ཅ༽ ཟླ་བ་གྲགས་པའི་རྣམ་ཐར།

ང༽ དཔལ་ལྡན་ཟླ་བ་གྲགས་པའི་སྐུ་ཡི་ཆ་ལུགས།   དེ་ཡང་དཔལ་ལྡན་ཟླ་བ་གྲགས་པའི་སྐུ་ཡི་ཆ་ལུགས་ནི། གཏེར་ཆེན་རིག་འཛིན་ཉི་མས་ (1931-?) མཛད་པའི་དཔལ་ལྡན་ཟླ་བ་གྲགས་པའི་བླ་རྣལ་སྐྱ་རེངས་འོད་ཀྱི་ཐིག་ལེ་ལས[1]། ཨེ་མ་འཁྲུལ་བྲལ་རིག་པའི་དབྱིངས་ཀློང་དུ༔ ཁ་སྦྱོར་ཡན་ལག་བདུན་ལྡན་པཎྜི་ཏ༔ ཆོས་སྒོ་བརྒྱད་ཁྲི་བཞི་སྟོང་དབྱིངས་ན་གསལ༔ འཛིན་བྲལ་རིག་པའི་འཆད་རྩོད་རྩོམ་གསུམ་ལ༔ དབང་འབྱོར་མཐུ་སྟོབས་ནུས་པའི་བདག་ཉིད་ཅན༔ ཕག་ཁྲོས་སེང་གསུམ་བྲན་གྱི་ཕོ་ཉ་འགྱེད༔ མི་བསྲུན་གདུག་པ་འདུལ་བའི་གྲུབ་པ་མཆོག༔ སྐུ་གསུང་ཐུགས་གསུམ་དབྱེར་མེད་སངས་རྒྱས་ཤོག༔

ག༽ དཔལ་ལྡན་ཟླ་བ་གྲགས་པ་མཁའ་འགྲོས་ལུང་བསྟན་ཚུལ།   དེ་ཡང་བོ་དོང་ཕྱོགས་ལས་རྣམ་རྒྱལ་ (1375-1450) གྱིས་མཛད་པའི་དཔལ་ལྡན་ཟླ་བ་གྲགས་པ་ལ་བསྟོད་པ་བུང་བའི་སྒྲ་དབྱངས་གཡོ་བ་ལས[1]། བསྟན་པའི་མངའ་བདག་སྐྱེས་མཆོག་དམ་པ་ཁྱོད། །སྟོན་པ་གཉིས་པ་འབྱུང་བར་རབ་དགོངས་ནས། ། རྒྱལ་བ་མྱ་ངན་འདས་ཚུལ་བསྟན་པར་ངེས། །རྒྱལ་བའི་རྒྱལ་ཚབ་གཉིས་པ་ཁྱོད་ལ་འདུད། །

ལྔ་པ། དཔལ་ལྡན་ཟླ་བ་གྲགས་པའི་ ༼ཙནྡྲ་ཀིརྟིཿ༽ རྣམ་ཐར། ཀ༽ དཔལ་ལྡན་ཟླ་བ་གྲགས་པའི་མཚན་ཐོགས་ཚུལ། དེ་ཡང་པཎྜི་ཏ་རྒྱ་གར་མངོན་ཤེས་ཅན་བླ་མ་རྡོ་རྗེ་གདན་པས་ (དུས་རབས་11པ།) མཛད་པར་གྲགས་པའི་དཔལ་ལྡན་ཟླ་བ་གྲགས་པའི་བསྟོད་པ་ངོ་མཚར་ཚིགས་བཅད་མ་ལས[1]། དཔལ་ལྡན་ཟླ་བ་གྲགས་པ་ཡི། །མཚན་ཙམ་ཐོས་པས་ཚེ་རབས་ཀུན། ། རྨོངས་པའི་མུན་པ་སེལ་མཛད་ཅིང་། །ཡེ་ཤེས་སྟེར་བ་ངོ་མཚར་ཆེ། །

ཡོངས་འཛིན་ཡེ་ཤེས་རྒྱལ་མཚན་ (1713-1793) གྱིས་མཛད་པའི་བཀྲ་ཤིས་བསམ་གཏན་གླིང་གི་བཀའ་བསྟན་རིན་པོ་ཆེའི་དཀར་ཆག་ཐུབ་བསྟན་གསལ་བྱེད་ལས[2]། དེ་ལྟར་རྒྱལ་བ་མྱ་ངན་ལས་འདས་པའི་ཚུལ་བསྟན་པའི་རྗེས་སུ་བསྡུ་བ་རིམ་པ་གསུམ་བྱུང་། དགྲ་བཅོམ་བདག་ཉིད་ཆེན་པོ་རྣམས་ཀྱིས་ཐུབ་པའི་བསྟན་པ་མ་ཉམས་པར་བཟུང་། དེ་ནས་རིམ་གྱིས་སེམས་ཅན་རྣམས་བསོད་ནམས་དམན་པས་ཆོས་མངོན་པ་ལ་དགྲ་ལན་གསུམ་བྱུང་བ་སོགས་ཐུབ་པའི་བསྟན་པ་ཉམས་དམས་པར་གྱུར།