ཅ༽ ཟླ་བ་གྲགས་པའི་རྣམ་ཐར།

ན༽ རྡོའི་སེངྒེས་ཏུ་རུཥྐའི་དམག་བཟློག་ཚུལ།   དེ་ཡང་རྫོང་གསར་མཁྱེན་བརྩེ་འཇམ་དབྱངས་ཆོས་ཀྱི་བློ་གྲོས་ (1893-1959) ཀྱིས་མཛད་པའི་སློབ་དཔོན་ཟླ་བ་གྲགས་པ་ལ་བསྟོད་པ་ཀུན་དགའི་དབྱངས་སྙན་ལས[1]། བསྟན་ལ་སྡང་བའི་དུ་རུ་ཀའི་དམག་ཚོགས། །སྟོབས་ལྡན་རྡོ་ཡི་གཉིས་འཐུང་ལ་ཞོན་ནས། ། ཕྱིར་བཟློག་མཛད་ཚེ་རང་གཞན་གནོད་འཚེ་བྲལ། །ངོ་མཚར་བྱམས་པའི་ཆོ་འཕྲུལ་སྟོན་ལ་འདུད། །

ད༽ ཚུལ་ཁྲིམས་གཙང་བས་སོལ་བ་ལས་ཡལ་ག་རྫོགས་ཚུལ།   དེ་ཡང་ཡོངས་འཛིན་ཡེ་ཤེས་རྒྱལ་མཚན་ (1713-1793) གྱིས་མཛད་པའི་ལམ་རིམ་བླ་མ་བརྒྱུད་པའི་རྣམ་ཐར་ལས[1]། ཡང་རང་རྒྱུད་ལ་ཚུལ་ཁྲིམས་ཀྱི་ཕུང་པོ་ཤིན་ཏུ་ནི་གཙང་ཞིང་ཉེས་བྱས་ཕྲ་མོ་ཙམ་གྱིས་མ་གོས་པས་རྣམ་པར་དག་པའི་མཐུས་སོལ་བས་ཀྱང་ལྗོན་ཤིང་རྫོགས་ཏེ་ཡལ་ག་དང་མེ་ཏོག་འབྲས་བུ་སྨིན་པར་བྱེད་པའི་ངོ་མཚར་བའི་རྣམ་ཐར་བྱུང་བ་ནི། དཔལ་ལྡན་ཟླ་བ་གྲགས་པའི་བསྟོད་པ་ངོ་མཚར་ཚིགས་བཅད་མ་ལས[2]།

ཐ༽ རི་མོའི་བ་ལས་འོ་མ་བཞོས་ཏེ་བསྙེན་བཀུར་ཞུས་ཚུལ། དེ་ཡང་རྫོང་གསར་མཁྱེན་བརྩེ་འཇམ་དབྱངས་ཆོས་ཀྱི་བློ་གྲོས་ (1893-1959) ཀྱིས་མཛད་པའི་སློབ་དཔོན་ཟླ་བ་གྲགས་པ་ལ་བསྟོད་པ་ཀུན་དགའི་དབྱངས་སྙན་ལས[1]། སྣང་སྲིད་ཆོས་ཀུན་བདེན་མེད་སྒྱུ་མར་སྟོན། །རི་མོར་བྲིས་པའི་བ་ལས་འོ་མ་འཇོས། ། སྟོང་དང་རྟེན་འབྱུང་བརྡ་ཡིས་དངོས་ཞེན་བཟློག །རྣལ་འབྱོར་དབང་ཕྱུག་ཆེན་པོའི་ཞབས་ལ་འདུད། །

ཏ༽ སྐུ་འཁྲུངས་ཤིང་རབ་ཏུ་བྱུང་ཚུལ།   དེ་ཡང་བ་སོ་ལྷ་དབང་ཆོས་ཀྱི་རྒྱལ་མཚན་ (1537-1603/1605) གྱིས་མཛད་པའི་དཔལ་ལྡན་ཟླ་བ་གྲགས་པའི་རྣམ་ཐར་དང་མཐུན་པར་མདོ་ཙམ་དུ་བསྟོད་པ་ཟླ་བའི་འོད་ཟེར་དྭངས་པའི་ཀུ་མུད་བཞད་པའི་དཔལ་སྟེར་ལས[1]། སོ་མ་ན་ཞེས་ལྷོ་ཕྱོགས་ས་ཡི་ཆར། །ལེགས་འཁྲུངས་དཔལ་མགོན་འཕགས་པ་ཀླུ་སྒྲུབ་དང་། ། ཨཱརྱ་དེ་ཝའི་གསུང་ལ་རབ་སྦྱངས་པས། །མཁས་པའི་ཕ་རོལ་ཕྱིན་པ་ཁྱོད་ཕྱག་འཚལ། །