ཅ༽ ཟླ་བ་གྲགས་པའི་རྣམ་ཐར།

མ༽ བསམ་བཞིན་ཟླ་གྲགས་སུ་སྐྱེ་བ་བཞེས་ཚུལ།   དེ་ཡང་རྫོང་གསར་མཁྱེན་བརྩེ་འཇམ་དབྱངས་ཆོས་ཀྱི་བློ་གྲོས་ (1893-1959) ཀྱིས་མཛད་པའི་སློབ་དཔོན་ཟླ་བ་གྲགས་པ་ལ་བསྟོད་པ་ཀུན་དགའི་དབྱངས་སྙན་ལས[1]། གྲུབ་པའི་མཐའ་ཡི་རྣམ་པར་དཔྱད་པའི་བློས། །དྲངས་པའི་རྣམ་གཞག་ཤིན་ཏུ་རྒྱ་ཆེ་ཡང་། །ཀུན་གྱི་དབུས་ན་རི་རྒྱལ་ལྷུན་པོ་ལྟར། །མངོན་པར་མཐོ་བ་དཔལ་ལྡན་ཀླུ་དབང་རྒྱལ། །དེ་སྲོལ་འཛིན་པ་ཉི་ཟླ་ལྟ་བུ་ནི། །ཐལ་རང་གཉིས་ཞེས་ཡོངས་སུ་གྲགས་པ་ལས། །

བ༽ སློབ་དཔོན་ཙནྡྲ་གཽ་མི་དང་རྩོད་པ་མཛད་ཚུལ།   དེ་ཡང་ཞོལ་བཀའ་འགྱུར་དཀར་ཆག་རྒྱས་པ་ལས[1]། ཙནྡྲ་གོ་མི་མཁས་དང་གྲུབ་པའི་ཚུལ། །ཟླ་བའི་རྗེས་སུ་ཟླ་བ་གཉིས་པ་བཞིན། ། མཁྱེན་བརྩེའི་འོད་ཆགས་གཅིག་ཏུ་འདྲེས་པ་ཡིས། །དབྱིག་ལྡན་བཞིན་རས་འཛུམ་དཀར་ལང་ཚོས་དཀྲིས། ། གསང་གསུམ་འཇམ་དཔལ་རྡོ་རྗེའི་དངོས་པོ་རུ། །གྲུབ་པའི་རྒྱལ་སྲས་དཔའ་བོ་ཞི་བ་ལྷ། ། ངོ་མཚར་བདུན་གྱི་ཆེ་བའི་རྣམ་པར་ཐར། །གྲགས་པ་དོན་ལྡན་ཕྱོགས་ཀྱི་མུ་ཁྱུད་འཛིན། །

ཕ༽ མངོན་ཤེས་ཐོགས་མེད་མངའ་ཚུལ།   ཡོངས་འཛིན་ཡེ་ཤེས་རྒྱལ་མཚན་ (1713-1793) གྱིས་མཛད་པའི་ལམ་རིམ་བླ་མ་བརྒྱུད་པའི་རྣམ་ཐར་ལས[1]། མངོན་པར་ཤེས་པ་ཐོགས་མེད་མངའ་བ་ཡིན་ཏེ། མུ་སྟེགས་ཀུ་མ་རི་ཀ་ན་རེ། སློབ་དཔོན་ལ་མངོན་ཤེས་ཡོད་པ་མི་བདེན་ཡོང་། བདེན་ན་བརྒྱ་བྱིན་ད་ལྟ་ཅི་བྱེད་དྲིས་པས། སློབ་དཔོན་གྱི་གསུང་ནས་བརྒྱ་བྱིན་དངོས་ནི་སུམ་ཅུ་རྩ་གསུམ་ན་ཡོད་ལ། སྤྲུལ་པ་གཅིག་དགའ་ལྡན་ན་བྱམས་པ་ལ་ཆོས་ཉན་གྱི་ཡོད་གསུངས་པས།

པ༽ ནགས་མེས་མི་འཚིག་པའི་མཛད་པ།   དེ་ཡང་ཡོངས་འཛིན་ཡེ་ཤེས་རྒྱལ་མཚན་ (1713-1793) གྱིས་མཛད་པའི་ལམ་རིམ་བླ་མ་བརྒྱུད་པའི་རྣམ་ཐར་ལས[1]། ཡང་སློབ་དཔོན་ནགས་ན་སྒོམ་གྱིན་བཞུགས་པ་ལ་ནགས་ལ་མེ་ཤོར་བའི་ཚེ། ནཱ་ལནྡྲ་པ་ལ་སོགས་པའི་ཡུལ་མི་རྣམས་ཀྱིས་བལྟར་ཕྱིན་པས། ཤིང་གི་ལྷ་མོ་ཞིག་གིས་རོ་སྟོད་བཏོན་ནས། བྱམས་མགོན་སྙིང་རྗེའི་བློ་ཅན་ཉིད། །མེ་ཡིས་མི་འཚིག་ཆུས་མི་འཁྱེར། ། རླུང་གིས་འཐོར་བར་ག་ལ་ནུས། །[2]