བྱས་ཏེ། །རང་དང་སྐལ་བ་མཉམ་པ་ལ། །ཕན་ཕྱིར་འབྲི་ལ་སྐབས་དབྱེའོ། །དེ་ལ་འདིར་བྱང་ཆུབ་ཀྱི་སེམས་གཉིས་རྒྱུད་ལ་བསྐྱེད་པའི་ཕྱིར་མཉམ་མེད་ཇོ་བོ་ཆེན་པོའི་རྣལ་འབྱོར་བསྒོམ་པར་འདོད་པས།

  ༄༅། །མཉམ་མེད་ལྷ་གཅིག་དཱི་པཾ་ཀ་ར་ལ་བསྟོད་པ་ ཁུ་བྱུག་མགྲིན་པའི་གླུ་དབྱངས་ཞེས་ བྱ་བ་བཞུགས་སོ།།[1]   ༼རྫོང་གསར་མཁྱེན་བརྩེ་འཇམ་དབྱངས་ཆོས་ཀྱི་བློ་གྲོས་ (1893-1959) ཀྱིས་མཛད་པ།༽   ན་མོ་གུ་རུ་དཱི་པཾ་ཀཱ་རཱ་ཡ། ལྷ་བརྒྱའི་ཚོགས་ཀྱི་ཡུལ་ན་སེམས་དཔའ་ཆེ། །བྱམས་ཆེན་དགྱེས་པའི་སྲས་ཀྱི་ཐུ་བོ་མཆོག །རྒྱལ་སྲས་བཟང་པོ་སྐྱོང་ཞེས་མཚན་སྙན་ལྡན། །འཕགས་ཆེན་དབུས་ན་གཟི་བརྗིད་ལྷམ་མེར་བཞུགས། །གང་ཁྱོད་སྲིད་ཞིའི་སྤྲོས་པ་ལས་འདས་ཤིང་། །དེ་བཞིན་གཤེགས་པ་རྣམས་དང་རོ་མཉམ་པའི། །མི་ཟད་རྒྱན་འཁོར་ཉེར་ལྔར་དབང་འབྱོར་བས། །ངོ་མཚར་སྒྱུ་མའི་རོལ་རྩེད་ཅིར་ཡང་ངོམས། །

  ༄༅། །ཇོ་བོ་རྗེ་དཔལ་ལྡན་ཨ་ཏི་ཤ་ལ་ཅུང་ཟད་བསྔགས་པའི་ཚིག་གི་རྒྱུད་མང་དད་བརྒྱའི་མེ་ཏོག་ཅེས་བྱ་བ་བཞུགས་སོ།།[1]   ༼འཇམ་དབྱངས་མཁྱེན་བརྩེའི་དབང་པོས་ (1820-1892) མཛད་པ།༽   ན་མཿཤྲཱི་མཱཾ་དཱི་པཾ་ཀ་རཱ་ཡ། དགེ་ལེགས་ཐུགས་རྗེའི་བདུད་རྩིའི་སྤྲིན་གྱིས་སྲིད་པ་གདུང་བ་མཐའ་དག་འཕྲོག །དཔལ་ལྡན་ཡོན་ཏན་དམ་པའི་ལྗོན་ཤིང་ཞི་བསིལ་འདོད་པ་འཇོ་བའི་གཏེར། །རིག་དང་བརྩེ་བའི་མར་མེའི་སྣང་བས་མཐའ་གཉིས་མུན་པ་བསྙིལ་མཛད་པའི། །མཁས་གྲུབ་རྒྱ་མཚོའི་གཙུག་གི་ནོར་བུས་ཤིས་པའི་མེ་ཏོག་ཆར་དུ་བསྙིལ། ༡།ཕུལ་བྱུང་སྲིད་ན་མངོན་མཐོའི་ཟུར་ཕུད་ཀྱིས། །

  ༄༅། །ཇོ་བོ་རྗེ་དཔལ་ལྡན་མར་མེ་མཛད་ལ་བརྟེན་ནས་ཕྱག་མཆོད་སོགས་བསག་སྦྱང་གི་རིམ་པ་ཇི་ལྟར་བྱ་ཚུལ་བྱིན་རླབས་ཉེར་འཇུག།   ༼ཁལ་ཁ་དམ་ཚིག་རྡོ་རྗེས་ (1781-1855) མཛད་པ།[1]༽   ན་མོ་གུ་རུ་དཱི་པཾ་ཀཱ་ར་ཤྲཱི་ཛྙཱ་ནཱ་ཡེ། ལྷར་བཅས་འགྲོ་བའི་བླ་མ་འོད་དཔག་མེད། །སྙིགས་དུས་འགྲོ་ལ་ལམ་བཟང་སྟོན་པའི་ཕྱིར། །མཁས་བཙུན་བཟང་པོའི་གར་གྱིས་རྣམ་རོལ་བ། །དཔལ་ལྡན་ཨ་ཏི་ཤ་ལ་གུས་ཕྱག་འཚལ།།

  ༄༅། །ཨ་ཏི་ཤ་ལ་གསོལ་བ་འདེབས་པ་བཞུགས་སོ།།[1]   ༼ཤར་པ་རིན་ཆེན་མི་འགྱུར་རྒྱལ་མཚན་ (འཁྲུངས་དུས།1717-?) གྱིས་མཛད་པ།༽   བྱང་ཆུབ་སེམས་དཔའ་དཔལ་ལྡན་ཨ་ཏི་ཤ །ཤ་ཆང་མི་མཆོད་སྡེ་སྣོད་གསུམ་ལ་མཁས། །མཁས་བཙུན་བཟང་གསུམ་འཛོམ་པ་བསྟན་འགྲོར་ཕན། །ཕན་བདེ་མི་འཛད་སྤེལ་ལ་གསོལ་བ་འདེབས། །རང་བདེ་འདོད་པ་ཕལ་ཆེར་སྡུག་བསྔལ་རྒྱུ། །གཞན་ལ་ཕན་འདོགས་རང་གི་བདེ་སྐྱིད་རྒྱུ། །གཞན་ཕན་སེམས་ཀྱི་གནད་འདི་ཐམས་ཅད་ཀྱི། །ཤེས་ཕྱིན་སྟོན་པ་ཨ་ཏི་ཤ་ལ་འདུད། །

