དཔལ་ནཱ་ལེནྡྲ། བྱོན་པ་ལེགས།

༢༤༽ ལོ་ཙཱ་བ་བསོད་ནམས་རྒྱ་མཚོའི་སྡེ།   དེ་ཡང་སྤྱན་སྔ་བ་ཆོས་ཀྱི་གྲགས་པ་ཡེ་ཤེས་དཔལ་བཟང་པོས་ (1453-1524) མཛད་པའི་ རྗེ་བཙུན་ལོ་ཙཱ་བ་ཆེན་པོ་བསོད་ནམས་རྒྱ་མཚོའི་སྡེ་ལ་བསྟོད་པ་བྱིན་རླབས་ཀྱི་དགའ་སྟོན་ལས[1]། ཕུལ་བྱུང་བསོད་ནམས་ཡེ་ཤེས་ཟག་མེད་ཀྱིས། ། མངོན་པར་བསྐྲུན་ལས་སྙིང་རྗེའི་རྒྱ་མཚོ་ནི། ། གཞན་ངོར་སྤྲུལ་པའི་སྣང་བརྙན་ཅིར་ཡང་འཆར། ། བཟོ་དང་སྐྱེ་དང་བྱང་ཆུབ་ཆེན་པོར་སྟོན། །

༢༣༽ རྩེ་ཐང་ལོ་ཙཱ་བ་གཞོན་ནུ་དཔལ།   རྩེ་ཐང་ལོ་ཙཱ་བ་གཞོན་ནུ་དཔལ་ནི། ཕྱི་ལོའི་དུས་རབས་བཅོ་ལྔ་པའི་དུས་སྟོད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། དགུང་ལོ་ཆུང་ངུའི་དུས་ནས་རྩེད་ཐང་དགོན་པའི་ཆོས་གྲྭར་ཞུགས་ནས་རབ་བྱུང་དང༌། དགེ་ཚུལ། དགེ་སློང་བཅས་ཀྱི་སྡོམ་པ་རྣམས་རིམ་གྱིས་བཞེས་ཏེ་མདོ་སྔགས་གཉིས་ཀའི་ཆོས་གཞུང་ལ་ཐོས་བསམ་རྨད་དུ་བྱུང་བ་མཛད་ཅིང་། དེ་ནས་ལེགས་སྦྱར་གྱི་སྐད་ཡིག་ལ་སློབ་གཉེར་ཕུལ་དུ་ཕྱིན་པ་མཛད་དེ།

༢༢༽ ཆོས་འཁོར་ལོ་ཙཱ་བ་འཇམ་དཔལ་ཡེ་ཤེས།   ཆོས་འཁོར་ལོ་ཙཱ་བའམ་སྟག་ཚང་ལོ་ཙཱ་བ་འཇམ་དཔལ་ཡེ་ཤེས་མཆོག་ནི། ཕྱི་ལོའི་དུས་རབས་བཅུ་བཞི་པའི་དུས་སྨད་ཙམ་དུ་སྐུ་འཁྲུངས་པའི་སྙན་གྲགས་ཅན་གྱི་ལོ་ཙཱ་བ་ཞིག་ཡིན། རྗེ་འདིས་པཎ་གྲུབ་མང་པོའི་ཞབས་ལ་གཏུགས་ནས་མདོ་སྔགས་རིག་གནས་དང་བཅས་པར་ཐོས་བསམ་རྨད་དུ་བྱུང་བར་མཛད་ཅིང་། དེ་ནས་བལ་ཡུལ་དང་། འབྲས་ལྗོངས།

