དཔལ་ནཱ་ལེནྡྲ། བྱོན་པ་ལེགས།

སློབ་དཔོན་ཀླུའི་བཤེས་གཉེན་གྱི་རྣམ་ཐར།   དེ་ཡང་སློབ་དཔོན་འདིའི་ལེགས་སྦྱར་མཚན་ལ་ (Nagamitra) དང་། བོད་སྐད་དུ་ཀླུའི་བཤེས་གཉེན་ཞེས་ཞུ་ཞིང་། རྒྱ་གར་ཆོས་འབྱུང་ལས། རྒྱལ་པོ་སངས་རྒྱས་ཕྱོགས་དང༌། དེའི་རྗེས་སུ་དྷརྨཱ་ཙནྡྲའི་ཚ་བོ་ཀརྨ་ཙནྡྲ་ཞེས་བྱ་བ་བྱུང་སྟེ། དེ་དག་གི་རིང་ལ་སློབ་དཔོན་དགའ་བྱེད་སྙན་པ་དང༌། སློབ་དཔོན་རྟ་དབྱངས་ཆུང་བ་དང༌། སྒྲ་གཅན་འཛིན་བཟང་པོའི་སློབ་མ་སྒྲ་གཅན་འཛིན་བཤེས་གཉེན་ཡིན་ལ། དེའི་སློབ་མ་ཀླུའི་བཤེས་གཉེན་རྣམས་བྱུང་སྟེ། དེ་དག་གིས་ཐེག་པ་ཆེན་པོ་དར་བར་མཛད་དོ། །

༄༅། །ཕྱི་ལོ་ ༢༠༢༠ ཟླ་བ་ ༡༡ ཚེས་ ༧ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་རཱ་ཤི་ཡའི་དད་ལྡན་ཆོས་ཞུ་བས་ཇི་ལྟར་གསོལ་བ་བཏབ་པ་ལྟར་མགོན་པོ་ཀླུ་སྒྲུབ་ཀྱིས་མཛད་པའི་བྱང་ཆུབ་སེམས་འགྲེལ་གྱི་ཆོས་འབྲེལ་བཀའ་དྲིན་སྩལ་བ་ལས།   ཁལ་མུག་ཏུ་གཙུག་ལག་ཁང་དང་པཎ་གྲུབ་བཅུ་བདུན་གྱི་སྐུ་བརྙན་བཞེངས་པ་ནས་ད་ལན་མགོན་པོ་ཀླུ་སྒྲུབ་ཀྱི་འདྲ་སྐུ་མཇལ་རྒྱུ་བྱུང་བ་རེད། ཁལ་མུག་གནམ་གཤིས་གྲང་མོ་ཡིན་སྟབས་མགོན་པོ་ཀླུ་སྒྲུབ་སྐུ་བསིལ་གྱི་མེད་དམ་སྙམ་པ་དྲན་བྱུང་།

༄༅། །བསྐལ་བཟང་རྣམ་འདྲེན་བཞི་པ་ཀུན་མཁྱེན་ཉི་མའི་གཉེན་གྱི་བཀའི་དགོངས་དོན་ རྣམ་པར་འགྲེལ་པའི་བསྟན་བཅོས་བོད་གངས་ཅན་གྱི་སྐད་དུ་འགྱུར་རོ་ འཚལ་གྱི་མཚན་བྱང་དཀར་ཆག་ཏུ་བཀོད་པ་ཡིད་བཞིན་ནོར་བུའི་ འཕྲེང་བ་ཞེས་བྱ་བ་བཞུགས་སོ། །   རླབས་ཆེན་ཐུགས་བསྐྱེད་གོ་ཆ་བརྟན་པོ་ཡིས། ། མི་མཇེད་ཞིང་འདི་བདག་གིར་བཞེས་པའི་ཚེ། ། རྒྱལ་དང་དེ་སྲས་ཚོགས་ཀྱིས་པད་དཀར་ལྟར། ། ཡོངས་བསྔགས་འདྲེན་པ་མཆོག་དེས་དགེ་ལེགས་སྩོལ། །

༄༅། །ཇོ་བོ་ཨ་ཏི་ཤའི་བསྟོད་མགུར་བཞུགས་སོ།།[1]   རྗེ་བཙུན་བློ་བཟང་ཆོས་ཀྱི་རྒྱལ་མཚན་ (1570-1662) གྱིས་མཛད།   ན་མོ་གུ་རུ་མཉྫུ་གྷོ་ཥཱ་ཡ། རྗེ་མི་ཕམ་ཆོས་ཀྱི་མདུན་སའི་རྒྱན། །ལྷ་སྐལ་ལྡན་གྲངས་མེད་ཡོངས་ཀྱི་མགོན། །དཔལ་ནམ་མཁའ་དྲི་མ་མེད་པའི་ཞབས། །མི་བདག་སྙིང་པདྨོའི་ཟེའུ་འབྲུར་གཞོག །ཞིང་བདེ་བ་ཅན་ན་འོད་དཔག་མེད། །རྗེ་རྒྱལ་བའི་སྤྱན་སྔར་བཟང་པོ་སྐྱོང་། །ཡོངས་ལྔ་རིག་པཎ་ཆེན་ཀུན་གྱི་གཙོ། །ཐུགས་བརྩེ་བས་གཟིགས་ཤིག་ཨ་ཏི་ཤ །