  ༄༅། །ཇོ་བོ་རྗེ་དཔལ་ལྡན་ཨ་ཏི་ཤ་ལ་གསོལ་བ་འདེབས་པ་བྱིན་རླབས་མྱུར་དུ་འགུགས་པའི་གླུ་དབྱངས།[1]   ༼ཐེ་བོ་ལུང་བཟང་ནང་པ་ངག་དབང་བློ་བཟང་བསམ་གཏན་ (1687-1749) གྱིས་མཛད་པ།༽   ༄༅། །ན་མོ་གུ་རུ་མཉྫུ་གྷོ་ཥ་ཡ། ཞིང་ཕྱོགས་བཅུའི་རྒྱལ་བ་མ་ལུས་པའི། །ཐུགས་མཁྱེན་བརྩེ་ནུས་པ་གཅིག་བསྡུས་ནས། །ཁྲིམས་བསླབ་གསུམ་ལྡན་པའི་དགེ་ཚུལ་སློང་། །རྒྱལ་བསྟན་པའི་ཉི་མ་འགྲོ་བའི་མགོན། །རྗེ་ལྷ་གཅིག་ཇོ་བོ་ཨ་ཏི་ཤ །ཐུགས་བརྩེ་བས་གཟིགས་ཤིག་མར་མེ་མཛད། །འབངས་བདག་དང་བདག་འདྲའི་འགྲོ་རྣམས་ལ། །མཆོག་ཐུན་མོང་དངོས་གྲུབ་མྱུར་དུ་སྩོལ། །

  ༄༅། །ལྔ་བརྒྱ་པ་རྣམས་ཀྱི་གཙུག་གི་ནོར་བུ་དཔལ་ལྡན་མར་མེ་མཛད་ཡེ་ཤེས་ལ་བསྟོད་པ་དྲུག་སྐྱེས་གླུ་དབྱངས།[1]   ༼༸རྒྱལ་དབང་ལྔ་པ་ཆེན་པོ་ངག་དབང་བློ་བཟང་རྒྱ་མཚོས་ (1617-1682) མཛད་པ།༽   མགྲིན་སྔོན་གསེར་མངལ་ཅན་དང་པད་དཀར་མིག །ལྷ་དང་བློ་ལྡན་ལ་སོགས་ལེགས་བྲིས་ཀྱི། །བགྲང་ཡས་དྲེགས་ལྡན་ཀུན་གྱི་ཅོད་པན་དུ། །དྲི་བྲལ་ཞབས་ཟུང་འགོད་ལ་གུས་པས་འདུད། །འཕགས་ཡུལ་ཀུན་གསལ་མཛེས་མའི་འགྲམ་པ་ལ། །ཟ་ཧོར་རྒྱལ་རིགས་ཟླ་ཤེལ་ཞུན་མའི་ངོས། །འོད་དཔག་མེད་མགོན་སྤྲུལ་པའི་རི་དྭགས་གཟུགས། །འགོག་མེད་གསལ་བར་ཤར་ལ་གསོལ་བ་འདེབས། །

ཀུན་དའི་མདངས་འཕྲོག་གངས་ཅན་མཐའ་ཁོབ་འདིར། །དམ་པའི་ཆོས་ཀྱི་དགའ་ཚལ་ཨ་ཏི་ཤས། །རྣམ་པར་ཕྱེ་ཞིང་རྣམ་གྲོལ་མཆོག་ཉིད་ལ། །འགྲོ་མང་བཀོད་ཚུལ་ཆ་ཙམ་ཡི་གེར་བྲིས། །ཇོ་བོ་དགའ་ལྡན་ཆོས་ཀྱི་མདུན་སར་དགོངས་པ་བསྐྱོད་པའི་རྣམ་ཐར། རྗེ་བཙུན་བྱམས་པ་དང་སྤྱན་རས་གཟིགས་ལ་ཕྱག་འཚལ་ལོ། །

  ༄༅། །ཇོ་བོ་བོད་དུ་བྱོན་པའི་རྣམ་ཐར།[1]   ༼ཇོ་ནང་རྗེ་བཙུན་ཀུན་དགའ་གྲོལ་མཆོག་ (1507-1565) གིས་མཛད་པ།༽ རྗེ་བཙུན་བྱམས་པ་དང་སྤྱན་རས་གཟིགས་ལ་ཕྱག་འཚལ་ལོ། །དཱི་པཾ་ཀཱ་རའི་སྙན་པའི་བ་དན་ནི། །སྲིད་གསུམ་སྐྱེ་བོའི་རྣ་བའི་རྒྱན་དུ་བྱས། །ཁྱད་པར་སྤུ་རྒྱལ་བོད་ཀྱི་རྒྱལ་པོ་དེའི། །རྣ་བར་ལྷུང་བས་སྙིང་གི་པདྨོ་རྒྱས། །གཙུག་ལག་ཁང་གྲུམ་ར་བ་བཅོས་པ་ན། །འདྲེ་སྲིན་རྣམས་ཀྱིས་རྣམ་པར་འཚེ་བར་བྱེད། །ལྟ་ངན་བོན་དང་སྦྱོར་སྒྲོལ་ལོག་པའི་ཚོགས། །