པཎ་གྲུབ་ཀྱི་རྣམ་ཐར།

ཛ༽ པཎ་གྲུབ་གསོལ་འདེབས་ཀྱི་ཚིག་འགྲེལ།   དེ་ཡང་རྒྱལ་བས་འཇམ་དཔལ་རྩ་རྒྱུད་དུ་ཇི་ལྟར་ལུང་བསྟན་པ་བཞིན་སེམས་ཙམ་པའི་ཤིང་རྟའི་སྲོལ་ཐོག་མར་ཕྱེ་བའི་ཚུལ་ལས་བརྩམས་ཏེ་སློབ་དཔོན་ཆེན་པོ་འཕགས་པ་ཐོགས་མེད་ཀྱི་ཞབས་ལ་གསོལ་བ་འདེབས་པ་ནི། ༸གོང་ས་༸སྐྱབས་མགོན་ཆེན་པོ་མཆོག་གིས་མཛད་པའི་དཔལ་ནཱ་ལེནྡྲའི་པཎ་ཆེན་བཅུ་བདུན་གྱི་གསོལ་འདེབས་དད་གསུམ་གསལ་བྱེད་ལས[1]། བྱམས་པས་རྗེས་བཟུང་ཐེག་ཆེན་སྡེ་སྣོད་ཀུན། །ལེགས་པར་སྤེལ་མཁས་རྒྱ་ཆེན་ལམ་སྟོན་ཞིང༌། ། རྒྱལ་བའི་ལུང་བཞིན་རྣམ་རིག་ཤིང་རྟའི་སྲོལ། །འབྱེད་མཛད་ཐོགས་མེད་ཞབས་ལ་གསོལ་བ་འདེབས། །

༦༽ ཐོགས་མེད་ཀྱིས་མཛད་པའི་དེ་ཉིད་རྣམ་ངེས།   དེ་ཡང་ཀུན་མཁྱེན་རོང་སྟོན་ཆོས་རྗེས་ (1367-1449) མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་འགྲེལ་པའི་རྣམ་བཤད་ཚིག་དོན་རབ་ཏུ་གསལ་བ་ལས[1]། མཁྱེན་པའི་ཆུ་འཛིན་དཀར་པོ་ལྷུན་སྟུག་ཅིང་། །རྨད་བྱུང་སྤོབས་པའི་གློག་འོད་རབ་འཁྱུག་ལ། ། ལེགས་བཤད་སྤྲིན་གྱི་རྔ་སྒྲ་མངོན་མཐོ་བའི། །འཕགས་པ་ཐོགས་མེད་སྤྲིན་གྱི་དབང་པོར་འདུད། །

༥༽ དགོངས་འགྲེལ་གྱི་འགྲེལ་པ་ཐོགས་མེད་ཀྱི་གསུང་མིན་ཚུལ།   དེ་ཡང་བུ་སྟོན་ཐམས་ཅད་མཁྱེན་པས་ (1290-1364) མཛད་པའི་བུ་སྟོན་ཆོས་འབྱུང་ལས[1]། དགོངས་འགྲེལ་གྱི་འགྲེལ་པ་ཆེན་པོ་བམ་པོ་བཞི་བཅུ་ཙམ་ཡོད་པ་འདི་ཐོགས་མེད་ཀྱིས་མཛད་ཟེར་ཏེ་མི་བདེན་ཏེ། དེའི་འཐད་པ་སྒྲུབ་པའི་རིགས་པའི་སྐབས་ནས། དེ་དག་གི་མཚན་ཉིད་རབ་ཏུ་དབྱེ་བ་ནི། དབང་ཕྱུག་དམ་པའི་མངའ་བདག་དཔལ་ལྷ་བཙན་པོ་བྱང་ཆུབ་རྫུ་འཕྲུལ་གྱིས་མཛད་པའི་བཀའ་ཡང་དག་པའི་ཚད་མ་ལས་བྱུང་བ་བཞིན་དུ་བལྟ་བར་བྱའོ། །[2]

༤༽ ཐོགས་མེད་ཀྱིས་བསྟན་བཅོས་མཛད་ཡུལ།   དེ་ཡང་འབྲི་གུང་ཆེ་ཚང་དཀོན་མཆོག་རིན་ཆེན་ (1590-1654) གྱིས་མཛད་པའི་འཕགས་པ་རྒྱན་དྲུག་མཆོག་གཉིས་ལ་བསྟོད་པ་རྨད་བྱུང་བློ་གྲོས་ཀྱི་གཏེར་མཛོད་ལས[1]། མི་ཕམ་མགོན་པོའི་ཞལ་གྱི་བདུད་རྩིའི་བཅུད། །རོ་ཡིས་ཀུན་ནས་མྱོས་ནས་གྲོལ་ཚུལ་བསྟན། ། འགྲོ་ཀུན་རྒྱ་ཆེན་སྤྱོད་པའི་ལམ་བཟང་དེར། །ཐོགས་མེད་འགོད་མཛད་ཁྱོད་ལ་ཕྱག་འཚལ་ལོ། །