ཅ༽ ཟླ་བ་གྲགས་པའི་རྣམ་ཐར།

ཟ༽ ཟླ་གྲགས་ཀྱི་གསུང་ལ་བསྔགས་པ་མཛད་ཚུལ།   རྗེ་བཙུན་རེད་མདའ་བ་གཞོན་ནུ་བློ་གྲོས་ (1349-1412) ཀྱིས་མཛད་པའི་བསྟོད་ཚོགས་ལས[1]། དེ་ཡི་གཞུང་ལུགས་རབ་དཀར་ཀུན་དའི་ཚལ། །གང་གི་བློ་གྲོས་ཟེར་གྱིས་རྣམ་འབྱེད་ཅིང་། ། ཐུབ་བསྟན་གླིང་བཞི་གསལ་བའི་འོད་དཀར་ཅན། །དཔལ་ལྡན་ཟླ་བའི་ཞབས་ལ་གུས་ཕྱག་འཚལ། །

ཝ༽ ཟླ་བ་གྲགས་པའི་གཞུང་ལུགས་ཀྱི་བརྗོད་དོན།   དེ་ཡང་ཆོས་རྗེ་བློ་བཟང་ཆོས་འཛིན་དཔལ་བཟང་པོས་མཛད་པའི་དཔལ་ལྡན་ཟླ་བ་གྲགས་པ་ལ་བསྟོད་པ་བློ་གསལ་ཀུནྡའི་དགའ་སྟོན་ལས[1]། ལུང་རིགས་སེངྒེའི་ང་རོ་ཆེར་སྒྲོགས་པས། །རྩ་འཇུག་བཞི་གསུམ་རིགས་པ་དྲུག་ཅུ་པ། ། སྟོང་ཉིད་བདུན་ཅུའི་འགྲེལ་པ་ལ་སོགས་པར། །ཟབ་དོན་གསལ་བར་མཛད་ལ་གསོལ་བ་འདེབས། །

ཚ༽ སྒྲ་གཞུང་ཀུན་ཏུ་བཟང་པོ་མཛད་ཚུལ།   དེ་ཡང་ཀུན་མཁྱེན་རོང་སྟོན་ཤཱཀྱ་རྒྱལ་མཚན་ (1367-1449) གྱིས་མཛད་པའི་ཐེག་པ་ཆེན་པོ་དབུ་མའི་བརྒྱུད་རིམ་ལ་བསྟོད་པ་རིན་པོ་ཆེའི་ཕྲེང་མཛེས་ལས[1]། རིག་གནས་ཀུན་ལ་མི་འཇིགས་སྤོབས་པ་ཐོབ། །ཡང་དག་རིགས་པའི་བསིལ་ཟེར་ཕྱོགས་བཅུར་འཕྲོ། ། སྲིད་པའི་གདུང་བ་མ་ལུས་འཕྲོག་པར་མཛད། །ཟླ་བ་གྲགས་པའི་ཞབས་ལ་ཕྱག་འཚལ་ལོ། །

ཙ༽ ཟླ་གྲགས་ཀྱི་ངོ་མཚར་རྣམ་ཐར་བཅོ་ལྔ།   དེ་ཡང་ཟླ་གྲགས་སྔ་ཕྱི་གཉིས་ལས་དཔལ་ལྡན་ཟླ་བ་གྲགས་པ་འདི་ཉིད་སྔ་ཕྱི་གང་ཡིན་ལ་ངོས་འཛིན་ཚུལ་མི་འདྲ་ཞིང་། གྲུབ་ཆེན་བརྒྱད་ཅུ་རྩ་བཞི་དང་། གྲུབ་ཆེན་གྱ་བདུན་གྱི་བརྩི་ལུགས་གང་གི་དབང་དུ་བྱས་ཀྱང་། སློབ་དཔོན་མི་འཇིགས་པ་སྦྱིན་པ་དཔལ་གྱིས་མཛད་པའི་གྲུབ་ཐོབ་བརྒྱད་ཅུ་རྩ་བཞིའི་ལོ་རྒྱུས་དང་། གྲུབ་ཐོབ་བརྒྱད་ཅུའི་རྣམ་ཐར། སློབ་དཔོན་དཔའ་བོ་འོད་གསལ་གྱིས་ཕྱོགས་གཅིག་ཏུ་བསྡུས་པའི་གྲུབ་ཐོབ་བརྒྱད་ཅུ་རྩ་བཞིའི་རྟོགས་པའི་སྙིང་པོ།