པཎ་གྲུབ་བསྟོད་ཚོགས།

༄༅། །ཐོགས་མེད་སྐུ་མཆེད་སོགས་ལ་བསྟོད་པ་བཞུགས་སོ།།[1] ༼འགྲོ་མགོན་ཆོས་རྒྱལ་འཕགས་པས་ (1235-1280) མཛད་པ།༽   ཚུལ་ཁྲིམས་ལྷུན་པོ་ཡོན་ཏན་ལྗོན་ཤིང་གིས། །ལེགས་སྤྲས་བློ་གསལ་རི་དྭགས་ཚོགས་རྣམས་དང་། །གྲུབ་པའི་དྲང་སྲོང་རྣམས་ཀྱི་བསྟི་གནས་མཆོག །ཆོས་རྗེ་དཔལ་ལྡན་རི་བོའི་ཞབས་ལ་འདུད། །མཁྱེན་པའི་དཀྱིལ་འཁོར་ཐུགས་རྗེའི་ཤིང་རྟ་ཅན། །ཤེས་བྱའི་མཁའ་ལ་ཀུན་ཏུ་ཐོགས་མེད་ཅིང༌། །བསྟན་པ་པདྨོའི་ཚལ་རབ་རྒྱས་མཛད་པ། །ཐོགས་མེད་ཆོས་ཀྱི་ཉི་མ་ལ་ཕྱག་འཚལ། །བསོད་ནམས་རྒྱ་མཚོའི་དབུས་སུ་ལེགས་པར་འཁྲུངས། །

ཨོཾ་སྭསྟི་སི་དྡྷཾ། བླ་མ་དང་འཇམ་པའི་དབྱངས་ལ་ཕྱག་འཚལ་ལོ། །གཞུང་ལུགས་མི་འདྲའི་ཆུ་བོ་བརྒྱ་འགྱེད་ཅིང་། །རིགས་ཚོགས་སྤོབས་པའི་རྦ་རླབས་སྟོང་འཕྲོ་བ། །ཡོན་ཏན་རིན་ཆེན་ཁྲི་ཕྲག་གིས་བརྒྱན་པའི། །ཀླུ་སྒྲུབ་ཀླུ་ཡི་དབང་པོ་ལ་ཕྱག་འཚལ། །བསོད་ནམས་དམ་པའི་པད་རྫིང་གིས་བསྐྲུན་ཞིང་། །སྨོན་ལམ་དག་པའི་ཆུ་སྐྱེས་ལས་འཁྲུངས་ལ། །སྲིད་དང་ཞི་བའི་དཔལ་འབྱོར་གྱིས་

༄༅། །མཁན་སློབ་ཆོས་གསུམ་སོགས། བོད་ལ་བཀའ་དྲིན་ཆེ་བ་རྣམས་ལ་བསྟོད་པ།[1]   ཟ་ཧོར་རྒྱལ་པོའི་རིགས་སུ་སྐུ་འཁྲུངས་ཤིང་། །ཐམས་ཅད་ཡོད་སྨྲའི་སྡེ་ལས་རབ་ཏུ་བྱུང་། །ཉེས་ལྟུང་དྲི་མས་མ་གོས་བཙུན་པའི་མཆོག །བོ་དྷི་ས་ཏྭའི་ཞབས་ལ་ཕྱག་འཚལ་ལོ། །སྡོམ་བརྩོན་དམ་པ་དཔལ་ལྡན་ཞི་བ་འཚོ། །བརྟུལ་ཞུགས་གྲུབ་པ་པདྨ་འབྱུང་གནས་དཔལ། །བློ་གསལ་དབང་པོ་པདྨའི་ངང་ཚུལ་སོགས། །སྙིགས་མའི་དུས་ཀྱི་རྒྱལ་བ་གཉིས་པ་ཡིན། །བདེ་བར་གཤེགས་པའི་རིང་ལུགས་བླ་ན་མེད། །ཞུ་ཆེན་སྒྱུར་བྱེད་མཆན་བུའི་གནས་འདུག་པ། །སྐད་གཉིས་སྨྲ་བའི་བློ་གྲོས་གསལ་ལྡན་པ། །དེ་དག་བདག་ཅག་རྣམས་ཀྱི་མིག་ཏུ་གྱུར། །

༄༅།  །རྒྱན་དྲུག་མཆོག་གཉིས་ཀྱི་སྐུ་བསྟོད་གསོལ་འདེབས་ཟླ་བ་གཞོན་ནུའི་འོད་སྣང་ཞེས་བྱ་བ་བཞུགས་སོ།།   ཕྱི་དང་ནང་གིས་བསྡུས་པའི་ཆོས་རྣམས་ཀུན། །བདེན་བཞིར་བསྡུས་ནས་གནས་ལུགས་སྟོན་པ་ལ། །རྟེན་འབྱུང་སྨྲ་བས་སྟོང་ཉིད་གསལ་མཛད་པ། །རྒྱལ་བ་ཐུབ་པའི་དབང་པོར་གསོལ་བ་འདེབས། །ཤེར་ཕྱིན་དགོངས་དོན་མཐའ་བྲལ་དེ་ཉིད་དོན། །ལུང་དང་རྟེན་འབྱུང་རིགས་པས་རབ་བསྒྲུབས་ནས། །སྤྲོས་མཐའ་བརྒྱད་བྲལ་ཟབ་མོ་ལྟ་བའི་སྲོལ། །འབྱེད་མཛད་ཀླུ་སྒྲུབ་ཞབས་ལ་གསོལ་བ་འདེབས། །ཀླུ་སྒྲུབ་དགོངས་དོན་མཐའ་བྲལ་དབུ་མའི་ལམ། །མཐར་ཐུག་སྙིང་པོར་གཟིགས་པའི་ལེགས་བཤད་ཀྱིས། །ཟབ་མོ་དབུ་མའི་གཞུང་ལུགས་གསལ་མཛད་པ། །རྒྱལ་སྲས་འཕགས་པ་ལྷ་ལ་གསོལ་བ་འདེབས། །