དཔལ་ནཱ་ལེནྡྲ། བྱོན་པ་ལེགས།
དེ་ཡང་ཅོ་ནེ་གྲགས་པ་བཤད་སྒྲུབ་ (༡༦༧༥-༡༧༤༨) ཀྱིས་མཛད་པའི་དབུ་མ་ལ་འཇུག་པའི་དགོངས་པ་ཡང་གསལ་སྒྲོན་མེ་ཞེས་བྱ་བ་ཚིག་འགྲེལ་སྤྱི་དོན་མཐའ་དཔྱོད་ཟུང་འབྲེལ་དུ་བཤད་པའི་མཆོད་བརྗོད་ལས[1]།
མཐའ་བྲལ་ལྟ་བའི་ས་འཛིན་རྩེར་གནས་ཏེ། །
རྟེན་འབྲེལ་སྟོང་པའི་ང་རོ་ཆེར་བསྒྲགས་པས། །
དངོས་འཛིན་རི་སུལ་གནས་བཅས་རི་དྭགས་ཚོགས། །
སྐྲག་མཛད་ཀླུ་སྒྲུབ་སྨྲ་བའི་སེངྒེ་རྒྱལ། །
སངས་རྒྱས་གཉིས་པའི་དགོངས་པ་ཇི་ལྟ་བར། །
འགྲེལ་ལ་འགྲན་པའི་ཟླ་བྲལ་འཕགས་པ་ལྷ། །
གྲུབ་མཆོག་སངས་རྒྱས་བསྐྱངས་དང་ཟླ་བ་གྲགས། །
ཞི་བ་ལྷ་དང་བཅས་པའི་ཞབས་ལ་འདུད། །
ཅེས་བྱུང་ངོ་།།
ཡོང་ཁུངས། [1] དབུ་མ་འཇུག་པའི་དགོངས་པ་ཡང་གསལ་སྒྲོན་མེ། ༼༡༽ གྲགས་བཤད་སྨད་ཆ། ཤིང་དཔར། ཤོག་གྲངས་ ༢ན༣