པཎ་གྲུབ་ཀྱི་རྣམ་ཐར།

ན༽ ཤཱཀྱ་འོད་ཀྱིས་བསྒྱུར་ཞུས་གཏན་འབེབས་མཛད་པ།   དེ་ཡང་པཎ་ཆེན་སྐུ་ཕྲེང་དགུ་པ་བློ་བཟང་ཐུབ་བསྟན་ཆོས་ཀྱི་ཉི་མས་ (1883-1937) མཛད་པའི་འཛམ་གླིང་མཛེས་བྱེད་རྒྱན་དྲུག་མཆོག་གཉིས་སོགས་འཕགས་བོད་ཀྱི་པཎ་གྲུབ་ཆེན་པོ་འགའ་ཞིག་ལ་གསོལ་བ་འདེབས་པའི་རིམ་པར་ཕྱེ་བ་ཕུལ་བྱུང་དོན་ལྡན་ལས[1]། མང་ཐོས་ཚུལ་ལྡན་རྒྱ་མཚོར་གནས་བཅས་ཤིང་། ། བག་ཡོད་བསླབ་གསུམ་གདེངས་ཀ་རབ་ཏུ་བརྗིད། ། རྣམ་གྲོལ་ནོར་བུའི་ཏོག་གིས་མངོན་མཛེས་པ། ། ཀླུ་དབང་ཤཱཀྱ་འོད་ལ་གསོལ་བ་འདེབས། །

ད༽ སུམ་བརྒྱ་པ་རྩ་འགྲེལ་གྱི་གཞུང་ཚད་དང་ལུང་རྒྱུན།   དེ་ཡང་རྫོགས་ཆེན་མཁན་ཆེན་ཡོན་ཏན་མགོན་པོས་ (1899-1959) མཛད་པའི་རྒྱན་དྲུག་མཆོག་གཉིས་ལ་བསྟོད་པ་ཨུ་དུམ་ཝ་རའི་ཆུན་འཕྱང་ལས[1]། བསླབ་གསུམ་གསེར་གྱི་ཁང་བཟང་ལ་གནས་པའི། ། ཡོན་ཏན་རིན་ཆེན་དུ་མའི་མཛོད་ཆེན་པོ། ། བསྟན་འགྲོའི་རྒུད་པ་སེལ་བའི་དཔལ་ཡོན་ཏན། ། མཚུངས་མེད་ཤཱཀྱ་འོད་ལ་གུས་པས་བསྙེན། །

ཐ༽ བསྟན་བཅོས་སུམ་བརྒྱ་པ་རྩ་འགྲེལ་གྱི་བརྗོད་བྱ།   དེ་ཡང་མང་དུ་ཐོས་པའི་སློབ་དཔོན་ཤཱཀྱ་འོད་ཀྱིས་མཛད་པའི་འཕགས་པ་གཞི་ཐམས་ཅད་ཡོད་པར་སྨྲ་བའི་དགེ་ཚུལ་གྱི་ཚིག་ལེའུར་བྱས་པའི་མཛད་བྱང་ལས[1]། གང་ཞིག་གནང་མེད་དེ་བཞིན་བཀག་མེད་པ། ། དེ་ནི་གསུངས་པའི་རྗེས་མཐུན་བརྟགས་ཏེ་གཟུང༌། ། འདུལ་བ་མདོར་བསྡུས་ཞེས་བྱའི་སྒྲོན་མ་དང༌། ། འདྲ་བར་གཞན་འདི་བདེ་བར་གཤེགས་པས་གསུངས། །

ཏ༽ ཁ་ཆེར་བསྟན་འགྲོའི་དོན་ཇི་ལྟར་མཛད་ཚུལ།   སློབ་དཔོན་ཤཱཀྱ་འོད་ཀྱིས་བསྟན་པ་དང་འགྲོ་བའི་དོན་ཇི་ལྟར་མཛད་པའི་ཚུལ་ནི། དགེ་སློང་ཤནྟིའི་མིང་ཅན་ཏེ་དཀའ་ཆེན་བློ་བཟང་བཟོད་པས་ (1922-1995) མཛད་པའི་རྒྱན་དྲུག་མཆོག་གཉིས་ཀྱི་བསྟོད་འགྲེལ་དད་ལྡན་དགའ་བསྐྱེད་ལས[1]། ཤཱཀྱ་སེངྒེའི་བསྟན་ལ་རབ་ཞུགས་ཏེ། ། འདུལ་མངོན་མདོ་སྡེ་སྡེ་སྣོད་མང་དུ་ཐོས། ། ཁྲིམས་དང་ཏིང་འཛིན་ཤེས་རབ་ཀྱིས་ཕྱུག་པའི། ། ཤཱཀྱ་འོད་ཀྱི་ཞབས་ལ་ཕྱག་འཚལ་ལོ། །