02 འཕགས་པ་ལྷའི་གསུང་འབུམ་དཀར་ཆག

ལྔ་པ། པཎ་གྲུབ་བཅུ་བདུན་གྱི་གསུང་གི་ལུང་རྒྱུན་དཔེ་ཐོ།   ༄༅། །འཇིག་རྟེན་ཁམས་ཀྱི་ཕན་བདེའི་རྩ་ལག་མཉམ་མེད་ཐུབ་བསྟན་རིན་པོ་ཆེ་འཛིན་སྐྱོང་སྤེལ་བའི་འཕགས་ཡུལ་གྱི་ཟླ་བྲལ་མཁས་པའི་གཙུག་རྒྱན་པཎ་གྲུབ་བཅུ་བདུན་གྱི་གསུང་རྩོམ་གསུང་རབ་རྣམས་ལས་ལུང་རྒྱུན་བཞུགས་པ་རྣམས་ཀྱི་མཚན་ཐོ་བསྟན་འགྱུར་སྣར་ཐང་པར་མའི་ཐོག་ནས་གསན་པའི་ཐོ་རྗེ་བདེ་ཆེན་སྙིང་པོའི་གསན་ཡིག་དང༌། སྡེ་དགེ་པར་མའི་ཐོག་ནས་གསན་པའི་ཐོ། སྐྱབས་རྗེ་དིལ་མགོ་མཁྱེན་བརྩེ་རིན་པོ་ཆེའི་གསན་ཡིག་ལས་བྱུང་བ་བཞིན་ཟུར་འགོད་ཞུས་པ་དགེའོ།།

རྒྱལ་སྲས་འཕགས་པ་ལྷའི་གསུང་སྒྲ་སྒྱུར་མཛད་པ་པོོའི་ལོ་ཙཱ་བ།   དེ་འཕྲོས་སྒྲ་སྒྱུར་མཛད་པ་པོ་རྣམས་ནི། ༡) པཎྜི་ཏ་ཆེན་པོ་མི་ཕམ་མགོན་པོའི་ (ཕ་དམ་པ་སངས་རྒྱས་ཀྱི་མཚན་གྱི་རྣམ་གྲངས་ཡིན་འདུག) བསྟན་འགྱུར་གྱི་སྒྱུར་རྩོམ་ལས། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བསྡུས་པའི་ཚིག་ལེའུར་བྱས་པ་སློབ་དཔོན་ཕྱོགས་ཀྱི་གླང་པོས་མཛད་པ་དང་། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཚིགས་སུ་བཅད་པ་ཆེན་པོ་སློབ་དཔོན་ཨཱརྻ་དེ་ཝས་མཛད་པ་ནི། པཎྜི་ཏ་ཆེན་པོ་མི་ཕམ་མགོན་པོའི་རང་འགྱུར་མཛད་པ་ཞིག་ཡིན།

༢༽ ལོ་ཙཱ་བ་དགེ་སློང་ཆོས་ཀྱི་ཤེས་རབ།   ལོ་ཙཱ་བ་དགེ་སློང་ཆོས་ཀྱི་ཤེས་རབ་ནི། ཕྱི་ལོའི་དུས་རབས་བཅུ་གཅིག་པའི་དུས་འགོ་ཙམ་དུ་སྐུ་འཁྲུངས་པའི་སྙན་གྲགས་ཅན་གྱི་ལོ་ཙཱ་བ་ཞིག་སྟེ། ཐོག་མར་བོད་ནས་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པ་མཛད་ཅིང་། དེ་རྗེས་ཁ་ཆེ་དང་། བལ་ཡུལ། རྒྱ་གར་འཕགས་ཡུལ་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ནས་མདོ་སྔགས་ཆོས་ཀྱི་གཞུང་ལུགས་ལ་སློབ་གཉེར་ལེགས་པར་གནང་བ་དང་།

ཆ༽ སྒྱུར་བྱེད་ལོ་ཙཱ་བའི་རྣམ་ཐར་ངོ་སྤྲོད། ༡༽ ལོ་ཙཱ་བ་དགེ་སློང་དཔལ་འབྱོར་སྙིང་པོ། ལོ་ཙཱ་བ་དགེ་སློང་དཔལ་འབྱོར་སྙིང་པོ་ནི། ཕྱི་ལོའི་དུས་རབས་དགུ་པའི་དུས་འགོ་ཙམ་དུ་སྐུ་འཁྲུངས་ཤིང་རྟེན་རབ་བྱུང་ཡིན་ལ། སྒྲ་སྒྱུར་ལ་ཤིན་ཏུ་མཁས་པར་མཁྱེན་པས་རྒྱལ་བའི་བཀའ་དང་བསྟན་འགྱུར་སོགས་བོད་ཡིག་ཏུ་བསྒྱུར་བར་མཛད་དེ་སྙན་གྲགས་ཅན་གྱི་ལོ་ཙཱ་བ་ཞིག་ཡིན། སྒྱུར་རྩོམ་ནི་བཀའ་འགྱུར་ལས། འདུལ་བ་ལུང་ཕྲན་ཚེགས་སྒོ་བརྒྱད་ཀར་རྫོགས་པ་ཤླཽ་ཀ་ཆིག་ཁྲི་བདུན་སྟོང་བདུན་བརྒྱ་དང་།