པཎ་གྲུབ་ཀྱི་རྣམ་ཐར།

ན༽ བྱམས་ཆོས་རྩོམ་པར་གསོལ་བ་བཏབ་ཚུལ།   དེ་ཡང་པཎ་ཆེན་ཤཱཀྱ་མཆོག་ལྡན་ (1428-1507) གྱིས་མཛད་པའི་འཕགས་པ་ཐོགས་མེད་ཀྱི་རྟོགས་པ་བརྗོད་པ་ངེས་དོན་ཟླ་ཟེར་དཀར་པོའི་ཕྲེང་བས་སྙིང་གི་གདུང་བ་འཕྲོག་བྱེད་ལས[1]། ཇི་ལྟའི་དོན་ལ་འཕགས་པའི་ཐུགས་མངའ་ཞིང་། །ཇི་སྙེད་འཆད་ལ་ཐོགས་པ་མེད་པའི་གསུང་། ། ཇི་ལྟར་བཞེད་བཞིན་བྱམས་མགོན་གཟིགས་པའི་སྐུ། །ཇི་སྐད་གསུངས་བཞིན་འཛིན་ལ་ཕྱག་བགྱིའོ། །

ད༽ ཐེག་ཆེན་ལན་གསུམ་ནུབ་པ་དར་སྤེལ་མཛད་ཚུལ།   དེ་ཡང་ཡར་རྗེ་ཨུ་རྒྱན་གླིང་པས་ (1323-) གཏེར་ནས་དྲངས་པའི་བཀའ་ཐང་སྡེ་ལྔ་ལས[1]། སེམས་ཅན་ཞེ་སྡང་ཆེ་བ་ལ༔ རྒྱལ་པོའི་བང་མཛོད་ལྟ་བུའི་ཆོས༔ མངོན་པ་བི་ཀཱ་མ་ཤཱི་ལར༔ མངོན་པའི་ཆོས་ལ་དགྲ་ལན་གསུམ༔ ཏ་ཟིག་རྒྱལ་པོ་ཧུ་ལུས་བསྲེགས༔ རྒན་མོ་རྒན་འདྲ་མུ་སྟེགས་བསྲེགས༔ ཉི་མ་དངོས་གྲུབ་ཉི་བསྒྲུབས་བསྲེགས༔ ཞེས་མངོན་པའི་བསྟན་པ་ལ་དགྲ་ལན་གསུམ་བྱུང་བར་གསུངས་ལ།

ཐ༽ མི་ཕམ་བསྒྲུབས་ནས་སྦས་དོན་བཙལ་ཚུལ།   དེ་ཡང་སྟག་བྲག་པཎྜི་ཏ་ངག་དབང་གསུང་རབ་མཐུ་སྟོབས་ (1874-1952) མཆོག་གིས་མཛད་པའི་གསུང་རྩོམ་རྒྱན་དྲུག་མཆོག་གཉིས་ལ་སྦྱར་རྒྱུ་ལས[1]། བྱ་དཀའི་གཞན་དོན་སྙིང་སྟོབས་ཆེར་བསྐྱེད་དེ། །ཡི་དམ་ལྷ་ལ་སྒྲུབ་པ་སྙིང་པོར་མཛད། ། སྔོན་མེད་ལེགས་བཤད་དམ་པའི་སྲོལ་ཕྱེ་བའི། །ཟླ་བྲལ་སྲིད་པའི་སྒྲོན་མེ་ཐོགས་མེད་ཞབས། །

༩༽ ཐོགས་མེད་ཀྱིས་བྱམས་མགོན་བསྒྲུབས་པའི་གཏམ་རྒྱུད།   དེ་ཡང་མཁས་པ་ལྡེའུས་ (དུས་རབས་13པ།) མཛད་པའི་རྒྱ་བོད་ཆོས་འབྱུང་རྒྱས་པ་ལས[1]། ཀྱེ་མ་ཐོགས་མེད་ནགས་སུ་ལོ། །བཅུ་གཉིས་བར་དུ་ཏིང་འཛིན་བསྒྲུབས། ། ཞེས་གསུངས་པ་ལྟར་འཕགས་པ་ཐོགས་མེད་ཀྱིས་སྔགས་ཀྱི་རྡོ་རྗེ་སློབ་དཔོན་ཞིག་ལས་སྒྱུ་འཕྲུལ་དྲ་བའི་དབང་གསན་པ་ན། ལྷག་པའི་ལྷ་རྗེ་བཙུན་བྱམས་མགོན་ལ་མེ་ཏོག་བབས་པས། དེ་བསྒྲུབས་ནས་བསྟན་པ་དར་བར་བྱའོ་སྙམ་ཞིང་།