པཎ་གྲུབ་ཀྱི་རྣམ་ཐར།

ཕ༽ མངོན་ཤེས་ཐོགས་མེད་མངའ་ཚུལ།   ཡོངས་འཛིན་ཡེ་ཤེས་རྒྱལ་མཚན་ (1713-1793) གྱིས་མཛད་པའི་ལམ་རིམ་བླ་མ་བརྒྱུད་པའི་རྣམ་ཐར་ལས[1]། མངོན་པར་ཤེས་པ་ཐོགས་མེད་མངའ་བ་ཡིན་ཏེ། མུ་སྟེགས་ཀུ་མ་རི་ཀ་ན་རེ། སློབ་དཔོན་ལ་མངོན་ཤེས་ཡོད་པ་མི་བདེན་ཡོང་། བདེན་ན་བརྒྱ་བྱིན་ད་ལྟ་ཅི་བྱེད་དྲིས་པས། སློབ་དཔོན་གྱི་གསུང་ནས་བརྒྱ་བྱིན་དངོས་ནི་སུམ་ཅུ་རྩ་གསུམ་ན་ཡོད་ལ། སྤྲུལ་པ་གཅིག་དགའ་ལྡན་ན་བྱམས་པ་ལ་ཆོས་ཉན་གྱི་ཡོད་གསུངས་པས།

པ༽ ནགས་མེས་མི་འཚིག་པའི་མཛད་པ།   དེ་ཡང་ཡོངས་འཛིན་ཡེ་ཤེས་རྒྱལ་མཚན་ (1713-1793) གྱིས་མཛད་པའི་ལམ་རིམ་བླ་མ་བརྒྱུད་པའི་རྣམ་ཐར་ལས[1]། ཡང་སློབ་དཔོན་ནགས་ན་སྒོམ་གྱིན་བཞུགས་པ་ལ་ནགས་ལ་མེ་ཤོར་བའི་ཚེ། ནཱ་ལནྡྲ་པ་ལ་སོགས་པའི་ཡུལ་མི་རྣམས་ཀྱིས་བལྟར་ཕྱིན་པས། ཤིང་གི་ལྷ་མོ་ཞིག་གིས་རོ་སྟོད་བཏོན་ནས། བྱམས་མགོན་སྙིང་རྗེའི་བློ་ཅན་ཉིད། །མེ་ཡིས་མི་འཚིག་ཆུས་མི་འཁྱེར། ། རླུང་གིས་འཐོར་བར་ག་ལ་ནུས། །[2]

ན༽ རྡོའི་སེངྒེས་ཏུ་རུཥྐའི་དམག་བཟློག་ཚུལ།   དེ་ཡང་རྫོང་གསར་མཁྱེན་བརྩེ་འཇམ་དབྱངས་ཆོས་ཀྱི་བློ་གྲོས་ (1893-1959) ཀྱིས་མཛད་པའི་སློབ་དཔོན་ཟླ་བ་གྲགས་པ་ལ་བསྟོད་པ་ཀུན་དགའི་དབྱངས་སྙན་ལས[1]། བསྟན་ལ་སྡང་བའི་དུ་རུ་ཀའི་དམག་ཚོགས། །སྟོབས་ལྡན་རྡོ་ཡི་གཉིས་འཐུང་ལ་ཞོན་ནས། ། ཕྱིར་བཟློག་མཛད་ཚེ་རང་གཞན་གནོད་འཚེ་བྲལ། །ངོ་མཚར་བྱམས་པའི་ཆོ་འཕྲུལ་སྟོན་ལ་འདུད། །

ད༽ ཚུལ་ཁྲིམས་གཙང་བས་སོལ་བ་ལས་ཡལ་ག་རྫོགས་ཚུལ།   དེ་ཡང་ཡོངས་འཛིན་ཡེ་ཤེས་རྒྱལ་མཚན་ (1713-1793) གྱིས་མཛད་པའི་ལམ་རིམ་བླ་མ་བརྒྱུད་པའི་རྣམ་ཐར་ལས[1]། ཡང་རང་རྒྱུད་ལ་ཚུལ་ཁྲིམས་ཀྱི་ཕུང་པོ་ཤིན་ཏུ་ནི་གཙང་ཞིང་ཉེས་བྱས་ཕྲ་མོ་ཙམ་གྱིས་མ་གོས་པས་རྣམ་པར་དག་པའི་མཐུས་སོལ་བས་ཀྱང་ལྗོན་ཤིང་རྫོགས་ཏེ་ཡལ་ག་དང་མེ་ཏོག་འབྲས་བུ་སྨིན་པར་བྱེད་པའི་ངོ་མཚར་བའི་རྣམ་ཐར་བྱུང་བ་ནི། དཔལ་ལྡན་ཟླ་བ་གྲགས་པའི་བསྟོད་པ་ངོ་མཚར་ཚིགས་བཅད་མ་ལས[2]།