དཔལ་ནཱ་ལེནྡྲ། བྱོན་པ་ལེགས།

ང༽ གསུང་བཟང་གི་མ་དཔེ་མ་རྙེད་པའི་རིགས།   དེ་ཡང་དང་པོ། བུ་སྟོན་རིན་ཆེན་གྲུབ་  (1290-1364) ཀྱིས་མཛད་པའི་བུ་སྟོན་ཆོས་འབྱུང་ལས[1]། བཟང་སྤྱོད་འགྲེལ་པ་སློབ་དཔོན་ཡོན་ཏན་འོད་ཀྱིས་མཛད་པ་ཤུ་ལོ་ཀ་ལྔ་བརྒྱ། ཞེས་གསལ་ཡང་། སྡེ་དགེ་བསྟན་འགྱུར་དཀར་ཆག་ཏུ། ༡༽ འཕགས་པ་ཀླུ་སྒྲུབ་ཀྱིས་མཛད་པའི་འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོ་ཆེན་པོའི་བཤད་སྦྱར་དང་། ༢༽ སློབ་དཔོན་ཤཱཀྱའི་བཤེས་གཉེན་གྱིས་མཛད་པའི་འཕགས་པ་བཟང་པོ་སྤྱོད་པའི་སྨོན་ལམ་གྱི་རྒྱལ་པོའི་རྒྱ་ཆེར་འགྲེལ་པ།

ག༽ བསྒྱུར་ཞུས་གཏན་ལ་འབེབས་མཁན་གྱི་ལོ་པཎ།   དང་པོ། སློབ་དཔོན་འདི་ཉིད་ཀྱི་གསུང་རྣམས་ལེགས་སྦྱར་གྱི་སྐད་ནས་བོད་སྐད་དུ་བསྒྱུར་ཞུས་གཏན་འབེབས་གནང་མཁན་རྒྱ་གར་འཕགས་ཡུལ་གྱི་མཁན་པོ་དང་པཎྜི་ཏ་ནི། རྒྱ་གར་གྱི་མཁན་པོ་དཱི་པཾ་ཀ་ར་ཤྲཱི་ཛྙཱ་ན་དང༌། རྒྱ་གར་གྱི་མཁན་པོ་པྲ་ཛྙཱ་ཝརྨ། རྒྱ་གར་གྱི་མཁན་པོའམ་ཁ་ཆེའི་བྱེ་བྲག་ཏུ་སྨྲ་བའི་སློབ་དཔོན་ཛི་ན་མི་ཏྲ། དཱ་ན་ཤཱི་ལ། རྒྱ་གར་གྱི་མཁན་པོ་པཎྜི་ཏ་ཨ་ལངྐར་དེ་བ་བཅས་ཞལ་གྲངས་ ༥ དང་། གཉིས་པ། བོད་གངས་ཅན་ལྗོངས་ཀྱི་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བ་དང་།

ཁ༽ གསུང་གི་མཚན་བྱང་དང་མཛད་བྱང་།   དེ་ལྟར་འཕགས་པ་གཞི་ཐམས་ཅད་ཡོད་པར་སྨྲ་བའི་རྩོད་པ་བ་ཆེན་པོ་རྣམས་ཀྱི་ཁྱུ་མཆོག་བསྟན་བཅོས་དུ་མ་མཛད་པ་གཞུང་འབུམ་ཕྲག་བཅོ་བརྒྱད་ལ་ཁ་ཏོན་མཛད་པའི་སློབ་དཔོན་ཡོན་ཏན་འོད་ཀྱིས་མཛད་པའི་བསྟན་བཅོས་ལ་མཚོན་ན། བསྟན་འགྱུར་གྱི་སེམས་ཙམ་དང་། འདུལ་བའི་སྡེ་ཚན་གཉིས་ནང་ཆོས་ཚན་ ༧ བཞུགས་པ་ལས། དང་པོ་སེམས་ཙམ་སྐོར་ལ་གསུམ་སྟེ། ༡ བྱང་ཆུབ་སེམས་དཔའི་སའི་འགྲེལ་པ་དང་། ༢ བྱང་ཆུབ་སེམས་དཔའི་ཚུལ་ཁྲིམས་ལེའུའི་འགྲེལ་པ། ༣ ཕུང་པོ་ལྔའི་རྣམ་པར་འགྲེལ་པ་བཅས་སོ།།

