པཎ་གྲུབ་སྐོར་བཀའ་སློབ།

ཕྱི་ལོ་ ༢༠༡༤ ཟླ་བ་ ༡༢ ཚེས་ ༢༩ ཉིན་མོན་གྷོ་ས་སྐྱ་རྩེ་ཆེན་མདོ་སྔགས་ཆོས་གླིང་དུ་སྩལ་པའི་བཀའ་སློབ་ལས་[1]།   སངས་རྒྱས་ཀྱི་བསྟན་པ་ལ་ལུང་རྟོགས་ཀྱི་བསྟན་པ་གཉིས་ཡོད་པ་ལས། ལུང་རྟོགས་ཀྱི་བསྟན་པ་འཛིན་སྐྱོང་སྤེལ་གསུམ་བྱ་རྒྱུ་དེ་བཤད་པ་དང་སྒྲུབ་པ་གཉིས་ཀྱི་ལམ་ནས་བསྟན་པ་འཛིན་སྐྱོང་སྤེལ་གསུམ་བྱེད་དགོས། ཞེས་མཁས་མཆོག་དབྱིག་གཉེན་གྱིས་གསུངས་པས་ན། ང་ཚོ་ས་དགེ་བཀའ་རྙིང་རིས་སུ་མ་ཆད་པའི་དགོན་སྡེ་སོ་སོས་ཀྱང་།

༄༅། །ཕྱི་ལོ་ ༢༠༢༡ ཟླ་བ་ ༡༡ ཚེས་ ༤ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཨུ་རུ་སུའི་ནང་པའི་རྗེས་འཇུག་པ་རྣམས་ལ་རྗེ་བཙུན་བྱམས་པ་མགོན་པོས་མཛད་པའི་མདོ་སྡེ་རྒྱན་གྱི་གསུང་ཆོས་ལས་བཏུས། ད་ལན་ང་ཚོ་མི་ལུས་ཐོབ་ཅིང་། སངས་རྒྱས་ཀྱི་བསྟན་པ་དང་མཇལ་བར་མ་ཟད། དེའི་ནང་ནས་ཀྱང་དཔལ་ནཱ་ལེནྡྲ་ནས་བརྒྱུད་པའི་སངས་རྒྱས་ཀྱི་བསྟན་པ་ཐབས་ཤེས་ཟུང་དུ་འབྲེལ་ཞིང་། ཟབ་པ་དང་རྒྱ་ཆེ་བའི་ཉམས་ལེན་གྱི་གནད་ཆ་ཚང་ཡོད་པ་འདི་ལྟ་བུ་ཞིག་དང་མཇལ་བ་འདི་ཉིད་མཇལ་གོ་ཆོད་པ་ཞིག་བྱེད་དགོས། ཞེས་བཀའ་སློབ་སྩལ་ཏོ།།  །།  

༄༅། །ཕྱི་ལོ་ ༢༠༡༧ ཟླ་བ་ ༦ ཚེས་ ༢༤ ཉིན་ཨ་རིའི་མི་ནེ་སོ་ཊར་གནས་སྡོད་བོད་རིགས་རྣམས་ལ་དཔལ་ནཱ་ལེནྡྲའི་ཆོས་བརྒྱུད་བོད་ལ་ཇི་ལྟར་དར་ཚུལ་དང་། དེར་ཉམས་ལེན་བྱེད་རྒྱུ་གལ་ཆེ་བའི་སྐོར་སྩལ་པའི་བཀའ་སློབ [1]ལས་བཏུས། བོད་གངས་ཅན་ལྗོངས་སུ་ཡོད་པའི་སངས་རྒྱས་ཀྱི་ཆོས་དང་། ལྷག་པར་སངས་རྒྱས་པའི་ལྟ་གྲུབ་ནི་སྔར་རྒྱ་གར་དུ་ཐོག་མར་ཏག་ཤཱ་ཤི་ལ་དང་། དཔལ་ནཱ་ལེནྡྲ། བྲི་ཀྲ་མ་ཤཱི་ལ་བཅས་སུ་དུས་རབས་སོ་སོར་གཙུག་ལག་ཁང་དེ་དག་ནང་བསྟན་འཛིན་སྐྱོང་སྤེལ་གསུམ་བྱེད་ཡུལ་གྱི་གནས་གཞི་ཆེན་པོ་ཞིག་ཆགས་པའི་ནང་ནས་ཤུགས་ཆེ་ཤོས་ནི་དཔལ་ནཱ་ལེནྡྲ་རེད་འདུག །

༄༅། །ཕྱི་ལོ་ ༢༠༠༦ ཟླ་བ་ ༢ ཚེས་ ༨ ཉིན་ཝཱར་ཎ་ཆེས་མཐོའི་གཙུག་ལག་སློབ་ཁང་དུ་བོད་ཀྱི་སངས་རྒྱས་པའི་ཆོས་བརྒྱུད་ཆེན་པོ་བཞིའི་བཞེད་དགོངས་གཅིག་ཏུ་བབས་པའི་སྐོར་ལས་བརྩམས་པའི་བགྲོ་གླེང་བཀའ་སློབ་ལས་ཟུར་འདོན་ཞུས།[1]   ༡༽ སྔ་འགྱུར་རྙིང་མ།   ནང་པའི་ཆོས་ཀྱི་ཐོག་མ་དེ་སྔ་འགྱུར་རྙིང་མ་ཡིན་ཅིང་། བོད་ཀྱི་སངས་རྒྱས་པའི་ཆོས་ཀྱི་མེས་པོ་དམ་པ་ནི་སྔ་འགྱུར་ཆགས་ཡོད། དེ་ཡང་མཁན་སློབ་ཆོས་གསུམ་ནས་དབུ་བརྙེས་ཤིང་། ཆོས་རྒྱལ་ཁྲི་སྲོང་ལྡེའུ་བཙན་ནི་སྦྱིན་བདག་ཡིན་ལ། ཁོང་ཉིད་ཧ་ཅང་མཁས་པའང་ཡིན་པ་ལྟ་བུ་ཞིག་ཡོད།