གསུང་འབུམ་དཀར་ཆག

༢༽ རྗེ་བཙུན་ཀ་མ་ལ་ཤཱི་ལའི་གསུང་།   དེ་བཞིན་བསྐྱེད་རིམ་གྱི་སྐོར་ལ། ༡༢༽ རྒྱུད་ཞི་པ་ལ། ཤེས་རབ་ཀྱི་ཕ་རོལ་ཏུ་ཕྱིན་པའི་སྒྲུབ་ཐབས། རྗེ་བཙུན་ཀ་མ་ལ་ཤཱི་ལས་མཛད་ཅིང༌། པཎྜི་ཏ་ཛྙཱ་ན་གུ་ཧྱ་དང༌། ཨང་ལོ་ཙཱ་བའི་འགྱུར། ༡༣༽ རྒྱུད་ཞི་པ་ལ། རྗེ་བཙུན་མ་འཕགས་མ་སྒྲོལ་མའི་སྒྲུབ་ཐབས། རྗེ་བཙུན་ཀ་མ་ལ་ཤཱི་ལས་མཛད་ཅིང༌། པཎྜི་ཏ་ཛྙཱ་ན་གུ་ཧྱ་དང༌། ཨང་ལོ་ཙཱ་བའི་འགྱུར། ༡༤༽ རྒྱུད་ཞི་པ་ལ། རྡོ་རྗེ་ཕག་མོའི་སྒྲུབ་ཐབས། རྗེ་བཙུན་ཀ་མ་ལ་ཤཱི་ལས་མཛད་ཅིང༌། པཎྜི་ཏ་ཛྙཱ་ན་གུ་ཧྱ་དང༌། ཨང་ལོ་ཙཱ་བའི་འགྱུར།

ང༽ ཀ་ལ་མ་ཤཱི་ལའི་གསུང་བཟང་མ་རྙེད་པ།   དེ་ཡང་དཀར་ཆག་འཕང་ཐང་མ་ལས[1]། ༡༽ ཆོས་ཐམས་ཅད་ངོ་བོ་ཉིད་མེད་པར་གྲུབ་པ་སློབ་དཔོན་ཀ་མ་ལ་ཤཱི་ལས་མཛད་པ་ཤུ་ལོག །ཅེས་གསལ་ནའང་། བསྟན་བཅོས་དེ་ཉིད་ཀྱི་མ་ཡིག་མ་རྙེད་པས་མ་འོངས་པར་རྙེད་སོན་བྱུང་མཚམས་ཞལ་སྐོང་ཞུ་དགོས་སོ།། གུང་ལོ་ཙཱ་བ་མགོན་པོ་སྐྱབས་ (དུས་རབས་18པ།) ཀྱིས་མཛད་པའི་རྒྱ་ནག་ཆོས་འབྱུང་ལས[2]། ༢༽ ཀ་མ་ལ་ཤཱི་ལས་མཛད་པའི་བྱང་ཆུབ་སེམས་འགྲེལ་བམ་བཞི་སློབ་དཔོན་བཤད་མ་ཐག་ (སྦྱིན་སྲུང་) པའི་འགྱུར།

ག༽ རྩོམ་སྒྱུར་ཞུ་གསུམ་གནང་མཁན་གྱི་ལོ་པཎ་མཁན་གསུམ། ཀ༽ དེ་ལྟའི་རྨད་བྱུང་གི་ལེགས་བཤད་མཛད་པ་པོའི་མཚན་གྱི་རྣམ་གྲངས་ལ། ལེགས་སྦྱར་གྱི་མཚན་ལ་ཀ་མ་ལ་ཤཱི་ལ་དང་། བོད་སྐད་དུ་བསྒྱུར་བའི་མཚན་ལ་པདྨའི་ངང་ཚུལ་གཉིས་ཡོད་པ་ལས། ད་ལྟ་ང་ཚོས་མཇལ་རྒྱུ་ཡོད་པའི་གོང་གསལ་ལེགས་བཤད་ཀྱི་མཛད་བྱང་ཁག་ལ་ཞིབ་ཏུ་དཔྱད་ཚེ་གཞུང་དངོས་དང་། དཀར་ཆག་ཏུ་བཀོད་པའི་མཛད་པ་པོའི་མཚན་གཉིས་མི་འདྲ་ཡང་།

ཁ༽ སློབ་དཔོན་ཀ་མ་ལ་ཤཱི་ལའི་གསུང་གི་མཚན་བྱང་།   སློབ་དཔོན་ཀ་མ་ལ་ཤཱི་ལས་མཛད་པའི་ལེགས་བཤད་ཀྱི་བསྟན་བཅོས་ལ་མཚོན་ན། བསྟན་འགྱུར་གྱི་ཤེར་ཕྱིན་དང་། དབུ་མ། མདོ་སྡེ། འདུལ་བ། སྤྲིང་ཡིག །ཚད་མ། སྣ་ཚོགས་བཅས་སྡེ་ཚན་བདུན་གྱི་ནང་དུ་ཆོས་ཚན་ ༢༠ བཞུགས་པ་ལས། དང་པོ་ཤེར་ཕྱིན་གྱི་སྐོར་ལ་གསུམ་སྟེ། ༡ འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བདུན་བརྒྱ་པ་རྒྱ་ཆེར་བཤད་པ་དང་།