གཉིས་པ། འདུལ་བའི་སྐོར།   ༤༽ འདུལ་བ་ ༼ཝུ༽ པ་ལ། རྒྱ་གར་སྐད་དུ། བི་ན་ཡ་སཱུ་ཏྲ། བོད་སྐད་དུ། (རྩ་བའི་ལུང་དང་བཤད་པའི་ལུང་ཐམས་ཅད་ཀྱི་དགོངས་འགྲེལ་མཚན་ཉིད་གཏན་ལ་འབེབས་པར་བྱེད་པ་) འདུལ་བའི་མདོ། གཞུང་གི་མཛད་བྱང་ལས[1]། འདུལ་བའི་མདོ་ཞེས་བྱ་བ་ངེས་པར་འབྱུང་བའི་ཚུལ་ཁྲིམས་ཀྱི་དབང་དུ་བྱས་པ། འདུལ་བ་རྒྱ་མཚོའི་སྙིང་པོ་མདོར་བསྡུས་པ། ལྷག་པའི་ཚུལ་ཁྲིམས་ཀྱི་བསླབ་པ་མཐའ་དག་གི་མཛོད་དུ་གྱུར་པ། འདུལ་བའི་སྡེ་སྣོད་ཐམས་ཅད་ཀྱི་མ་ལྟ་བུ་འདི་ནི།

བཅོ་ལྔ། སློབ་དཔོན་ཡོན་ཏན་འོད་ཀྱི་གསུང་གི་དཀར་ཆག ཀ༽ བསྟན་འགྱུར་དུ་བཞུགས་པའི་དཀར་ཆག དང་པོ། སེམས་ཙམ་སྐོར།   ༡༽ སེམས་ཙམ་ ༼འི༽ པ་ལ། རྒྱ་གར་སྐད་དུ། བོ་དྷི་སཏྭ་བྷཱུ་མི་བྲིཏྟི། བོད་སྐད་དུ། བྱང་ཆུབ་སེམས་དཔའི་སའི་འགྲེལ་པ། མཛད་བྱང་ལས[1]། སྦྱིན་པ་རིམ་པར་ཕྱེ་བ་སྟེ་དགུ་པ་རྫོགས་སོ། །ཚུལ་ཁྲིམས་རིམ་པར་ཕྱེ་བ་ནི་གོང་དུ་ཕྱུང་བ་ཡིན། སློབ་དཔོན་ཡོན་ཏན་འོད་ཀྱིས་མཛད་པ་བྱང་ཆུབ་སེམས་དཔའི་སའི་འགྲེལ་པ་ལས་ཇི་སྙེད་འགྱུར་བ་རྫོགས་སོ། །

༣༽ ལོ་ཙཱ་བ་འབྲོ་སེང་དཀར་ཤཱཀྱ་འོད།   ལོ་ཙཱ་བ་འབྲོ་སེང་དཀར་ཤཱཀྱ་འོད་མཆོག་ནི། ཕྱི་ལོའི་དུས་རབས་བཅུ་གཅིག་པའི་དུས་འགོ་ཙམ་དུ་འཁྲུངས་ཤིང་། ཐོག་མར་བོད་གངས་ཅན་གྱི་ལྗོངས་སུ་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པ་མཛད་ཅིང་། དེ་རྗེས་བལ་ཡུལ་དང་རྒྱ་གར་འཕགས་ཡུལ་སོགས་སུ་དངོས་སུ་ཞབས་ཀྱིས་བཅགས་ཏེ་པཎ་གྲུབ་དུ་མའི་ཞབས་རྡུལ་སྤྱི་བོར་བླངས་ནས་མདོ་སྔགས་ཆོས་ཀྱི་དབང་ལུང་ཁྲིད་གསུམ་མང་དུ་གསན་བཞེས་མཛད་པར་མ་ཟད།

༢༽ དཔང་ལོ་ཙཱ་བ་བློ་གྲོས་བརྟན་པ།   ལོ་ཙཱ་བ་དཔང་བློ་གྲོས་བརྟན་པ་མཆོག་ནི། ཕྱི་ལོའི་དུས་རབས་བཅུ་གསུམ་པའི་དུས་སྟོད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། ཤོང་ལོ་ཙཱ་བ་ཤོང་སྟོན་རྡོ་རྗེ་རྒྱལ་མཚན་གྱི་གཅུང་པོ་ཡིན། རྗེ་འདིས་སྤྱིར་དགེ་བའི་བཤེས་གཉེན་མང་པོའི་ཞབས་ལ་གཏུགས་ནས་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པ་མཛད། སྒོས་སུ་གཅེན་པོ་ཤོང་སྟོན་རྡོ་རྗེ་རྒྱལ་མཚན་བསྟེན་ནས་ལོ་ཙཱ་ལེགས་པར་བསླབས་པས། འཇིག་རྟེན་མིག་གཅིག་ཤོང་བློ་གྲོས་བརྟན་པ་དང་།