པཎ་གྲུབ་བཅུ་བདུན་གྱི་བསྟན་བཅོས་སྒྲ་སྒྱུར་གནང་མཁན་གྱི་ལོ་ཙཱ་བ་ ༨༩ མཚན་གཞུང་།   ༡༽ མགོན་པོ་ཀླུ་སྒྲུབ་ཀྱི་གསུང་གི་སྒྱུར་བྱེད་ལོ་ཙཱ་བ་རྣམས་ནི།   ༡༽  ལོ་ཙཱ་བ་ངན་ལམ་རྒྱལ་བ་མཆོག་དབྱངས། ༢༽  ལོ་ཙཱ་བ་གླང་དཔལ་གྱི་སེངྒེ་། ༣༽  ལོ་ཙཱ་བ་རྙི་བ་དེ་ཝ་གྷོ་ཥ། ༤༽  ལོ་ཙཱ་བ་སཱུརྱ་ཀཱིརྟི། ༥༽  ལོ་ཙཱ་བ་མལ་གྱོ་བློ་གྲོས་གྲགས། ༦༽  ལོ་ཙཱ་བ་བནྡེ་གཞོན་ནུ་ཤེས་རབ། ༧༽  ལོ་ཙཱ་བ་དགེ་སློང་གཞོན་ནུ་ཚུལ་ཁྲིམས། ༨༽  རྡོ་ལོ་ཙཱ་བ་དགེ་སློང་དར་མ་རིན་ཆེན། ༩༽  ལོ་ཙཱ་བ་འབྲོ་ཤེས་རབ་གྲགས། ༡༠༽  ལོ་ཙཱ་བ་རབ་ཞི་བཤེས་གཉེན། ༡༡༽  ལོ་ཙཱ་བ་དིང་རི་ཆོས་གྲགས། ༡༢༽  ལོ་ཙཱ་བ་ཡར་ལུང་པ་སེངྒེ་རྒྱལ་མཚན། ༡༣༽  ལོ་ཙཱ་བ་རྩ་མི་སངས་རྒྱས་གྲགས་པ།

ལྷོ་བྲག་མར་པ་ལོ་ཙཱ་བ་ཆོས་ཀྱི་བློ་གྲོས་ཀྱི་རྣམ་ཐར། ལྷོ་བྲག་མར་པ་ལོ་ཙཱ་བ་ཆོས་ཀྱི་བློ་གྲོས་མཆོག་ནི། རྗེ་མར་པ་ལོ་ཙཱ་བ་རང་ཉིད་ཀྱིས་བསྒྱུར་བའི་འགྱུར་བྱང་དུ་དྷརྨ་བློ་གྲོས་ཞུ་སྲོལ་ཀྱང་འདུག ཁོང་ཉིད་ཀྱི་འཁྲུངས་ལོ་ལ་དཔའ་བོ་གཙུག་ལག་ཕྲེང་བས་བརྩམས་པའི་རྣམ་ཐར་དུ། རྣམ་ཐར་སྔ་རབས་མ་གཅིག་ཏུ་ཆུ་ཕོ་རྟ་ལོ་ཟླ་བ་བཅུ་གཅིག་པའི་ཚེས་བཅོ་ལྔ་སྐར་མ་རྒྱལ་ལ་འཁྲུངས་པར་བཤད་ཀྱང་། དེ་ལྟ་ན་ཇོ་བོ་རྗེ་དང་དགུང་གྲངས་མཉམ་པར་འགྱུར་བས་མ་དག་པར་སེམས།

ཇོ་བོ་རྗེའི་བླ་མ་གསེར་གླིང་པ་ཆོས་ཀྱི་གྲགས་པའི་རྣམ་ཐར། (གསེར་གླིང་ནི་ཨིན་ཌུ་ནི་ཤི་ཡ་ལའོ།།) རོང་སྟོན་ཤེས་བྱ་ཀུན་རིག་ཤཱཀྱ་རྒྱལ་མཚན་ (1367-1449) གྱིས་མཛད་པའི་བླ་མ་གསེར་གླིང་པ་ལ་བསྟོད་པ་བྱིན་རླབས་ཀྱི་གཏེར་མཛོད་ལས[1]། རིན་ཆེན་གསེར་གྱི་གླིང་དུ་སྐུ་འཁྲུངས་ཤིང་། །བསླབ་གསུམ་རིན་ཆེན་མཆོག་གི་རྒྱན་གྱིས་སྤྲས། ། གྲགས་པའི་འོད་ཟེར་ཕྱོགས་བཅུར་རབ་འཕྲོ་བ། །རིག་གནས་ཀུན་ལ་བློ་གྲོས་སྤྱན་སྟོང་རྒྱས། །

