པཎ་གྲུབ་ཀྱི་རྣམ་ཐར།

༢༽ བསྟན་པའི་མཛེས་རྒྱན་མངོན་པ་མཛོད།   དེ་ཡང་མཁས་པའི་དབང་པོ་ལྡན་མ་དགེ་བཤེས་སྟོང་དཔོན་རིན་པོ་ཆེ་རྗེ་བཙུན་ངག་དབང་ཆོས་གྲུབ་ (1889-1949) མཆོག་གིས་མཛད་པའི་གཞུང་བཀའ་པོད་ལྔ་ཡི་སྨོན་ལམ་མཁས་པའི་ཡིད་འཕྲོག་ལས[1]། ཤེས་བྱའི་གཞི་ལྔའི་གཏམ་གྱི་དབྱིག་འཛིན་པ། ། ཆོས་མངོན་རྒྱ་མཚོ་ཐོགས་མེད་རྒྱས་པའི་གཉེན། ། སྨན་མཆོག་ལེགས་སྒྲུབ་དམ་པའི་མཛོད་ཆེན་དུ། ། རྟག་ཏུ་ལེགས་ཞུགས་སྐྱེ་ཕྲེང་སྤེལ་གྱུར་ཅིག །

༡༽ བསྟན་པའི་གཞི་མ་འདུལ་བ།   དེ་ཡང་སྒིས་སྟེང་ཡོངས་འཛིན་འཇམ་དབྱངས་བླ་མ་བློ་བཟང་དཔལ་ལྡན་ (1881-1944) གྱི་གསུང་ཐོར་བུ་ལས[1]། བསྟན་པའི་གཞུང་ཤིང་བྱམས་ཆོས་སྡེ་ལྔ། ། བསྟན་པའི་སྙིང་པོ་རྩ་འཇུག་བཞི་གསུམ། ། བསྟན་པའི་ལྕགས་རི་ཚད་མ་སྡེ་བདུན། ། བསྟན་པའི་གཞི་མ་ལུང་ཆེན་སྡེ་བཞི། ། བསྟན་པའི་མཛེས་རྒྱན་མངོན་པ་གོང་འོག ། བསྟན་པའི་ནང་མཛོད་བཀའ་གདམས་གཞུང་དྲུག[2] །

བཞི་པ། གཞུང་ཆེན་བཀའ་པོད་ལྔ་དང་པཎ་གྲུབ་བཅུ་བདུན། ༡༽ མཆོད་པར་བརྗོད་པ།   དབུ་མའི་རྒྱན་གྱུར་ཀླུ་སྒྲུབ་འཕགས་པ་ལྷ། ། སངས་རྒྱས་བསྐྱངས་དང་ལེགས་ལྡན་ཟླ་བ་གྲགས། ། ཞི་ལྷ་ཞི་འཚོ་པདྨའི་ངང་ཚུལ་ཞབས། ། ཟབ་མོ་ལྟ་བརྒྱུད་པཎ་གྲུབ་རྣམས་ལ་བསྟོད། །

གསུམ་པ། རྒྱན་དྲུག་མཆོག་གཉིས་ཀྱི་འདྲེན་ཚུལ་ལ་དཔྱད་པ། ཀ༽ ཐོག་མའི་གླེང་གཞི།   དེ་ཡང་ཡོངས་འཛིན་ཡེ་ཤེས་རྒྱལ་མཚན་ (1758-1804) གྱིས་མཛད་པའི་སེམས་དང་སེམས་བྱུང་གི་ཚུལ་གསལ་བར་སྟོན་པ་བློ་གསལ་མགུལ་རྒྱན་ལས[1]། བདེ་བར་གཤེགས་པ་ཉིད་ཀྱིས་ལུང་བསྟན་ཅིང་། ། ཟབ་དང་རྒྱ་ཆེ་ཐུབ་པའི་ལུགས་བཟང་པོ། ། གསལ་མཛད་ཤིང་རྟ་ཆེ་ཞེས་རབ་གྲགས་པ། ། འཛམ་གླིང་རྒྱན་དྲུག་མཆོག་གཉིས་ལ་ཕྱག་འཚལ། །