པཎ་གྲུབ་ཀྱི་རྣམ་ཐར།

༡༦༽ མངའ་བདག་མཻ་ཏྲི་པ་ཆེན་པོ།   དེ་ཡང་མངའ་བདག་མཻ་ཏྲི་པ་སྟེ། གསང་མཚན་ལ་གཉིས་མེད་རྡོ་རྗེའམ་ཨ་ཝ་དྷུ་ཏི་པ་ཞེས་ཞུ་ཞིང་། སློབ་དཔོན་འདིའི་རྣམ་ཐར་ནི། ཀུན་མཁྱེན་པདྨ་དཀར་པོས་ (1527-1592) མཛད་པའི་ཆོས་འབྱུང་བསྟན་པའི་པདྨ་རྒྱས་པའི་ཉིན་བྱེད་ལས[1]། མཻ་ཏྲི་པས་སྔ་རྒོལ་བྱས། ཤ་བ་རིས་ཕྱི་རྒོལ་བྱས། ལྟ་བ་རབ་ཏུ་མི་གནས་པ། སྒོམ་པ་ཡིད་ལ་མི་བྱེད་པ་ལ་སོགས་པའི་དམ་བཅའ་མཛད་དེ་རིགས་པ་བཀོད།

༡༥༽ སློབ་དཔོན་དམན་པའི་ཞབས།   དེ་ཡང་སྟག་ཚང་ལོ་ཙཱ་བ་ཤེས་རབ་རིན་ཆེན་ (1405-?) གྱིས་མཛད་པའི་འདུས་པ་ཞབས་ལུགས་ཀྱི་བསྐྱེད་རིམ་རྣམ་བཤད་ལས[1]། དཔལ་ལྡན་གསང་བ་འདུས་པའི་རྩ་རྒྱུད་དང༌། ། ཁྱད་པར་ཕྱི་མའི་བཤད་རྒྱུད་གཙོར་བྱས་ནས། ། འཇམ་པའི་དབྱངས་ཀྱིས་ཡེ་ཤེས་ཞབས་ལ་གསུངས། ། མར་མེ་མཛད་བཟང་དམན་པའི་ཞབས་ལ་སོགས། ། འཕགས་ཡུལ་མཁས་པ་དུ་མས་རྒྱ་ཆེར་བཀྲལ། །

༡༤༽ སློབ་དཔོན་ཀུན་དགའ་སྙིང་པོ།   དེ་ཡང་ལེགས་སྦྱར་གྱི་མཚན་ལ་ཨནྡ་གརྦྷ་སྟེ་ (Aanandagarbha) གྲུབ་ཆེན་ཀུན་དགའ་སྙིང་པོ་ནི། གྲུབ་ཐོབ་བརྒྱད་ཅུ་རྩ་བཞིའི་བསྟོད་པ་ལས[1]། སྒྲོལ་མ་དཀར་མོས་བྱིན་གྱིས་བརླབས། །རྣལ་འབྱོར་རྒྱུད་ལ་འགྲེལ་བཤད་མཛད། ། ཀུན་དགའ་སྙིང་པོ་ཞེས་བྱ་བའི། །བླ་མ་དེ་ལ་ཕྱག་འཚལ་ལོ། །

༡༣༽ སློབ་དཔོན་ཆེན་པོ་ཤྲཱི་སིངྷ་།   དེ་ཡང་སློབ་དཔོན་ཆེན་པོ་ཤྲཱི་སིངྷ་ནི། རྡོ་བྲག་རིག་འཛིན་ཆེན་མོ་པདྨ་འཕྲིན་ལས་ (1641-1717) མཆོག་གིས་མཛད་པའི་འདུས་པ་མདོ་དབང་གི་བླ་མ་བརྒྱུད་པའི་རྣམ་ཐར་ལས[1]། སློབ་དཔོན་འདིའི་ལོ་རྒྱུས་ཅུང་ཟད་ཕྱེ་ན། རྒྱ་ནག་པོའི་གྲོང་ཁྱེར་ཤོ་འཁྱམ་ནག་པོ་ཞེས་བྱ་བ་ན། ཁྱིམ་བདག་དགེ་བ་ལྡན་པའི་ཡིད་ཅན་དང༌། ཡུམ་སྣང་བ་རབ་ཏུ་མཁྱེན་ལྡན་མ་བྱ་བའི་སྲས་སློབ་དཔོན་ཆེན་པོ་ཤྲཱི་སིངྷ་ཞེས་བྱ་བ་ཡིན་ལ།