༄༅། །ཐུབ་པའི་མཛད་པ་བཅུ་གཉིས་ཀྱི་བསྟོད་པ་རྒྱས་བསྡུས།   ཀླུ་སྒྲུབ་དང་ཇོ་བོ་རྗེ་གཉིས་ཀྱིས་མཛད་པ།[1]   གང་ཚེ་རྐང་གཉིས་གཙོ་བོ་ཁྱོད་བལྟམས་ཚེ། །ས་ཆེན་འདི་ལ་གོམ་པ་བདུན་བོར་ནས། །ང་ནི་འཇིག་རྟེན་འདི་ན་མཆོག་ཅེས་གསུངས། །དེ་ཚེ་མཁས་པ་ཁྱོད་ལ་ཕྱག་འཚལ་ལོ།[2] །དང་པོ་དགའ་ལྡན་ལྷ་ཡི་ཡུལ་ནས་བྱོན། །རྒྱལ་པོའི་ཁབ་ཏུ་ཡུམ་གྱི་ལྷུམས་སུ་ཞུགས། །ལུམྦི་ནི་ཡི་ཚལ་དུ་ཐུབ་པ་བལྟམས། །བཅོམ་ལྡན་ལྷ་ཡི་ལྷ་ལ་ཕྱག་འཚལ་ལོ། །གཞལ་ཡས་ཁང་དུ་མ་མ་བརྒྱད་ཀྱིས་མཆོད། །ཤཱཀྱའི་གྲོང་དུ་གཞོན་ནུས་རོལ་རྩེད་མཛད། །སེར་སྐྱའི་གནས་སུ་ས་འཚོ་ཁབ་ཏུ་བཞེས། །སྲིད་གསུམ་མཚུངས་མེད་སྐུ་ལ་ཕྱག་འཚལ་ལོ། །

༄༅། །འཕགས་ཡུལ་མཁས་པ་རྣམས་ཀྱི་རྣམ་ཐར་མདོར་བསྡུས།   ཀ༽ སློབ་དཔོན་ཀ་མ་ལ་ཤཱི་ལའམ་སློབ་དཔོན་པདྨའི་ངང་ཚུལ་ནི། དུས་རབས་ ༩ སྟོད་ཙམ་དུ་བྱོན་སྙམ། སློབ་དཔོན་དམ་པ་འདིས་ཚད་མའི་དེ་ཁོ་ན་ཉིད་བསྡུས་པའི་དཀའ་འགྲེལ་དང་། རང་བཞིན་མེད་པ་ཉིད་དུ་གྲུབ་པ་སོགས་བསྟན་བཅོས་དུ་མ་མཛད་དོ།། སློབ་དཔོན་ནཱ་ག་རྫུ་ནའམ་ཀླུ་སྒྲུབ་མཆོག་ནི། དུས་རབས་ ༢ དཀྱིལ་དུ་རྒྱ་གར་ལྷོ་ཕྱོགས་བེ་དརྦྷའི་ཡུལ་དུ་བྲམ་ཟེའི་རིགས་སུ་སྐུ་འཁྲུངས། ཁོང་གིས་རྫོགས་རིམ་རིམ་པ་ལྔ་དང་། དབུ་མ་རྩ་བ་ཤེས་རབ། ཆོས་དབྱིངས་བསྟོད་པ་སོགས་བརྩམས་སོ།།

མ་ཏངྒི་པའི་རྣམ་ཐར་སྙིང་བསྡུས།   དེ་ཡང་དཔལ་གསང་བ་འདུས་པའི་བླ་བརྒྱུད་གསོལ་འདེབས་དང་བདག་བསྐྱེད་ངག་འདོན་བཀྲ་ཤིས་ལྷུན་པོ་རྒྱུད་པ་གྲྭ་ཚང་གི་འདོན་རྒྱུན་ལ་རྗེ་ཐམས་ཅད་མཁྱེན་པས་ཞུས་དག་མཛད་པ་ལས[1]། གསུང་རབ་རྒྱ་མཚོར་བལྟ་བའི་མིག་གཅིག་པུ། ། རྟེན་འབྱུང་མཐའ་བྲལ་དངོས་སུ་གཟིགས་མཛད་ཅིང་། ། དབང་ཕྱུག་བརྒྱད་ཀྱི་གོ་འཕང་མཆོག་བརྙེས་པ། ། མགོན་པོ་ཀླུ་སྒྲུབ་ཞབས་ལ་གསོལ་བ་འདེབས། །