རྒྱ་གར་གྱི་སྲིད་འཛིན་མཆོག་གིས་ནཱ་ལེནྡྲའི་གནའ་ཤུལ་ལ་གཟིགས་སྐོར་གནང་བ།

རྒྱ་གར་གྱི་སྲིད་འཛིན་མཆོག་གིས་ནཱ་ལེནྡྲའི་གནའ་ཤུལ་ལ་གཟིགས་སྐོར་གནང་བ།

དེ་རིང་རྒྱ་གར་གྱི་སྲིད་འཛིན་མཆོག་གྱུར་ལྕམ་སྐུ་དྲོཔ་དཱི་མུརྨུ་ (Smt Droupadi Murmu) མཆོག་ནཱ་ལེནྡྲ་མ་ཧཱ་བི་ཧཱ་རཱ་ (Nalanda Mahavihara) འམ་ནཱ་ལེནྡྲའི་གཙུག་ལག་ཁང་གི་གནའ་ཤུལ་དུ་གཟིགས་སྐོར་ལ་ཕེབས་ཡོད། གཟིགས་སྐོར་གྱི་སྐབས་དེར། རྒྱ་གར་གནའ་རྫས་རྟོག་ཞིབ་ཁང་གི་འགན་འཛིན་གཙོ་བོ་ (DG-ASI) སྐུ་ཞབས་ཝའི་ཨེས་ར་ཝཏ་ (Shri Y.S. Rawat) མཆོག་གིས། ཡུནེས་ཀོ་ (UNESCO) འཛམ་གླིང་ཤུལ་བཞག་གི་ས་ཚིགས་འདིའི་ལོ་རྒྱུས་དང་རིག་གཞུང་གི་གལ་གནད་དང༌། ད་ལྟའི་ཆར་གནའ་རྫས་རྟོག་ཞིབ་ཁང་གིས་གནའ་ཤུལ་ཉམས་གསོ་དང་སྲུང་སྐྱོབ་ཀྱི་ལས་གཞི་ཇི་ལྟར་སྤེལ་བཞིན་པའི་སྐོར་ལ་སྲིད་འཛིན་མཆོག་ལ་སྙན་སེང་ཞུས་ཡོད།

སྲིད་འཛིན་མཆོག་གིས་ནཱ་ལེནྡྲའི་ཕུན་སུམ་ཚོགས་པའི་རིག་གཞུང་གི་ཤུལ་བཞག་ལ་བསྔགས་བརྗོད་གནང་བ་དང་ཆབས་ཅིག འཛམ་གླིང་རིམ་པའི་གལ་གནད་ཅན་གྱི་གནའ་ཤུལ་འདི་ཉིད་སྲུང་སྐྱོབ་བྱེད་མཁན་རྒྱ་གར་གནའ་རྫས་རྟོག་ཞིབ་ཁང་གི་འབད་བརྩོན་ལ་གུས་བཀུར་དང་ཡི་རང་གནང་འདུག ཐེངས་འདིའི་གཟིགས་སྐོར་སྐབས་སུ་བི་ཧཱར་མངའ་སྡེའི་མངའ་སྡེ་སྤྱི་ཁྱབ་པ་མཆོག་གྱུར་སྐུ་ཞབས་སེ་ཡིད་ཨ་ཏ་ཧཱ་སི་ནན་ (Syed Ata Hasnain) མཆོག་ཀྱང་མཉམ་ཕེབས་གནང་ཡོད།

༢༠༢༦ ཟླ་བ་ ༣ ཚེས་ ༣༡ ཉིན།

Hon’ble President of India, Smt Droupadi Murmu visited Nalanda Mahavihara today. During the visit, the DG-ASI, Shri Y.S. Rawat apprised the Hon’ble President of the historical and cultural importance of the UNESCO World Heritage Site and the ongoing conservation and preservation initiatives undertaken by ASI.