ཙ༽ དཔལ་ལྡན་ཨ་ཏི་ཤའི་རྣམ་ཐར།

ཤ༽ ལུང་རྟོགས་ཀྱི་ཡོན་ཏན་ལ་མངའ་བརྙེས་ཚུལ།   དེ་ཡང་༸རྒྱལ་བ་དགེ་འདུན་རྒྱ་མཚོས་ (1476-1542) མཛད་པའི་དཔལ་མར་མེ་མཛད་ཡེ་ཤེས་ཀྱི་རྣམ་པར་ཐར་པ་ལ་མདོ་ཙམ་དུ་བསྟོད་པ་ལས[1]། སྣང་བ་མཐའ་ཡས་རྒྱལ་བ་ཀུན་གྱི་གཙོ། ། སྙིགས་དུས་ལྔ་བརྒྱའི་གཙུག་རྒྱན་ཐམས་ཅད་མཁྱེན། ། དཔལ་ལྡན་མར་མེ་མཛད་དཔལ་ཡེ་ཤེས་ཞེས། ། ཕྱོགས་བཅུར་སྙན་པར་གྲགས་ལ་ཕྱག་འཚལ་ལོ། །

ལ༽ ཇོ་བོ་རྗེ་ཨ་ཏི་ཤའི་རྣམ་ཐར་གྱི་སྙིང་པོ།   དེ་ཡང་༸རྒྱལ་དབང་ཐུབ་བསྟན་རྒྱ་མཚོས་ (1876-1933) མཛད་པའི་སྙན་ངག་ལེའུ་གསུམ་གྱི་དཔེར་བརྗོད་བཻཌཱུརྱ་དཀར་པོའི་ཕྲེང་བ་ལས[1]། བཀའ་གདམས་བསྟན་པའི་སྲོལ་འབྱེད་མར་མེ་མཛད། ། ལྷ་ཆོས་བདུན་ལྡན་གང་གི་ཆོས་ཀྱི་ཚུལ། ། ཕན་བདེའི་གྲིབ་བསིལ་ཁྱོན་ཡངས་གདུགས་དཀར་པོས། ། ཕྱོགས་བཅུའི་འཇིག་རྟེན་ཁམས་ལས་རབ་ཏུ་བརྒལ། །

ར༽ ཡེར་པ་ལྷ་རི་སྙིང་པོར་མཛད་པ་བསྐྱངས་ཚུལ།   དེ་ཡང་༸རྒྱལ་དབང་ལྔ་པ་ཆེན་པོ་ངག་དབང་བློ་བཟང་རྒྱ་མཚོས་ (1617-1682) མཛད་པའི་ལྔ་བརྒྱ་པ་རྣམས་ཀྱི་གཙུག་གི་ནོར་བུ་དཔལ་ལྡན་མར་མེ་མཛད་ཡེ་ཤེས་ལ་བསྟོད་པ་དྲུག་སྐྱེས་གླུ་དབྱངས་ལས[1]། བག་མེད་འདམ་གྱིས་ནམ་ཡང་གོས་མིན་པའི། ། རྣམ་ཐར་གཙང་མའི་འདབ་སྟོང་དཀར་འཇམ་ཅན། ། ལྷ་ཆོས་བདུན་གྱི་གེ་སར་ལྡེམ་པ་ཡི། ། བཀའ་གདམས་པདྨའི་ཕྲེང་བ་རྣམ་པར་བཞད། །

ཡ༽ ལྷ་ལྡན་ཆོས་ཀྱི་ཞིང་དུ་འགྲོ་དོན་མཛད་ཚུལ།   དེ་ཡང་འབྲོམ་སྟོན་རྒྱལ་བའི་འབྱུང་གནས་ (1004/1005-1064) ཀྱིས་མཛད་པའི་ཇོ་བོ་རྗེ་དཔལ་ལྡན་ཨ་ཏི་ཤའི་བསྟོད་པ་སུམ་ཅུ་པ་ལས[1]། ལྷ་སར་ལྷ་ཡི་རོལ་མོ་བསྒྲགས་པ་ལས། ། མྱུར་བར་བྱོན་ནས་བར་ཁང་ལྷ་ཚོགས་ལ། ། ཕྱག་རྟེན་ཕུལ་ནས་མཁའ་ལ་བསྐོར་བ་མཛད། ། རྫུ་འཕྲུལ་མངོན་ཤེས་མངའ་ལ་གསོལ་བ་འདེབས། །