པཎ་གྲུབ་ཀྱི་རྣམ་ཐར།

ཆ༽ བརྗོད་དུ་མེད་པའི་བདག་བཙལ་ཚུལ།   དེ་ཡང་ཨཀྱཱ་བློ་བཟང་བསྟན་པའི་རྒྱལ་མཚན་དཔལ་བཟང་པོས་ (1910-1948/1949) མཛད་པའི་སློབ་དཔོན་ཕྱོགས་གླང་གི་བསྟོད་པ་ལས[1]། མཁན་པོའི་གསུང་བཞིན་བརྗོད་མེད་བདག་སྒོམ་སླད། ། ངོ་མཚར་སྤྱོད་པ་བསྟན་ལ་ཕྱག་འཚལ་ལོ། ། གྲོགས་ཀྱིས་དེ་ཚུལ་ཞུས་པ་མཁན་པོ་ཡིས། ། རང་ལུགས་སུན་འབྱིན་གནས་ནས་དབྱུང་བའི་བཀའ། ། རིགས་པས་བཟློག་པར་ནུས་ཀྱང་འོས་མིན་པར། ། དགོངས་ནས་སྤྱི་བོས་བླངས་ལ་ཕྱག་འཚལ་ལོ། །

ཅ༽ འཁྲུངས་ཡུལ་དང་འཁྲུངས་ནས་རབ་ཏུ་བྱུང་ཚུལ།   དེ་ཡང་ཚད་མ་རིག་པའི་ཤིང་རྟའི་སྲོལ་འབྱེད་སློབ་དཔོན་ཕྱོགས་ཀྱི་གླང་པོ་ཡུལ་གང་དུ་སྐུ་འཁྲུངས་པ་དང་། ཁྱིམ་ནས་ཁྱིམ་མེད་པར་རབ་ཏུ་བྱུང་ཚུལ་ནི། ཨཀྱཱ་བློ་བཟང་བསྟན་པའི་རྒྱལ་མཚན་དཔལ་བཟང་པོས་ (1910-1948/1949) མཛད་པའི་སློབ་དཔོན་ཕྱོགས་གླང་གི་བསྟོད་པ་ལས[1]། རྨད་བྱུང་གྲུབ་པའི་གོ་འཕང་མཐོར་གཤེགས་ཀྱང་། ། ཐུབ་བསྟན་སྙིང་ལ་གཅེས་པ་འབའ་ཞིག་གིས། ། བྲམ་ཟེ་སཱ་ལ་ཆེན་པོའི་གདུང་རིགས་སུ། ། བསམ་བཞིན་ལེགས་པར་འཁྲུངས་ལ་ཕྱག་འཚལ་ལོ། ། དེ་ནས་གནས་མ་བུ་ཡི་མཁན་པོ་ལས། ། ཐུབ་པའི་བརྟུལ་ཞུགས་དྲི་མེད་རབ་བླངས་ཏེ། །

ང༽ སློབ་དཔོན་ཕྱོགས་གླང་དུས་ནམ་ཞིག་བྱོན་མིན། ༡༽ རྒྱ་གར་མཁས་པའི་བཞེད་ལུགས།   དེ་ཡང་ཨཀྱཱ་བློ་བཟང་བསྟན་པའི་རྒྱལ་མཚན་དཔལ་བཟང་པོས་ (1910-1948/1949) མཛད་པའི་སློབ་དཔོན་ཕྱོགས་གླང་གི་བསྟོད་པ་ལས[1]། ཐུབ་བསྟན་པད་མཚོར་འཇིགས་མེད་རྟག་རོལ་ཞིང་། ། ལོག་སྨྲའི་ཚལ་འཇོམས་ཕྱོགས་ཀྱི་གླང་པོ་ཞེས། ། གྲགས་པ་འཕགས་ཡུལ་མཁས་མང་མཐའ་དག་གི ། མགྲིན་པའི་རྒྱན་དུ་བྱས་ལ་ཕྱག་འཚལ་ལོ། །

ག༽ སློབ་དཔོན་ཕྱོགས་གླང་གི་སྐུ་ཡི་ཆ་ལུགས།   དེ་ཡང་དཀོན་མཆོག་འཇིགས་མེད་དབང་པོས་ (1728-1791) མཛད་པའི་འཛམ་གླིང་མཛེས་བྱེད་རྒྱན་དྲུག་མཆོག་གཉིས་ཀྱི་བསྟོད་པ་ལས[1]། འཇམ་དཔལ་དབྱངས་ཀྱིས་དགྱེས་བཞིན་རྗེས་བཟུང་བས། ། ཕྱི་ནང་གཙུག་ལག་མ་ལུས་ཐུགས་སུ་ཆུད། ། ཡང་དག་རིགས་པས་ལྟ་ངན་དྲུངས་འབྱིན་པ། ། ཕྱོགས་ཀྱི་གླང་པོའི་ཞབས་ལ་ཕྱག་འཚལ་ལོ། །