17 ཇོ་བོ་རྗེའི་གསུང་འབུམ་དཀར་ཆག

༢༽ མར་མེ་མཛད་བཟང་པོའི་གསུང་གི་རྩོམ་སྒྱུར་ཞུ་གསུམ་སྐོར།   གོང་གསལ་མར་མེ་མཛད་བཟང་པོའི་མཛད་བྱང་གསལ་བའི་ཆོས་ཚན་ ༢༩ བཞུགས་པ་དེ་དག་གི་ཁྲོད་ནས་རྒྱ་གར་སྐད་གསལ་བའི་ཆོས་ཚན་གྲངས་ ༣ དང་། རྒྱ་གར་སྐད་མི་གསལ་བའི་ཆོས་ཚན་གྲངས་ ༢༦ མཛད་བྱང་དུ་སྡེ་དགེ་བསྟན་འགྱུར་ལྟར་ན་མར་མེ་མཛད་བཟང་པོས་མཛད་པར་གསལ་ཞིང་། མཚན་ཟུར་དུ་སློབ་དཔོན་མར་མེ་མཛད་བཟང་པོ་ཞེས་འཁོད་པ་ ༡ དང་། དཔལ་མར་མེ་མཛད་བཟང་པོས་མཛད་པར་གསལ་བ་ ༢༣ སློབ་དཔོན་ཆེན་པོ་དཔལ་མར་མེད་བཟང་པོས་མཛད་པར་གསལ་བ་ ༥ བཅས་བཞུགས་ཤིང་།

༡༽ མར་མེ་མཛད་བཟང་པོའི་གསུང་གི་མཚན་བྱང་། ༡༽ དཔལ་གསང་བ་འདུས་པའི་དཀྱིལ་འཁོར་གྱི་ཆོ་ག་དང་། ༢༽ སྲུང་བའི་འཁོར་ལོའི་སྒྲུབ་ཐབས། ༣༽ ལྷ་མོ་བརྒྱད་ཀྱི་དཀྱིལ་འཁོར་དུ་དབང་བསྐུར་བ། ༤༽ བདུད་རྩི་ཐབ་སྦྱོར་ཞེས་བྱ་བ་ཁྲོ་བོ་བཞིའི་དཀྱིལ་འཁོར་དུ་དབང་བསྐུར་བའི་ཆོ་ག་ཟབ་མོ། ༥༽ རྒྱུ་སྐར་ཉི་ཤུ་རྩ་བརྒྱད་ཀྱི་དབང་བསྐུར་བའི་དཀྱིལ་འཁོར་གྱི་ཆོ་ག་རྡོ་རྗེ་གོ་ཆ་མ། ༦༽ ལྷ་ཆེན་པོ་བརྒྱད་ཀྱི་དཀྱིལ་འཁོར་དུ་དབང་བསྐུར་བ་ལེགས་པའི་ལམ་སྟོན་པར་བྱེད་པ།

ང༽ མར་མེ་མཛད་བཟང་པོའི་གསུང་གི་དཀར་ཆག   དེ་ཡང་མར་མེ་མཛད་བཟང་པོའི་མཛད་བྱང་གསལ་བའི་གསུང་ལ་མཚོན་ན། ༡༽ རྒྱུད་ ༼དི༽ པ་ལ། རྒྱ་གར་སྐད་དུ། ཤྲཱི་གུ་ཧྱ་ས་མཱ་ཛ་མཎྜ་ལ་བི་དྷི་ནཱ་མ། བོད་སྐད་དུ། དཔལ་གསང་བ་འདུས་པའི་དཀྱིལ་འཁོར་གྱི་ཆོ་ག་ཞེས་བྱ་བ། མཇུག་བྱང་ལས[1]། སྡེབ་སྦྱོར་བྱས་པའི་ཚིགས་བཅད་ནི། །བཞི་བརྒྱ་ལྔ་བཅུ་པ་ཉིད་དུ། ། རབ་བྱེད་འཇིག་རྟེན་ལེགས་དྲན་ཕྱིར། །དཀྱིལ་འཁོར་ཆོ་ག་འདི་བྱས་སོ། །

ག༽ ཇོ་བོ་རྗེའི་གསུང་བསྒྱུར་ཞུས་གཏན་འབེབས་མཛད་པ་པོ།   དེ་ཡང་གནས་བརྟན་མཁས་པ་ཆེན་པོ་དཱི་པཾ་ཀ་ར་ཤྲཱི་ཛྙཱ་ན་སྟེ། ཇོ་བོ་རྗེ་དཔལ་ལྡན་ཨ་ཏི་ཤའི་གསུང་ལ་མཚོན་ན། བསྟན་འགྱུར་གྱི་རྒྱུད་དང་། ཤེར་ཕྱིན། དབུ་མ། མདོ་སྡེ། སྤྲིང་ཡིག །སྣ་ཚོགས་བཅས་སྡེ་ཚན་དྲུག་ནང་བཞུགས་པ་ལས། རྒྱུད་ཀྱི་སྐོར་ལ་ཆོས་ཚན་ ༧༦ དང་། ཤེར་ཕྱིན་གྱི་སྐོར་ལ་ཆོས་ཚན་ ༢། དབུ་མའི་སྐོར་ལ་ཆོས་ཚན་ ༢༦། མདོ་སྡེའི་སྐོར་ལ་ཆོས་ཚན་ ༡། སྤྲིང་ཡིག་གི་སྐོར་ལ་ཆོས་ཚན་ ༡། སྣ་ཚོགས་ཀྱི་སྐོར་ལ་ཆོས་ཚན་ ༡ བཅས་ཁྱོན་བསྡོམས་ཆོས་ཚན་གྲངས་ ༡༠༧ བཞུགས་སོ།།