པཎ་གྲུབ་ཀྱི་རྣམ་ཐར།

ཐ༽ ཚད་མ་ཀུན་ལས་བཏུས་པ་ཇི་ལྟར་མཛད་ཚུལ།   དེ་ཡང་རིག་པའི་དབང་ཕྱུག་དགེ་བ་རྒྱལ་མཚན་ (1387-1462) གྱིས་མཛད་པའི་ཚད་མ་ཀུན་ལས་བཏུས་པ་ཞེས་བྱ་བའི་རབ་ཏུ་བྱེད་པའི་རྒྱན་ལས[1]། རིགས་པའི་ལམ་གྱིས་རིགས་མིན་སྨྲ་བ་གང་ཞིག་རིགས་མིན་ལམ་འཇུག་རྣམ་བཟློག་ནས། །མ་ནོར་དོན་རྣམས་ཇི་བཞིན་ནོར་བ་མེད་པའི་ཡང་དག་ཤེས་པས་གནས་ལུགས་དོན། །ཤེས་བྱའི་གནས་ལ་ཤེས་བྱེད་ཚད་མས་རང་གིས་ལེགས་རྟོགས་གཞན་ལ་སྟོན་པ་ཡི། །

ཏ༽ རྗེ་བཙུན་འཇམ་དབྱངས་ཀྱིས་རྗེས་སུ་བཟུང་ཚུལ།   དེ་ཡང་ཚད་མ་རིག་པའི་མེས་པོ་སློབ་དཔོན་ཕྱོགས་ཀྱི་གླང་པོ་རྗེ་བཙུན་འཇམ་དབྱངས་ཀྱིས་རྗེས་སུ་བཟུང་ཚུལ་ནི། འགྲོ་མགོན་ཆོས་རྒྱལ་འཕགས་པས་ (1235-1280) མཛད་པའི་ཐོགས་མེད་སྐུ་མཆེད་སོགས་ལ་བསྟོད་པ་ལས[1]། ཁྱོད་ཐུགས་འཇམ་པའི་དབྱངས་ཀྱིས་གསལ་མཛད་པས། ། ཤེས་བྱ་ཀུན་ལ་མཁྱེན་པ་རབ་རྒྱས་ཤིང༌། ། མཁས་མཆོག་རྣམས་ཀྱི་གཙུག་གི་རྒྱན་གྱུར་པ། ། དཔལ་ལྡན་ཕྱོགས་ཀྱི་གླང་པོའི་ཞབས་ལ་འདུད། །

ཉ༽ རྩོད་པ་དང་སྒྲུབ་པ་ཇི་ལྟར་མཛད་ཚུལ།   དེ་ཡང་རྗེ་བཙུན་རེད་མདའ་བ་ཆེན་པོས་ (1349-1412) མཛད་པའི་འཛམ་གླིང་མཁས་པའི་རྒྱན་དྲུག་ལ་བསྟོད་པ་ལས[1]། ཕུལ་དུ་བྱུང་བའི་བློ་གྲོས་སྟོབས་ཀྱིས་བཙུན། ། རྨད་དུ་བྱུང་བའི་ཡོན་ཏན་ཁུར་གྱིས་བརྗིད། ། ལོག་སྨྲ་འདམ་བུའི་ཚལ་རབ་འཇོམས་མཛད་པའི། ། ཕྱོགས་ཀྱི་གླང་པོའི་ཞབས་ལ་ཕྱག་འཚལ་ལོ། །

ཇ༽ དབྱིག་གཉེན་བསྟེན་ནས་མཁས་པར་གྱུར་ཚུལ།   དེ་ཡང་ཨཀྱཱ་བློ་བཟང་བསྟན་པའི་རྒྱལ་མཚན་དཔལ་བཟང་པོས་ (1910-1948/1949) མཛད་པའི་སློབ་དཔོན་ཕྱོགས་གླང་གི་བསྟོད་པ་ལས[1]། དེས་ནས་ཆོས་མཛོད་བྱེ་བའི་བདག་པོ་ཆེ། ། ཀུན་མཁྱེན་གཉིས་པ་དབྱིག་གི་གཉེན་པོ་ཡི། ། ཞབས་སྐྱེས་གཙུག་གི་རྒྱན་དུ་རབ་བཀོད་པས། ། ཟླ་མེད་མཁས་མཆོག་གྱུར་ལ་ཕྱག་འཚལ་ལོ། །