གསུང་འབུམ་དཀར་ཆག

གཉིས་པ། ཤེར་ཕྱིན་གྱི་སྐོར།   ༧༧༽ ཤེར་ཕྱིན་ ༼ཐ༽ པ་ལ། རྒྱ་གར་སྐད་དུ། པྲ་ཛྙཱ་པཱ་ར་མི་ཏཱ་པིཎྜཱ་རྠ་པྲ་དཱི་པ། བོད་སྐད་དུ། ཤེས་རབ་ཀྱི་ཕ་རོལ་ཏུ་ཕྱིན་པའི་དོན་བསྡུས་སྒྲོན་མ། གཞུང་དངོས་ཀྱི་མཛད་བྱང་ལས[1]། བྷངྒ་ལར་སྐྱེས་དགེ་སློང་ནི། །མར་མེ་མཛད་དཔལ་ཡེ་ཤེས་ཀྱིས། ། གཞུང་དང་བླ་མའི་གསུང་གིས་ནི། །ཕར་ཕྱིན་བསྡུས་དོན་སྒྲོན་མར་བྱས། ། ཞེས་གསུངས་པ་ལྟར། དཔལ་ཤཱནྟི་པའི་སློབ་མ་སློབ་དཔོན་མར་མེ་མཛད་ཡེ་ཤེས་ཀྱིས་མཛད་པ། པཎྜི་ཏ་དེ་ཉིད་དང༌། ལོ་ཙཱ་བ་མཁས་པ་ཆེན་པོ་ཚུལ་ཁྲིམས་རྒྱལ་བས་བསྒྱུར་བའོ། །འདིའི་ལེགས་སྦྱར་གྱི་མ་དཔེ་མི་བཞུགས་སོ།།

བཅུ་བདུན། ཇོ་བོ་རྗེ་དཔལ་ལྡན་ཨ་ཏི་ཤའི་གསུང་གི་དཀར་ཆག ཀ༽ བསྟན་འགྱུར་དུ་བཞུགས་པའི་དཀར་ཆག ཇོ་བོ་རྗེ་དཔལ་ལྡན་ཨ་ཏི་ཤ་ནི། འཕགས་བོད་གཉིས་ཀར་མཛད་འཕྲིན་ཤིན་ཏུ་ཆེ་བའི་མཁས་གྲུབ་གཉིས་ལྡན་གྱི་སྐྱེས་བུ་དམ་པ་ཞིག་ཡིན་པ་ཇོ་བོ་རྗེས་མཛད་པའི་བསྟན་བཅོས་རྣམས་དང་། བོད་ཀྱི་མཁས་གྲུབ་དུ་མས་མཛད་པའི་ཆོས་འབྱུང་། ལྷག་པར་ཇོ་བོའི་རྣམ་ཐར་རྒྱས་བསྡུས་སོགས་དེབ་ཐེར་ཁག་ལ་གཟིགས་ན་རྟོགས་པར་འགྱུར་ལ། ཇོ་བོ་རྗེ་རྒྱ་གར་འཕགས་ཡུལ་དུ་བཞུགས་སྐབས་སུ་ཡང་བསྟན་བཅོས་མང་དུ་མཛད་ཡོད་པར་མ་ཟད།

༢༽ ལོ་ཙཱ་བ་དགེ་སློང་དགེ་བའི་བློ་གྲོས།   ལོ་ཙཱ་བ་དགེ་སློང་རྨ་དགེ་བའི་བློ་གྲོས་མཆོག་ནི། ཇོ་བོ་རྗེ་ལྷ་གཅིག་བོད་དུ་བྱོན་ནས་མངའ་རིས་སུ་ལོ་གསུམ་བཞུགས་རྗེས་རབ་བྱུང་དང་པོའི་ཤིང་སྤྲེལ་ཕྱི་ལོ་ ༡༠༤༤ ལོར་སྐུ་འཁྲུངས། རྒྱ་གར་དུ་ཐེངས་གསུམ་ཕེབས་ནས་པཎ་ཆེན་མང་པོའི་ཞབས་ལ་གཏུགས་ཏེ་གསང་སྔགས་ཀྱི་ཆོས་སྐོར་ཐམས་ཅད་ལ་ནང་བྱན་ཆུད་པར་མ་ཟད། རྒྱ་གར་འཕགས་ཡུལ་གྱི་བསྟན་བཅོས་མང་པོ་བོད་སྐད་དུ་སྒྲ་སྒྱུར་མཛད། དེ་ནས་ཁྱུང་པོ་ལས་རབ་བྱུང་བསྒྲུབས་ཏེ་གཞན་དོན་ལེགས་པར་མཛད།

ཁ༽ སྒྱུར་བྱེད་ལོ་ཙཱ་བའི་རྣམ་ཐར་ངོ་སྤྲོད། ༡༽ ལོ་ཙཱ་བ་རྩངས་དེ་ཝེནྡྲ་རཀྵི་ཏ།   ཞུ་ཆེན་གྱི་ལོ་ཙཱ་བ་རྩངས་དེ་ཝེནྡྲ་རཀྵི་ཏ་མཆོག་ནི། ཕྱི་ལོའི་དུས་རབས་བརྒྱད་པའི་དུས་སྟོད་ཙམ་དུ་སྐུ་འཁྲུངས་ཤིང་། བོད་ཀྱི་རྒྱལ་རབས་སོ་བརྒྱད་པ་འཇམ་དབྱངས་རྣམ་སྤྲུལ་ཆོས་རྒྱལ་ཁྲི་སྲོང་ལྡེའུ་བཙན་གྱི་སྙན་གྲགས་ཆེ་བའི་སྐད་གཉིས་སྨྲ་བའི་ལོ་ཙཱ་བ་ཞིག་ཡིན་ལ། ཁོང་གི་བསྒྱུར་རྩོམ་ནི། བཀའ་འགྱུར་ལས། ཕྱོགས་བཅུའི་མུན་པ་རྣམ་པར་སེལ་བ་ཞེས་བྱ་བའི་མདོ་ཤླཽ་ཀ་བརྒྱ་ལྔ་བཅུ་པ་དང་།