༢༡༽ ལོ་ཙཱ་བ་གླན་ཆུང་དར་མ་ཚུལ་ཁྲིམས།   བོད་ཀྱི་ལོ་ཙཱ་བ་གླན་ཆུང་དར་མ་ཚུལ་ཁྲིམས་ནི། ཕྱི་ལོའི་དུས་རབས་བཅུ་བཞི་པའི་དུས་སྨད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། དགུང་ལོ་ཆུང་ངུའི་དུས་ནས་བསྟན་པའི་ཆོས་སྒོར་ཞུགས་ཏེ་རབ་བྱུང་དང་། དགེ་ཚུལ། དགེ་སློང་གི་སྡོམ་པ་བཞེས་ཤིང་། འདུལ་བའི་ཆོས་གཞུང་སོགས་ལ་ཐོས་བསམ་མཛད། དེ་ནས་ལེགས་སྦྱར་གྱི་སྐད་ཡིག་ལ་སྦྱངས་པ་དཔྱིས་ཕྱིན་པ་མཛད་ཅིང་། བསྟན་བཅོས་མང་པོ་བོད་ཡིག་ཏུ་བསྒྱུར་བར་མཛད།[1]

༢༠༽ ལོ་ཙཱ་བ་ཚུལ་ཁྲིམས་གཞོན་ནུ།   ལོ་ཙཱ་བ་ཚུལ་ཁྲིམས་གཞོན་ནུ་ནི། ཕྱི་ལོའི་དུས་རབས་བཅུ་བཞི་པའི་དུས་དཀྱིལ་ཙམ་དུ་སྐུ་འཁྲུངས་པའི་སྙན་གྲགས་ཅན་གྱི་ལོ་ཙཱ་བ་ཞིག་སྟེ། པཎ་གྲུབ་མང་པོའི་ཞབས་ལ་གཏུགས་ནས་མདོ་སྔགས་རིག་གནས་དང་བཅས་པར་ཐོས་བསམ་ལེགས་པར་མཛད་ཅིང་། དེ་ནས་ལེགས་སྦྱར་གྱི་སྐད་ཡིག་ལ་སྦྱངས་པ་ཕུལ་དུ་ཕྱིན་པ་མཛད་དེ་བསྟན་བཅོས་མང་པོ་ཞིག་བོད་ཡིག་ཏུ་བསྒྱུར་བར་མཛད།[1] ལོ་ཙཱ་བ་འདི་ཉིད་ཀྱི་འགྱུར་ལ།

༡༨༽ ལོ་ཙཱ་བ་སྣར་ཐང་པུཎྱ་རསྨི།   ལོ་ཙཱ་བ་སྣར་ཐང་པུཎྱ་རསྨི་ནི། ཕྱི་ལོའི་དུས་རབས་བཅུ་གསུམ་པའི་ནང་སྐུ་འཁྲུངས་པའི་ལོ་ཙཱ་བ་ཞིག་སྟེ། མཚན་གཞན་ལ་བསོད་ནམས་འོད་ཟེར་ཡང་ཞུ། སྐུ་ན་ཆུང་ངུའི་དུས་སུ་དཔལ་ལྡན་སྣར་ཐང་གི་ཆོས་སྒོར་ཞུགས་ནས་རབ་ཏུ་བྱུང་ཞིང་། མདོ་སྔགས་ཀྱི་གཞུང་ལ་ཐོས་བསམ་མཛད། ལེགས་སྦྱར་གྱི་སྐད་ཡིག་ལ་བྱང་ཆུབ་པར་སྦྱངས་པ་མཛད་དེ་སྔགས་ཀློག་ཐབས་བསྡུས་པ་མཛད་དོ།།

