པཎ་གྲུབ་ཀྱི་རྣམ་ཐར།

༡༽ བྱང་ཆུབ་ལམ་སྒྲོན།   དེ་ཡང་རྗེ་བཙུན་གྲགས་པ་བཤད་སྒྲུབ་ (1675-1748) ཀྱིས་མཛད་པའི་བྱང་ཆུབ་ལམ་གྱི་སྒྲོན་མའི་འགྲེལ་པ་ཉུང་ངུ་རྣམ་གསལ་ཇོ་བོ་ཆེན་པོ་དགྱེས་པའི་མཆོད་སྤྲིན་ལས[1]། མགོན་དེ་བོད་ཡུལ་དབུས་བྱོན་ནས། །ཐུབ་བསྟན་སྤྱི་དང་བཀའ་གདམས་ཀྱི། ། བསྟན་པའི་སྲོལ་ཕྱེ་ལེགས་བཤད་གཙོ། །བྱང་ཆུབ་ལམ་སྒྲོན་ཞེས་སུ་གྲགས། །

ས༽ རྨད་བྱུང་ལེགས་བཤད་ཀྱི་བསྟན་བཅོས་མཛད་ཚུལ།   དེ་ཡང་པཎ་ཆེན་སྐུ་ཕྲེང་དགུ་པ་བློ་བཟང་ཐུབ་བསྟན་ཆོས་ཀྱི་ཉི་མ་ (1883-1937)  མཆོག་གིས་མཛད་པའི་འཛམ་གླིང་མཛེས་བྱེད་རྒྱན་དྲུག་མཆོག་གཉིས་སོགས་འཕགས་བོད་ཀྱི་པཎ་གྲུབ་ཆེན་པོ་འགའ་ཞིག་ལ་གསོལ་བ་འདེབས་པའི་རིམ་པར་ཕྱེ་བ་ཕུལ་བྱུང་དོན་ལྡན་ལས[1]། ཐུབ་གསུང་དྲི་མེད་ཤིང་རྟ་ཆེ་གཉིས་ཀྱིས། ། ཇི་ལྟར་བཀྲལ་བའི་ལམ་བཟང་ནོར་མཆོག་གིས། ། ཐུགས་ཀྱི་བང་མཛོད་ཡོངས་སུ་གཏམས་གྱུར་པ། ། གནས་བརྟན་མར་མེ་མཛད་ལ་གསོལ་བ་འདེབས། །

ཤ༽ ལུང་རྟོགས་ཀྱི་ཡོན་ཏན་ལ་མངའ་བརྙེས་ཚུལ།   དེ་ཡང་༸རྒྱལ་བ་དགེ་འདུན་རྒྱ་མཚོས་ (1476-1542) མཛད་པའི་དཔལ་མར་མེ་མཛད་ཡེ་ཤེས་ཀྱི་རྣམ་པར་ཐར་པ་ལ་མདོ་ཙམ་དུ་བསྟོད་པ་ལས[1]། སྣང་བ་མཐའ་ཡས་རྒྱལ་བ་ཀུན་གྱི་གཙོ། ། སྙིགས་དུས་ལྔ་བརྒྱའི་གཙུག་རྒྱན་ཐམས་ཅད་མཁྱེན། ། དཔལ་ལྡན་མར་མེ་མཛད་དཔལ་ཡེ་ཤེས་ཞེས། ། ཕྱོགས་བཅུར་སྙན་པར་གྲགས་ལ་ཕྱག་འཚལ་ལོ། །

ལ༽ ཇོ་བོ་རྗེ་ཨ་ཏི་ཤའི་རྣམ་ཐར་གྱི་སྙིང་པོ།   དེ་ཡང་༸རྒྱལ་དབང་ཐུབ་བསྟན་རྒྱ་མཚོས་ (1876-1933) མཛད་པའི་སྙན་ངག་ལེའུ་གསུམ་གྱི་དཔེར་བརྗོད་བཻཌཱུརྱ་དཀར་པོའི་ཕྲེང་བ་ལས[1]། བཀའ་གདམས་བསྟན་པའི་སྲོལ་འབྱེད་མར་མེ་མཛད། ། ལྷ་ཆོས་བདུན་ལྡན་གང་གི་ཆོས་ཀྱི་ཚུལ། ། ཕན་བདེའི་གྲིབ་བསིལ་ཁྱོན་ཡངས་གདུགས་དཀར་པོས། ། ཕྱོགས་བཅུའི་འཇིག་རྟེན་ཁམས་ལས་རབ་ཏུ་བརྒལ། །