གསུང་འབུམ་དཀར་ཆག

གཉིས་པ། རྒྱུད་ཀྱི་སྐོར།   ༢༽ རྒྱུད་ ༼མུ༽ པར། རྒྱ་གར་སྐད་དུ། པྲཛྙཱ་པཱ་ར་མི་ཏཱ་སཱ་དྷ་ནཾ། བོད་སྐད་དུ། ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས། སློབ་དཔོན་འཕགས་པ་ཐོགས་མེད་ཀྱིས་མཛད་པ་རྫོགས་སོ། །ཞེས་པ་ལས་འགྱུར་བྱང་མི་སྣང་ཡང་། གངས་ལྗོངས་སྐད་གཉིས་སྨྲ་བ་དུ་མའི་འགྱུར་བྱང་བློ་གསལ་དགའ་སྐྱེད་ལས[1]། ཡར་ལུངས་པ་གྲགས་པ་རྒྱལ་མཚན་གྱིས་བསྒྱུར་བར་གསལ་ལོ། །འདིའི་ལེགས་སྦྱར་གྱི་མ་དཔེ་མི་བཞུགས་སོ།།

དགུ་པ། སློབ་དཔོན་ཐོགས་མེད་ཀྱི་གསུང་གི་དཀར་ཆག   ཐོགས་མེད་དབྱིག་གཉེན་ཕྱོགས་ཀྱི་གླང་པོ་དང་། ། ཆོས་གྲགས་འཕགས་གྲོལ་སེངྒེ་བཟང་པོའི་ཞབས། ། ཡོན་ཤཱཀ་གཉིས་དང་མར་མེ་མཛད་དཔལ་བཅས། ། རྒྱ་ཆེན་སྤྱོད་བརྒྱུད་པཎ་གྲུབ་རྣམས་ལ་བསྟོད། ། ཅེས་བསྟོད་ཕྱག་སྔོན་དུ་བཏང་སྟེ། རྒྱ་ཆེན་སྤྱོད་བརྒྱུད་ཀྱི་པཎ་གྲུབ་རྣམ་བརྒྱད་དང་། ཇོ་བོ་རྗེ་དཔལ་ལྡན་ཨ་ཏི་ཤ་བཅས་ཀྱི་གསུང་འབུམ་གྱི་དཀར་ཆག་འགོད་པ་ལ། དང་པོ།

༤༽ ཞ་ལུ་ལོ་ཙཱ་བ་ཆོས་སྐྱོང་བཟང་པོ།   ཞ་ལུ་ལོ་ཙཱ་བ་དགེ་སློང་དྷརྨ་པཱ་ལ་བྷ་དྲ་སྟེ། དྷརྨ་ཞེས་པ་ཆོས་དང་། པཱ་ལ་ཞེས་པ་སྐྱོང་བ། བྷ་དྲ་ཞེས་པ་བཟང་པོའི་དོན་ཡིན་པས། བོད་སྐད་དུ་ཆོས་སྐྱོང་བཟང་པོ་ཞེས་སུ་གྲགས་པ་ནི། གཙང་ཞྭ་ལུ་གསེར་ཁང་གོང་མར་རབ་བྱུང་བདུན་པའི་ལྕགས་བྱ་ཕྱི་ལོ་ ༡༤༤༡ ལོར་ཡབ་འགོས་ཀྱི་རིགས་ལས་བྱུང་བ་བསམ་གྲུབ་བཟང་པོ་དང་། ཡུམ་རིན་ཆེན་ཆོས་འཛོམས་གཉིས་ཀྱི་སྲས་སུ་སྐུ་འཁྲུངས་ཤིང་། མཚན་ལ་ཆོས་སྐྱོང་འབུམ་ཞེས་གསོལ།

༣༽ ཨོང་པོ་ལོ་ཙཱ་བ། ཞུ་ཆེན་གྱི་ལོ་ཙཱ་བ་བླ་མ་ཨང་ལོ་བཙུན་ཆུང་ངམ་ཨོང་པོ་ལོ་ཙཱ་བ་མཆོག་ནི། ཕྱི་ལོའི་དུས་རབས་བཅུ་གཅིག་པའི་དུས་སྨད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། ཐོག་མར་བོད་ཡུལ་ནས་སློབ་གཉེར་མཛད་ཅིང་། དེ་ནས་ཁ་ཆེ་དང་། བལ་ཡུལ། རྒྱ་གར་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ནས་རྒྱ་གཞུང་དང་ལེགས་སྦྱར་གྱི་སྐད་ལ་ཕུལ་དུ་ཕྱིན་པ་སྦྱངས་ཏེ་བསྟན་བཅོས་མང་པོ་བོད་ཡིག་ཏུ་བསྒྱུར་བར་མཛད།