གསུང་འབུམ་དཀར་ཆག

ང༽ ཕ་ཆོས་ཉི་ཤུ་རྩ་དྲུག་ལས་ཞུས་ལན་གྱི་དངོས་གཞིའི་དཀར་ཆག   དང་པོ། ཇོ་བོས་རྒྱལ་སྲིད་སྤངས་ནས་ཐར་པ་ཇི་ལྟར་མཛད་པ་དང་། གཉིས་པ། ཇོ་བོ་གསེར་གླིང་དུ་བྱོན་པའི་རྣམ་ཐར། གསུམ་པ། ཇོ་བོ་རིན་པོ་ཆེ་དཔལ་ལྡན་ཨ་ཏི་ཤའི་རྣམ་ཐར་རྒྱས་པ་ཡོངས་གྲགས། བཞི་པ། འབྲོམ་སྟོན་པ་རྒྱལ་བའི་འབྱུང་གནས་ཀྱིས་མཛད་པའི་ཇོ་བོ་རྗེའི་རྣམ་ཐར་ལམ་ཡིག་ཆོས་ཀྱི་འབྱུང་གནས། ལྔ་པ། དགེ་བཤེས་སྟོན་པས་མཛད་པའི་གླེགས་བམ་གྱི་བཀའ་རྒྱ། དྲུག་པ། ཞུས་ལན་ནོར་བུའི་ཕྲེང་བ་ལྷ་ཆོས་བདུན་ལྡན་གྱི་བླ་མ་བརྒྱུད་པ་རྣམས་ཀྱི་རྣམ་ཐར།

ག༽ ཇོ་བོ་རྗེའི་གསུང་ཐོར་བུ་སྣ་ཚོགས་པའི་སྐོར།   དེ་ཡང་བསྟན་འགྱུར་དང་། ཇོ་བོ་རྗེའི་གསུང་འབུམ། བློ་སྦྱོང་བརྒྱ་རྩ་སོགས་སུ་མ་གསལ་བའི་ཇོ་བོ་རྗེ་དཔལ་ལྡན་ཨ་ཏི་ཤའི་གསུང་ཐོར་བུར་གནས་པའི་རིགས་ལ། ༡༽ ཡི་གེ་དྲུག་པ་ལ་དཔལ་མར་མེ་མཛད་ཡེ་ཤེས་ཀྱིས་བསྟོད་པ་དང་། ༢༽ གཟུངས་བསྡུས་སུ་བཞུགས་པའི་ཇོ་བོ་རྗེའི་མཚན་འབུམ། ༣༽ ཇོ་བོས་སྙེ་ཐང་དགོན་པ་བ་ལ་གསུངས་པའི་ཚིག་དྲུག །༤༽ གངས་ཅན་པའི་དམིགས་བུ་དཔལ་ལྡན་མར་མེ་མཛད་ཡེ་ཤེས་གྱི་གསུང་བཏུས།  ༥༽ ཇོ་བོའི་གསུང་བཏུས།

ཁ༽ བློ་སྦྱོང་བརྒྱ་རྩར་གསལ་བའི་ཇོ་བོའི་གསུང་།   དེ་ཡང་བློ་སྦྱོང་བརྒྱ་རྩའི་ནང་དུ་ཇོ་བོ་རྗེའི་མཛད་བྱང་གསལ་བའི་བློ་སྦྱོང་གི་བསྟན་བཅོས་ནི། ༡༽ ཐེག་པ་ཆེན་པོའི་བློ་སྦྱོང་གི་རྩ་ཚིག་སྟེ། གོང་གསལ་གསུང་འབུམ་ནང་གསལ་བ་དང་། བློ་སྦྱོང་བརྒྱ་རྩར་གསལ་བ་གཉིས་མཚན་བྱང་མཚུངས་ཀྱང་བསྟན་བཅོས་ཀྱི་གཞུང་དངོས་ཅུང་མི་འདྲ་བ་འདི་ཉིད་དང་། ༢༽ ཐེག་པ་ཆེན་པོའི་བློ་སྦྱོང་གི་རྩ་ཚིག་འགྲེལ་པའམ་རྩ་མཆན་སྦྲགས་མ་དང་། ༣༽ ཀུ་སུ་ལུའི་ཚོགས་གསོག་གི་བློ་སྦྱོང༌། ༤༽ ཇོ་བོའི་བློ་སྦྱོང་དོན་བདུན་མ།

ཏ) བཀའ་གདམས་དཔེ་དཀོན་གྱི་རྩོམ་སྒྱུར་ཞུ་གསུམ་སྐོར།   གོང་གསལ་བཀའ་གདམས་དཔེ་དཀོན་གཅེས་བཏུས་ལས་བྱུང་བའི་གསུང་བཟང་ཆོས་ཚན་ ༤༧ རྙེད་སོན་བྱུང་བའི་ཁྲོད་ནས་ཐོག་མར་རྒྱ་གར་སྐད་གསལ་བའི་ཆོས་ཚན་ ༢༧ དང་། རྒྱ་གར་སྐད་མི་གསལ་བའི་ཆོས་ཚན་ ༢༠ བཞུགས་ལ། གསུང་དེ་དག་གི་མཇུག་མཐར་མཛད་བྱང་གསལ་བའི་ཆོས་ཚན་གྲངས་ ༣༧ དང་། མཛད་བྱང་མི་གསལ་བའི་ཆོས་ཚན་གྲངས་ ༩ བཞུགས་པའི་ཁྲོད་ནས་སློབ་དཔོན་རྣལ་འབྱོར་གྱི་དབང་ཕྱུག་ཆེན་པོ་རྒྱུ་ལྟོ་ཞབས་ཀྱི་ཞལ་སྔ་ནས་ཞེས་དང་།