ཙ༽ དཔལ་ལྡན་ཨ་ཏི་ཤའི་རྣམ་ཐར།

༥༽ ཤེར་ཕྱིན་གྱི་གདམས་པ་དོན་བརྒྱད་དུ་བསྡུས་ནས་བཤད་པ། གཉིས་སུ་མེད་པ་ཤེས་རབ་ཀྱི་ཕ་རོལ་ཏུ་ཕྱིན་པའི་གདམས་པ་དོན་བརྒྱད་དུ་བསྡུས་ནས་རྒྱས་པར་བཤད་པ་ཞེས་པ་འདི་ཡང་། ཕྱག་དར་སྟོན་པས་ཀྱང་ཇོ་བོ་ལོ་ལྔ་བསྟེན་ཏེ་སྙེ་ཐང་དུ་བོད་སྟོན་རྣམས་ཀྱིས་ཕར་ཕྱིན་གསུང་བར་ཞུས་པས། ཐོག་མར་པཎྜི་ཏའི་བཤད་ལུགས་དང་། དེ་ནས་ཇོ་བོ་ཉིད་ཀྱི་བཞེད་པ། རྟོན་པ་བཞིའི་སྒོ་ནས་ཁྲིད་ཚུལ་གསུངས་པ། ཕྱག་དར་སྟོན་པས་ཟིན་བྲིས་སུ་བཏབ་པའི་ཤིན་ཏུ་ལེགས་པ་ཞིག་བྱུང་།

༢) ཆོས་ཆུང་བརྒྱ་རྩའི་ལུང་གི་ལུང་བརྒྱུད།   དེ་ཡང་༸རྒྱལ་དབང་ལྔ་པ་ཆེན་པོས་མཛད་པའི་ཟབ་པ་དང་རྒྱ་ཆེ་བའི་དམ་པའི་ཆོས་ཀྱི་ཐོབ་ཡིག་གངྒཱའི་ཆུ་རྒྱུན་ལས[1]། དཔལ་མཉམ་མེད་དཱི་པཾ་ཀཱ་ར་ཤྲཱི་ཛྙཱ་ནའི་ཐུགས་དམ་དུ་མཛད་པའི་ཆོས་ཆུང་བརྒྱ་རྩར་གྲགས་པ། ༡ བྱང་ཆུབ་ལམ་གྱི་སྒྲོན་མ་རྒྱ་གར་གྱི་པཎྜི་ཏ་དཱི་པཾ་ཀཱ་ར་དང་བོད་ཀྱི་ལོ་ཙཱ་བ་དགེ་བའི་བློ་གྲོས་ཀྱི་འགྱུར། ༢ སྤྱོད་པ་བསྡུས་པའི་སྒྲོན་མ་ཇོ་བོས་ནེ་པཱ་ལའི་ཡུལ་དུ་གྲོགས་པོའི་དོན་དུ་མཛད་པ་པཎྜི་ཏ་དེ་ཉིད་དང་ནག་ཚོ་ལོ་ཙཱའི་འགྱུར།

༡) ཇོ་བོའི་ཆོས་འབྱུང་བརྒྱ་རྩའི་མཚན་བྱང་། དེ་ཡང་ཇོ་བོའི་ཆོས་ཆུང་བརྒྱ་རྩར་གྲགས་པ་རྣམས་ནི། ༡ བྱང་ཆུབ་ལམ་གྱི་སྒྲོན་མ། ༢ སྤྱོད་བསྡུས་སྒྲོན་མ། ༣ བདེན་གཉིས་ལ་འཇུག་པ། ༤ དབུ་མའི་མན་ངག །༥ སྙིང་པོ་བསྡུས་པ། ༦ སྙིང་པོ་ངེས་པར་བསྡུ་བ། ༧ བྱང་ཆུབ་སེམས་དཔའི་ནོར་བུའི་ཕྲེང་བ། ༨ སྤྱོད་མདོ། ༩ འབྱུང་གླུ། ༡༠ སྤྱོད་གླུ། ༡༡ ལྟ་གླུ། ༡༢ དྲན་པ་གཅིག་པའི་མན་ངག །༡༣ དང་པོའི་ལམ་ལ་འཇུག་པ། ༡༤ སྐྱབས་འགྲོ། ༡༥ ལམ་གྱི་སྒྲུབ་ཐབས། ༡༦ ལམ་སྒྲུབ་བསྡུས་པ།

༤༽ ཇོ་བོའི་ཆོས་འབྱུང་བརྒྱ་རྩ།   དེ་ཡང་ཇོ་བོའི་ཐུགས་དམ་ཆོས་ཆུང་བརྒྱ་རྩའམ་ཆོས་འབྱུང་བརྒྱ་རྩ་[1]ནི། ཨ་ལགས་ཚེ་ཏན་ཞབས་དྲུང་ (1910-1985) གིས་མཛད་པའི་མཉམ་མེད་ཇོ་བོ་ཨ་ཏི་ཤ་རྗེས་སུ་དྲན་པའི་གདུང་དབྱངས་དད་པའི་འོ་མཚོ་འཕེལ་བའི་ཟླ་ཟེར་ལས[2]། ཇོ་བོའི་ཆོས་ཆུང་བརྒྱ་རྩ་ཞེས་བྱ་བ། ། ཐར་པ་འདོད་པ་རྣམས་ཀྱི་བཅུད་ལེན་དེའི། ། ལུང་གི་རྒྱུན་བཟང་བསྟན་གནས་ཇི་སྲིད་བར། ། སྐལ་ལྡན་བློ་གྲོས་པད་མཚོར་སྨིན་གྱུར་ཅིག །