པཎ་གྲུབ་ཀྱི་རྣམ་ཐར།

༧༽ རྒྱུད་གཞན་གྲུབ་པ། དེ་ཡང་རྡོ་གྲུབ་འཇིགས་མེད་བསྟན་པའི་ཉི་མས་ (1865-1926) མཛད་པའི་དཔལ་ཆོས་ཀྱི་གྲགས་པ་ལ་བསྟོད་པ་ལས[1]། ཆོས་ལ་ཆོས་མིག་རྡུལ་བྲལ་མངོན་དུ་བརྙེས། ། སོ་སོ་ཡང་དག་རིག་བཞིའི་སྣང་བ་ཐོབ། ། ལོག་པའི་གྲུབ་མཐའ་གཞིག་ལ་མི་བསྙེངས་པ། ། མཁས་པའི་ནང་ན་རིགས་དབང་ཆོས་གྲགས་ཞབས། །

༦༽ འབྲེལ་བ་བརྟག་པ།   དེ་ཡང་རྡོ་གྲུབ་འཇིགས་མེད་བསྟན་པའི་ཉི་མས་ (1865-1926) མཛད་པའི་དཔལ་ཆོས་ཀྱི་གྲགས་པ་ལ་བསྟོད་པ་ལས[1]། མཐའ་ཡས་ཞིང་ན་བློ་མཆོག་མངའ་བར་གྲགས། ། མཁས་པའི་འདུན་སར་རིགས་སྨྲའི་གཙོ་བོར་གྲགས། ། འཇིག་རྟེན་གསུམ་ན་བདག་ཉིད་ཆེན་པོར་གྲགས། ། གྲགས་ཆེན་ལྡན་པ་མཁས་མཆོག་ཆོས་གྲགས་ཞབས། །

༥༽ རྩོད་པའི་རིགས་པ།   དེ་ཡང་གཉན་དགོན་སྤྲུལ་སྐུ་གསུང་རབ་པས་ (1903-1957) མཛད་པའི་རྒྱན་དྲུག་མཆོག་གཉིས་ལ་བསྟོད་པ་ལས[1]། རིགས་པའི་སེངྒེའི་ལུས་སྟོབས་རབ་བརྟས་ནས། ། རྟག་ཆད་ཕྱོགས་ལྷུང་མུ་སྟེགས་གཉིས་འཐུང་འབུམ། ། ཡང་དག་ལམ་དུ་བཀྲི་བའི་བརྟུལ་ཞུགས་ཀྱིས། ། ཕྱོགས་ལས་རྣམ་པར་རྒྱལ་བ་ཆོས་ཀྱི་གྲགས། །

༤༽ གཏན་ཚིགས་ཐིགས་པ།   དེ་ཡང་རྗེ་བཙུན་རེད་མདའ་བ་ཆེན་པོས་ (1349-1412) མཛད་པའི་འཛམ་གླིང་མཁས་པའི་རྒྱན་དྲུག་ལ་བསྟོད་པ་ལས[1]། ཆོས་ཀྱི་རིགས་པས་ཆོས་མིན་ཕམ་མཛད་ཅིང༌། ། གྲགས་པའི་སྒྲ་ཆེན་འཇིག་རྟེན་གསུམ་ན་གྲགས། ། སྨྲ་ངན་མུན་འཇོམས་སྨྲ་བའི་ཉི་མ་མཆོག ། ཆོས་ཀྱི་གྲགས་པའི་ཞབས་ལ་ཕྱག་འཚལ་ལོ། །