དཔལ་ནཱ་ལེནྡྲ། བྱོན་པ་ལེགས།

༢༢༽ སློབ་དཔོན་ལ་ལི་ཏ་བཛྲ།   སློབ་དཔོན་ལ་ལི་ཏ་བཛྲ་སྟེ་ (Lalitavajra) བོད་སྐད་ཀྱི་མཚན་ལ་སློབ་དཔོན་རོལ་པའི་རྡོ་རྗེ་ཞེས་ཞུ་ཞིང་། ལ་ལར་ལི་ལ་བཛྲ་ཞེས་བྱུང་བ་ནི། ཇོ་ནང་རྗེ་བཙུན་ཏཱ་ར་ནཱ་ཐས་ (1575-1634) མཛད་པའི་རྒྱ་གར་ཆོས་འབྱུང་ལས[1]། དེ་རྗེས་ལཱི་ལ་བཛྲ་བྱུང་སྟེ། གཤིན་རྗེ་གཤེད་ཀྱི་གྲུབ་པ་ཐོབ་པ་ཡིན། འཇིགས་བྱེད་རོ་ལངས་བརྒྱད་སྐོར་གྱི་སྒྲུབ་ཐབས་བོད་དུ་འགྱུར་བ་ཞིག་འདུག་པ་དེ་ཡང་འདིས་མཛད་པར་སེམས།

༢༡༽ སློབ་དཔོན་སྐལ་ལྡན་གྲགས་པ།   སློབ་དཔོན་སྐལ་ལྡན་གྲགས་པ་ནི། ཇོ་ནང་རྗེ་བཙུན་ཏཱ་ར་ནཱ་ཐས་ (1575-1634) མཛད་པའི་རྒྱ་གར་ཆོས་འབྱུང་ལས[1]། འདི་ཡང་སྔགས་གཞུང་རྒྱ་མཚོའི་ཕ་རོལ་ཏུ་སོན་པ་གཅིག་ཡིན། མངོན་ཤེས་ཐོགས་མེད་དུ་མངའ་བར་གྲགས་སོ། །ཞེས་བྱུང་ལ། ཅོ་ནེ་གྲགས་པ་བཤད་སྒྲུབ་ (1675-1748) ཀྱིས་མཛད་པའི་རྒྱལ་རབས་དང་འབྲེལ་བའི་རྒྱ་བོད་ཀྱི་ཆོས་འབྱུང་དགོས་འདོད་ཀུན་འབྱུང་ལས་[2]ཀྱང་། དེའི་རྗེས་སུ་སྐལ་ལྡན་གྲགས་པ་བྱོན་ཏེ།

༢༠༽ སློབ་དཔོན་བྷ་ཝ་བྷ་དྲ།   སློབ་དཔོན་བྷ་ཝ་བྷ་དྲ་ནི། ཇོ་ནང་རྗེ་བཙུན་ཏཱ་ར་ནཱ་ཐས་ (1575-1634) མཛད་པའི་རྒྱ་གར་ཆོས་འབྱུང་ལས[1]། དེ་ཡང་སྤྱིར་ཆོས་ཐམས་ཅད་ལ་མཁས་པ། ཁྱད་པར་རྣམ་རིག་གི་གྲུབ་མཐའ་ལ་བྱང་ཞིང༌། རྒྱུད་སྡེ་ལྔ་བཅུ་ཙམ་མཁྱེན་པ་གཅིག་ཡིན་ལ། མནལ་ལམ་དུ་འཁོར་ལོ་སྡོམ་པས་བྱིན་གྱིས་བརླབས། སྒྲོལ་མ་ཞལ་གཟིགས་ཤིང༌། རིལ་བུའི་དངོས་གྲུབ་བསྒྲུབས་པས་དངོས་གྲུབ་མཐའ་མར་གྲུབ།

༡༩༽ སློབ་དཔོན་དཔལ་འཛིན།   སློབ་དཔོན་དཔལ་འཛིན་ནི། ཆ་རིས་སྐལ་བཟང་ཐོགས་མེད་ཀྱིས་བརྩམས་པའི་བོད་བརྒྱུད་ནང་བསྟན་མི་སྣའི་ཚིག་མཛོད་ལས[1]། ཕྱི་ལོའི་དུས་རབས་བཅུ་པ་ཡས་མས་སུ་བྱོན་པའི་བྲམ་ཟེའི་སློབ་དཔོན་དཔལ་འཛིན་ཞུ་བ་སྟེ། ཁོང་ནི་རྒྱལ་པོ་དྷརྨ་པཱ་ལའི་སྐུ་ཚེའི་མཇུག་ཏུ་ཡུལ་མ་ག་དྷར་བྲམ་ཟེའི་རིགས་སུ་འཁྲུངས།

༡༨༽ སློབ་དཔོན་ལངྐ་རྒྱལ་བ་བཟང་པོ།   སློབ་དཔོན་ལངྐ་རྒྱལ་བ་བཟང་པོ་ནི། མཚན་ཐོགས་ཚུལ་དང་ཡུལ་གང་དུ་སྐུ་འཁྲུངས་པ་ནི། ཇོ་ནང་རྗེ་བཙུན་ཏཱ་ར་ནཱ་ཐས་ (1575-1634) མཛད་པའི་རྒྱ་གར་ཆོས་འབྱུང་ལས[1]། རྒྱལ་པོ་མ་སུ་རཀྵི་ཏའི་དུས་སུ་ལངྒ་རྒྱལ་བ་བཟང་པོ་བྱོན་ཏེ། སློབ་དཔོན་དེ་ནི་ལངྐའི་ཡུལ་ཏེ་སིངྒ་ལར་སྐུ་འཁྲུངས།

