གསུང་འབུམ་དཀར་ཆག

༢༽ མར་མེ་མཛད་ཀྱི་གསུང་རྩོམ་སྒྱུར་ཞུ་གསུམ་སྐོར།   གོང་གསལ་དཔལ་མར་མེ་མཛད་ཅེས་པ་ལས་མར་མེ་མཛད་བཟང་པོ་དང་། མར་མེ་མཛད་ཡེ་ཤེས་གཉིས་པོ་གང་ཡང་མི་གསལ་བའི་ཆོས་ཚན་ ༢༣ བཞུགས་པ་དེ་དག་གི་མཛད་བྱང་དུ་མར་མེ་མཛད་ཅེས་པའི་མཚན་གྱི་ཆེ་བསྟོད་དུ། སློབ་དཔོན་མཁས་པ་ཆེན་པོ་དཔལ་མར་མེ་མཛད་ཅེས་གསལ་བ་ ༢ དང་། རྒྱ་གར་གྱི་མཁན་པོ་མཁས་པར་གྲགས་པ་དཔལ་མར་མེ་མཛད་ཅེས་གསལ་བ་ ༡ སློབ་དཔོན་ཆེན་པོ་དཔལ་མར་མེ་མཛད་ཅེས་གསལ་བ་ ༢ སློབ་དཔོན་མར་མེ་མཛད་ཅེས་གསལ་བ་ ༣

༡༽ མར་མེ་མཛད་ཀྱི་གསུང་གི་མཚན་བྱང་།   ༡༽ གཤིན་རྗེ་གཤེད་ནག་པོའི་སྒྲུབ་ཐབས་དང་། ༢༽ གཤིན་རྗེ་གཤེད་རྣམ་པར་སྣང་མཛད་ཀྱི་མངོན་པར་རྟོགས་པ། ༣༽ གཤིན་རྗེ་གཤེད་རིན་ཆེན་འབྱུང་ལྡན་གྱི་སྒྲུབ་ཐབས། ༤༽ འོད་དཔག་ཏུ་མེད་པའི་སྙིང་པོ་འདོད་ཆགས་གཤིན་རྗེ་གཤེད་སྒྲུབ་པའི་ཐབས། ༥༽ གཤིན་རྗེ་གཤེད་རྡོ་རྗེ་རྣོན་པོ་ཞེས་བྱ་བའི་སྒྲུབ་ཐབས། ༦༽ རྡོ་རྗེ་སེམས་མ་བདེ་བའི་སྒྲུབ་པའི་ཐབས། ༧༽ རྡོ་རྗེ་མཁའ་འགྲོ་མ་རྣལ་འབྱོར་མའི་སྒྲུབ་ཐབས། ༨༽ རྡོ་རྗེ་བདེ་རྒྱས་དབྱངས་ཅན་མའི་སྒྲུབ་ཐབས།

ཅ༽ མར་མེ་མཛད་ཀྱི་མཛད་བྱང་གསལ་བའི་གསུང་གི་དཀར་ཆག   ༡༽ རྒྱུད་ ༼མི༽ པ་ལ། རྒྱ་གར་སྐད་དུ། ཀྲིཥྞ་ཡ་མཱ་རི་སཱ་དྷ་ནཾ་ནཱ་མ། བོད་སྐད་དུ། གཤིན་རྗེ་གཤེད་ནག་པོའི་སྒྲུབ་ཐབས་ཞེས་བྱ་བ། སློབ་དཔོན་མཁས་པ་ཆེན་པོ་དཔལ་མར་མེ་མཛད་ཀྱིས་མཛད་པ། རྣལ་འབྱོར་པ་པྲ་ཛྙཱ་ཤྲཱི་ཛྙཱ་ན་ཀིརྟིས་རང་འགྱུར་མཛད་པའོ།། ཀ༽ སྡེ་དགེ་བསྟན་འགྱུར། སྡེ་ཚན་རྒྱུད། པོད་རྟགས། ༼མི༽ ཚན་གྲངས་ ༡༦ ལྡེབ་ ༦༤བ༥ ནས་ ༦༥ན༥ བར་ཡིག་ཕྲེང་ ༨ ཚིག་རྐང་ ༧-༤༣ ཚེག་ཁྱིམ་ ༤༢༠།

༢༽ མར་མེ་མཛད་བཟང་པོའི་གསུང་གི་རྩོམ་སྒྱུར་ཞུ་གསུམ་སྐོར།   གོང་གསལ་མར་མེ་མཛད་བཟང་པོའི་མཛད་བྱང་གསལ་བའི་ཆོས་ཚན་ ༢༩ བཞུགས་པ་དེ་དག་གི་ཁྲོད་ནས་རྒྱ་གར་སྐད་གསལ་བའི་ཆོས་ཚན་གྲངས་ ༣ དང་། རྒྱ་གར་སྐད་མི་གསལ་བའི་ཆོས་ཚན་གྲངས་ ༢༦ མཛད་བྱང་དུ་སྡེ་དགེ་བསྟན་འགྱུར་ལྟར་ན་མར་མེ་མཛད་བཟང་པོས་མཛད་པར་གསལ་ཞིང་། མཚན་ཟུར་དུ་སློབ་དཔོན་མར་མེ་མཛད་བཟང་པོ་ཞེས་འཁོད་པ་ ༡ དང་། དཔལ་མར་མེ་མཛད་བཟང་པོས་མཛད་པར་གསལ་བ་ ༢༣ སློབ་དཔོན་ཆེན་པོ་དཔལ་མར་མེད་བཟང་པོས་མཛད་པར་གསལ་བ་ ༥ བཅས་བཞུགས་ཤིང་།