ཅ༽ སྒྱུར་བྱེད་ལོ་ཙཱ་བའི་རྣམ་ཐར་ངོ་སྤྲོད། ༡༽ ནག་ཚོ་ལོ་ཙཱ་བ་ཚུལ་ཁྲིམས་རྒྱལ་བ།   ནག་ཚོ་ལོ་ཙཱ་བ་དགེ་སློང་ཚུལ་ཁྲིམས་རྒྱལ་བ་མཆོག་ནི། (དགེ་བཤེས་གུང་ཐང་པ་ཡང་ཞུ།) རབ་བྱུང་གོང་གི་ལྕགས་མོ་ཕག་ཕྱི་ལོ་ ༡༠༡༡ ལོར་མངའ་རིས་རྫོང་དགའི་ལྷ་གདོང་ཞེས་པའི་ས་ཆར་ནག་ཚོའི་གདུང་རྒྱུད་དུ་སྐུ་འཁྲུངས། དགུང་ལོ་ཆུང་ངུའི་དུས་ནས་ཡི་གེའི་སྦྱོར་ཀློག་ལ་སྦྱངས་པ་མཛད་ཅིང་། རབ་ཏུ་བྱུང་སྟེ་མཚན་ལ་ཚུལ་ཁྲིམས་རྒྱལ་བ་ཞེས་ཞུ་བ་དང་། འདུལ་བའི་ཆོས་གཞུང་ལ་ཤིན་ཏུ་མཁས་པས་འདུལ་འཛིན་པར་ཡང་གྲགས།

ག༽ བསྒྱུར་ཞུས་གཏན་ལ་འབེབས་མཁན་གྱི་ལོ་པཎ།   ༡༽ སློབ་དཔོན་འདི་ཉིད་ཀྱི་གསུང་རྣམས་ལེགས་སྦྱར་གྱི་སྐད་ནས་བོད་སྐད་དུ་བསྒྱུར་ཞུས་གཏན་འབེབས་གནང་མཁན་ནི། དང་པོ། རྒྱ་གར་འཕགས་ཡུལ་གྱི་མཁན་པོ་དང་པཎྜི་ཏ་སྟེ། རྒྱ་གར་གྱི་པཎྜི་ཏ་ཞི་བ་བཟང་པོ་དང༌། རྒྱ་གར་གྱི་མཁན་པོ་སུ་བྷཱ་ཥི་ཏ། རྒྱ་གར་གྱི་མཁན་པོ་པཎྜི་ཏ་ཆེན་པོ་དཱི་པཾ་ཀ་ར་ཤྲཱི་ཛྙཱ་ན། པཎྜི་ཏ་ཆེན་པོ་གཞུང་འབུམ་ཕྲག་གཉིས་ཀྱིས་མགྲིན་པ་བརྒྱན་པ་དྷི་ར་པཱ་ལ། རྒྱ་གར་གྱི་མཁན་པོ་བིདྱཱི་ཀ་ར་པྲ་བྷཱ་བཅས་དང་།

ཁ༽ གསུང་གི་མཚན་བྱང་དང་། མཛད་བྱང་སྐོར།   དེ་ལྟར་མཁས་པ་ཐམས་ཅད་ཀྱི་གཙུག་གི་རྒྱན་དུ་གྱུར་པའི་སློབ་དཔོན་སེང་གེ་བཟང་པོའི་ཞལ་སྔ་ནས་མཛད་པའི་བསྟན་བཅོས་ལ་མཚོན་ན། བསྟན་འགྱུར་གྱི་ཤེར་ཕྱིན་དང་། སྒྲ་མདོའི་སྡེ་ཚན་གཉིས་ནང་ཆོས་ཚན་ ༥ བཞུགས་པ་ལས། དང་པོ་ཤེར་ཕྱིན་གྱི་སྐོར་ལ་བཞི་སྟེ། ༡ ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་ཉི་ཤུ་ལྔ་པ་དང་། ༢ འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བརྒྱད་སྟོང་པའི་བཤད་པའམ་མངོན་པར་རྟོགས་པའི་རྒྱན་གྱི་སྣང་བ།