༡༧༽ ལོ་ཙཱ་བ་བནྡེ་ལེགས་པའི་བློ་གྲོས།   ལོ་ཙཱ་བ་བནྡེ་ལེགས་པའི་བློ་གྲོས་ནི། ཕྱི་ལོའི་དུས་རབས་བཅུ་གསུམ་པའི་དུས་སྨད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། དགུང་ལོ་ཆུང་ངུའི་དུས་ནས་བསྟན་པའི་ཆོས་སྒོར་ཞུགས་ཏེ་རབ་བྱུང་དང་། དགེ་ཚུལ། དགེ་སློང་བཅས་ཀྱི་སྡོམ་པ་རིམ་གྱིས་བཞེས་ཏེ། འདུལ་བའི་ཆོས་གཞུང་སོགས་ལ་ཐོས་བསམ་མཛད། དེ་ནས་ལེགས་སྦྱར་གྱི་སྐད་ཡིག་ལ་བྱང་ཆུབ་པར་སྦྱངས་ཏེ་བསྟན་བཅོས་འགའ་ཞིག་བོད་ཡིག་ཏུ་བསྒྱུར་བར་མཛད།

༡༦༽ ལོ་ཙཱ་བ་དགེ་སློང་ཡེ་ཤེས་བཟང་པོ།   བོད་ཀྱི་རྦ་ལོ་ཙཱ་བ་དགེ་སློང་ཡེ་ཤེས་བཟང་པོ་ནི། ལོ་ཙཱ་བ་འདི་ནི་ཕྱི་ལོའི་དུས་རབས་བཅུ་གཉིས་པའི་དུས་སྨད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། དགུང་ལོ་ཆུང་ངུའི་དུས་ནས་བསྟན་པའི་ཆོས་སྒོར་ཞུགས་ཤིང་རབ་བྱུང་དང་། དགེ་ཚུལ། དགེ་སློང་བཅས་ཀྱི་སྡོམ་པ་རྣམས་རིམ་གྱིས་བཞེས་ཏེ་འདུལ་བའི་ཆོས་གཞུང་སོགས་ལ་ཐོས་བསམ་ལེགས་པར་མཛད།

༡༥༽ ལོ་ཙཱ་བ་བནྡེ་ལྡི་རི་ཆོས་གྲགས།   བོད་ཀྱི་ལོ་ཙཱ་བ་བནྡེ་ལྡི་རི་ཆོས་གྲགས་སམ། ཁམས་པ་ལྡི་རི་ཆོས་གྲགས་ནི། ཕྱི་ལོའི་དུས་རབས་བཅུ་གཉིས་པའི་དུས་སྟོད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་ཡིན་ཅིང་། རྗེ་འདིས་པཎ་གྲུབ་མང་པོའི་ཞབས་ལ་གཏུགས་ནས་མདོ་སྔགས་རིག་གནས་དང་བཅས་པར་ཐོས་བསམ་ནན་ཏན་མཛད་ཅིང་། དེ་ནས་ལེགས་སྦྱར་གྱི་སྐད་ཡིག་ལ་སྦྱངས་པ་ཕུལ་དུ་ཕྱིན་པ་མཛད་དེ་བསྟན་བཅོས་གཅིག་ཙམ་བོད་ཡིག་ཏུ་བསྒྱུར་བར་མཛད།[1]

༡༤༽ ལོ་ཙཱ་བ་ཆེན་པོ་ཁུ་མདོ་སྡེ་འབར།   ལོ་ཙཱ་བ་ཆེན་པོ་ཤཱཀྱའི་དགེ་སློང་ཁུ་མདོ་སྡེ་འབར་ནི། ཕྱི་ལོའི་དུས་རབས་བཅུ་གཅིག་པའི་དུས་སྨད་ཙམ་དུ་སྐུ་འཁྲུངས་ཤིང་། ཤ་ར་བ་ཡོན་ཏན་གྲགས་ (1070-1141) དང་དུས་མཉམ། ཐོག་མར་བོད་ཡུལ་ནས་སློབ་གཉེར་མཛད་ཐོག་དེ་ནས་ཁ་ཆེ་དང་། བལ་ཡུལ། རྒྱ་གར་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ནས་རྒྱ་གཞུང་དང་རྒྱ་ཡིག་བཅས་ལ་སྦྱངས་པ་དཔྱིས་ཕྱིན་པ་མཛད་དེ།