པཎ་གྲུབ་ཀྱི་རྣམ་ཐར།

པ༽ སློབ་དཔོན་ཕྱོགས་གླང་གི་བསྟན་བཅོས་ངོ་སྤྲོད། ༡༽ ཕྱོགས་གླང་གིས་མཛད་པའི་བསྟན་བཅོས་ཀྱི་མཚན་བྱང་།   དེ་ཡང་ཨཀྱཱ་བློ་བཟང་བསྟན་པའི་རྒྱལ་མཚན་དཔལ་བཟང་པོས་ (1910-1948/1949) མཛད་པའི་སློབ་དཔོན་ཕྱོགས་གླང་གི་བསྟོད་པ་ལས[1]། ཀུན་རྨོངས་གཉིད་ཀྱིས་འགྲོ་འདི་མནར་བའི་ཚུལ། ། གཟིགས་པའི་ཤུགས་དྲག་སྙིང་རྗེས་ཡིད་བསྐྱོད་དེ། ། དེ་ཉིད་བསལ་སླད་དམིགས་བརྟག་མཛོད་འགྲེལ་སོགས། ། ལེགས་བཤད་དགའ་སྟོན་སྤྲོས་ལ་ཕྱག་འཚལ་ལོ། །

ན༽ ངོ་མཚར་གྱི་མཛད་པ་བསྟན་ཏེ་མྱ་ངན་ལས་འདས་ཚུལ།   དེ་ཡང་ཀུན་མཁྱེན་པདྨ་དཀར་པོས་ (1527-1592) མཛད་པའི་རྒྱན་དྲུག་མཆོག་གཉིས་ལ་གཙོ་བོར་བསྟོད་པ་རིན་པོ་ཆེའི་རྒྱུད་མངས་བསྒྲེང་བ་ལས་[1]ཀྱང་། འཇམ་པའི་དབྱངས་ཀྱིས་རྗེས་གཟུང་དྲི་མེད་བློ། ། ཀུན་བཏུས་རལ་གྲི་རེངས་པ་སྣར་བཅངས་ནས། ། རྩོད་པའི་མདུན་སར་མུ་སྟེགས་བཀར་བཏགས་ཤིང་། ། རྒྱལ་བསྟན་བཏེགས་པའི་ཕྱོགས་ཀྱི་གླང་པོར་འདུད། །

ད༽ སེམས་ཙམ་རྣམ་བདེན་པའི་སྲོལ་ཕྱེ་ཚུལ།   དེ་ཡང་པཎ་ཆེན་ཤཱཀྱ་མཆོག་ལྡན་ (1428-1507) གྱིས་མཛད་པའི་དཔལ་ཕྱོགས་ཀྱི་གླང་པོའི་རྟོགས་པ་བརྗོད་པའི་གཏམ་ལས[1]། འདེགས་ལ་ངལ་བ་མེད་ཁྱོད་ཀྱིས། ། ཐོག་མར་ཉན་ཐོས་སྡེ་པའི་གཞུང་། ། འཁྲུལ་མེད་མདོ་དང་སྦྱར་མཛད་ནས། ། སེམས་ཙམ་གཞུང་དང་དབུ་མ་ཡང་། ། ཆོས་འཁོར་གསུམ་པའི་མདོ་བཞིན་བཀྲལ། །

༡༽ ཚད་མ་ཀུན་བཏུས་ཀྱི་བརྗོད་བྱ་དང་གཞུང་ཚད།   དེ་ཡང་ཀུན་དགའ་འཇམ་དབྱངས་མཁྱེན་རབ་རྒྱ་མཚོའམ་ (1901-1959) འཇམ་དཔལ་བཞད་པའི་རྡོ་རྗེས་མཛད་པའི་འཛམ་གླིང་རྒྱན་དྲུག་མཆོག་གཉིས་ཀྱི་རྟོགས་བརྗོད་བློ་གསལ་མགུལ་རྒྱན་ལས[1]། རྒྱལ་དགོངས་བྲལ་བའི་ཚིགས་བཅད་བྲིས་ཙམ་གྱིས། ། ནོར་འཛིན་བུ་མོའི་ལུས་ཀྱི་འཁྲི་ཤིང་འདར། ། སྒྲ་དང་འོད་ཀྱིས་མུ་སྟེགས་མཁས་རྣམས་ཀྱང་། ། ཤིང་ལྟར་རེངས་པར་གྱུར་ཅེས་གྲགས་པས་ཁྱབ། །