༡༧༽ སློབ་དཔོན་མར་མེ་མཛད་བཟང་པོ།   དེ་ཡང་སློབ་དཔོན་མར་མེ་མཛད་བཟང་པོ་ནི། བླ་མ་རྡོ་རྗེ་གདན་པས་ (དུས་རབས་11པ།) མཛད་པའི་གྲུབ་ཐོབ་བརྒྱད་ཅུ་རྩ་བཞིའི་གསོལ་འདེབས་ལས[1]། རིག་པའི་གནས་ལྔ་མཁྱེན་པས་བརྒྱན། །བདག་གཞན་གཉིས་སུ་མེད་པར་མཛད། ། མར་མེ་མཛད་ཅེས་བྱ་བ་ཡི། །བླ་མ་དེ་ལ་ཕྱག་འཚལ་ལོ། །

༡༦༽ སློབ་དཔོན་སངས་རྒྱས་ཡེ་ཤེས་ཞབས།   དེ་ཡང་སློབ་དཔོན་སངས་རྒྱས་ཡེ་ཤེས་ཞབས་ནི། བླ་མ་རྡོ་རྗེ་གདན་པས་མཛད་པའི་གྲུབ་ཐོབ་བརྒྱད་ཅུ་རྩ་བཞིའི་གསོལ་འདེབས་ལས[1]། དགེ་སློང་ལུས་ལ་ཡེ་ཤེས་སྤྱན། །ཤིང་ཀུན་གནས་སུ་གསང་འདུས་གཟིགས། ། སངས་རྒྱས་ཡེ་ཤེས་ཞེས་བྱ་བའི། །བླ་མ་དེ་ལ་ཕྱག་འཚལ་ལོ། །

༡༥༽ སློབ་དཔོན་རྡོ་རྗེ་དྲིལ་བུ་པ།   དེ་ཡང་སློབ་དཔོན་རྡོ་རྗེ་དྲིལ་བུ་པ་ནི། ཡོངས་གྲགས་རྒྱ་གར་གྱི་གྲུབ་ཆེན་དྲིལ་བུ་པ་སྟེ། མཚན་གཞན་ལ་རྡོ་རྗེ་དྲིལ་བུ་པ་དང་། དགྲ་ལས་རྣམ་རྒྱལ། བློ་གྲོས་སྙིང་པོའི་དཔལ། གྲུབ་ཆེན་གཎྜི་པ་སོགས་སུ་འབོད། སྒྲ་བཤད་ནི། ཁྱེའུ་རྡོ་རྗེར་བྱས་ཤིང་བུ་མོ་དྲིལ་བུར་སོང་བ་དེ་གཉིས་ཕྱག་ཏུ་བསྣམས།

༡༤༽ སློབ་དཔོན་རྒྱལ་བའི་ལྷ།   དེ་ཡང་བྷ་བི་དེ་ཝ་སྟེ་སློབ་དཔོན་རྒྱལ་བའི་ལྷ་ནི། ཇོ་ནང་རྗེ་བཙུན་ཏཱ་ར་ནཱ་ཐས་ (1575-1634) མཛད་པའི་རྒྱ་གར་ཆོས་འབྱུང་ལས[1]། རྒྱལ་བའི་ལྷ་ཡང་གསུང་རབ་དུ་མ་ལ་མཁས་པར་བྱས་པའི་སློབ་དཔོན་ཆེན་པོ་ན་ལེནྡྲར་ཡུན་རིང་དུ་བཞུགས་པ་ཞིག་སྟེ། རྣམ་ཐར་ཞིབ་མོ་མ་ཐོས་སོ། །དེའི་ཚེ་བྱང་ཕྱོགས་ཧ་སཱ་མར་སངས་རྒྱས་ཀྱི་ཚེམས་མཆེ་བ་ཞིག་བྱོན་ཏེ།

༡༣༽ སློབ་དཔོན་ངང་ཚུལ་བཟང་པོ།   དེ་ཡང་ཤཱི་ལ་བྷ་དྲ་སྟེ་  (Silabhadra) སློབ་དཔོན་ངང་ཚུལ་བཟང་པོ་ནི། ཐང་སན་བླ་མས་ (603-664) མཛད་པའི་ཆེན་པོ་ཐང་གུར་དུས་ཀྱི་རྒྱ་གར་ཞིང་གི་བཀོད་པའི་དཀར་ཆག་གམ་ཡོངས་གྲགས་ཐན་སན་ལམ་ཡིག་ལས[1]། ནུབ་ཕྱོགས་སུ་རྒྱང་གྲགས་ཉི་ཤུ་ཙམ་ན་རི་ཆིག་སྐྱ་ཅིག་འདུག་པར་གཙུག་ལག་ཁང་ཞིག་ཡོད་པ་ནི།