པཎ་གྲུབ་ཀྱི་རྣམ་ཐར།

༄༅། །སློབ་དཔོན་ལེགས་ལྡན་འབྱེད་ཀྱི་བསྟོད་པ། ༼༸གོང་ས་༸སྐྱབས་མགོན་ཆེན་པོ་མཆོག་གིས་མཛད།༽   བདེན་པའི་དངོས་པོ་སྐྱེ་སོགས་མཐའ་བཀག་ཅིང༌། ། ཚད་མ་མཐུན་སྣང་ཕྱི་དོན་བཞེད་པ་ཡི། ། གྲུབ་མཐའ་སྲོལ་བཏོད་ཡོངས་རྫོགས་པཎྜི་ཏ། ། སློབ་དཔོན་ལེགས་ལྡན་འབྱེད་ལ་གསོལ་བ་འདེབས། ། ཟབ་མོའི་དོན་ལ་སྐྲག་པ་སྤངས་པའི་ཕྱིར། ། རང་བཞིན་མི་འགོག་ཐུན་མིན་སྡོད་ལུགས་ཚུལ། ། བཀག་ནས་འཕགས་པའི་དགོངས་པ་རང་རྒྱུད་དུ། ། འགྲེལ་མཛད་ཟླ་བྲལ་སློབ་དཔོན་ལེགས་ལྡན་འབྱེད། །

༄༅། །སློབ་དཔོན་སངས་རྒྱས་བསྐྱངས་ཀྱི་བསྟོད་པ། ༼༸གོང་ས་༸སྐྱབས་མགོན་ཆེན་པོ་མཆོག་གིས་མཛད།༽   འཕགས་པའི་དགོངས་པ་རྟེན་འབྱུང་མཐར་ཐུག་དོན། ། བཏགས་ཡོད་མིང་རྐྱང་ཙམ་གྱི་ཟབ་མོའི་གནད། ། གསལ་མཛད་གྲུབ་པ་མཆོག་གི་སར་གཤེགས་པ། ། སངས་རྒྱས་བསྐྱངས་ཀྱི་ཞབས་ལ་གསོལ་བ་འདེབས། ། ཡོད་མེད་མཐའ་བྲལ་བཀྲལ་བར་གཞུང་གི་མཆོག ། དཔལ་ལྡན་རྩ་བ་ཤེས་རབ་ཅེས་བྱའི་དོན། ། འཕགས་པའི་དགོངས་པ་ཇི་བཞིན་འགྲེལ་མཛད་པ། ། གྲུབ་མཆོག་སངས་རྒྱས་བསྐྱངས་ལ་ཕྱག་འཚལ་ལོ། །

༄༅། །ཇོ་བོ་རྗེ་དཔལ་ལྡན་ཨ་ཏི་ཤས་འབྲོམ་སྟོན་པ་རྒྱལ་བའི་འབྱུང་གནས་རང་གི་རྒྱལ་ཚབ་ཏུ་དབང་བསྐུར་བའི་རྒྱུ་མཚན་སྐོར་གླེང་བ།   [ནང་དོན་གནད་བསྡུས།] དཔྱད་རྩོམ་འདིར་ཨ་ཏི་ཤ་དང་འབྲོམ་སྟོན་པ་གཉིས་ཀྱི་རྣམ་ཐར་གཞིར་བཟུང་ཐོག ཨ་ཏི་ཤ་ཉིད་ཀྱིས་རང་གི་སློབ་མ་ཕུལ་དུ་བྱུང་བ་མང་དུ་ཡོད་པའི་ཁྲོད་ཀྱི་འབྲོམ་སྟོན་པར་སྐྱེས་བུ་གསུམ་གྱི་ལམ་གྱི་རིམ་པའི་གདམས་པ་གནང་སྟེ། རང་གི་རྒྱལ་ཚབ་ཏུ་དབང་བསྐུར་བའི་དགོས་པ་དང་རྒྱུ་མཚན། ཇོ་འབྲོམ་ཡབ་སྲས་བར་གྱི་འབྲེལ་ལམ་སོགས་ཀྱི་སྐོར་གླེང་ཡོད།

༄༅། །ས་གཅོད་ལོ་རྒྱུས་སམ་ཐུན་མོང་མ་ཡིན་པ་རིན་ཆེན་སྤུངས་པའི་བླ་མ་བརྒྱུད་པའི་ལོ་རྒྱུས།[1]   ༄༅། །བླ་མ་དམ་པ་རྣམས་ལ་ཕྱག་འཚལ་ལོ། །ཐུན་མོང་མ་ཡིན་པའི་གདམ་ངག་རིན་ཆེན་སྤུངས་པ་འདི་ལ་དོན་གསུམ། ཉན་པ་དང་། བཤད་པ་ལམ་དུ་ཁྱེར་བར་བྱ་བའི་ཆེད་དུ་ཐབས་ཀྱིས་ཟིན་པའི་གདམ་ངག་དང་། ཐེ་ཚོམ་མེད་ཅིང་ཡིད་ཆེས་པའི་གུས་པ་བརྟན་པོ་བསྐྱེད་པར་བྱ་བའི་ཆེད་དུ་བརྒྱུད་པ་ལོ་རྒྱུས་ཀྱི་གདམ་ངག་དང་། དེ་ལྟར་བརྒྱུད་པའི་གདམ་ངག་དེ་རྒྱུད་ལ་བཀལ་བར་བྱ་བའི་ཕྱིར་ལྟ་སྒོམ་སྤྱོད་གསུམ་གྱི་གདམ་ངག་གེགས་སེལ་བོགས་འདོན་དང་བཅས་ཏེ་བསྟན་པའོ།།