པཎ་གྲུབ་ཀྱི་རྣམ་ཐར།

ཐ༽ རི་མོའི་བ་ལས་འོ་མ་བཞོས་ཏེ་བསྙེན་བཀུར་ཞུས་ཚུལ། དེ་ཡང་རྫོང་གསར་མཁྱེན་བརྩེ་འཇམ་དབྱངས་ཆོས་ཀྱི་བློ་གྲོས་ (1893-1959) ཀྱིས་མཛད་པའི་སློབ་དཔོན་ཟླ་བ་གྲགས་པ་ལ་བསྟོད་པ་ཀུན་དགའི་དབྱངས་སྙན་ལས[1]། སྣང་སྲིད་ཆོས་ཀུན་བདེན་མེད་སྒྱུ་མར་སྟོན། །རི་མོར་བྲིས་པའི་བ་ལས་འོ་མ་འཇོས། ། སྟོང་དང་རྟེན་འབྱུང་བརྡ་ཡིས་དངོས་ཞེན་བཟློག །རྣལ་འབྱོར་དབང་ཕྱུག་ཆེན་པོའི་ཞབས་ལ་འདུད། །

ཏ༽ སྐུ་འཁྲུངས་ཤིང་རབ་ཏུ་བྱུང་ཚུལ།   དེ་ཡང་བ་སོ་ལྷ་དབང་ཆོས་ཀྱི་རྒྱལ་མཚན་ (1537-1603/1605) གྱིས་མཛད་པའི་དཔལ་ལྡན་ཟླ་བ་གྲགས་པའི་རྣམ་ཐར་དང་མཐུན་པར་མདོ་ཙམ་དུ་བསྟོད་པ་ཟླ་བའི་འོད་ཟེར་དྭངས་པའི་ཀུ་མུད་བཞད་པའི་དཔལ་སྟེར་ལས[1]། སོ་མ་ན་ཞེས་ལྷོ་ཕྱོགས་ས་ཡི་ཆར། །ལེགས་འཁྲུངས་དཔལ་མགོན་འཕགས་པ་ཀླུ་སྒྲུབ་དང་། ། ཨཱརྱ་དེ་ཝའི་གསུང་ལ་རབ་སྦྱངས་པས། །མཁས་པའི་ཕ་རོལ་ཕྱིན་པ་ཁྱོད་ཕྱག་འཚལ། །

ཉ༽ ཟླ་གྲགས་གསར་རྙིང་དང་ཆེ་ཆུང་གི་བཞེད་ཚུལ།   དེ་ལྟར་ཟླ་གྲགས་ཀླུ་སྒྲུབ་ཀྱི་དངོས་སློབ་ཡིན་པར་འདོད་མཁན་གྱི་ལུགས་གཅིག་དང་། དངོས་སློབ་མིན་པར་འདོད་མཁན་གྱི་ལུགས་གཅིག་བཅས་ཡོད་ལ། དེ་ལ་བརྟེན་ནས་དུས་རབས་དང་པོ་གཉིས་པ་ཙམ་ལ་བྱོན་པའི་ཀླུ་སྒྲུབ་ཀྱི་དངོས་སློབ་ཏུ་གྱུར་པའི་སྒྲོན་གསལ་མཛད་པ་པོའི་དཔལ་ལྡན་ཟླ་གྲགས་གཅིག་དང་། འཇུག་པ་རང་འགྲེལ་མཛད་མཁན་གྱི་དུས་རབས་བདུན་པར་བྱོན་པའི་དཔལ་ལྡན་ཟླ་གྲགས་གཅིག་བཅས་ཟླ་གྲགས་སྔ་ཕྱི་གཉིས་བྱོན་པར་འདོད་མཁན་ཡོད།

ཇ༽ ཟླ་གྲགས་ཀླུ་སྒྲུབ་ཀྱི་དངོས་སློབ་ཡིན་མིན། ༡༽ དངོས་སློབ་མིན་པའི་བཞེད་ལུགས། ༡) རྒྱ་གར་མཁས་པའི་བཞེད་པ།   དེ་ཡང་པཎྜི་ཏ་རྒྱ་གར་མངོན་ཤེས་ཅན་བླ་མ་རྡོ་རྗེ་གདན་པས་ (དུས་རབས་11པ།) མཛད་པར་གྲགས་པའི་དཔལ་ལྡན་ཟླ་བ་གྲགས་པའི་བསྟོད་པ་ངོ་མཚར་ཚིགས་བཅད་མ་ལས[1]། དཔལ་ལྡན་ཟླ་བ་གྲགས་པ་ཡིས། །ཀླུ་སྒྲུབ་ཡབ་སྲས་དགོངས་པའི་མཐིལ། ། མཁས་པ་སྟོང་གིས་མ་དཔོག་པ། །ཇི་བཞིན་གསལ་བ་ངོ་མཚར་ཆེ། །