པཎ་གྲུབ་ཀྱི་རྣམ་ཐར།

༢༽ ཉི་ཁྲི་ལེ་བརྒྱད་མ་མཛད་ཚུལ།   དེ་ཡང་གཡག་སྟོན་སངས་རྒྱས་དཔལ་ (1350-1414) གྱིས་མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་དང་དེའི་འགྲེལ་པ་དོན་གསལ་བ་དང་བཅས་པ་ལེགས་པར་བཤད་པ་རིན་ཆེན་བསམ་འཕེལ་དབང་གི་རྒྱལ་པོ་ལས[1]། སྟོང་ཉིད་སེངྒེའི་ང་རོ་རབ་བསྒྲགས་པས། ། ལོག་རྟོག་རི་དྭགས་ཚོགས་རྣམས་སྐྲག་མཛད་དེ། ། ཡང་དག་ལྟ་བའི་དཔལ་བཟང་རྒྱས་མཛད་པའི། ། འདྲེན་མཆོག་སེངྒེ་བཟང་པོ་རྒྱལ་གྱུར་ཅིག །

༡༽ འགྲེལ་པ་དོན་གསལ་གྱི་དམིགས་བསལ་ཁྱད་ཆོས།   དེ་ཡང་ཀུན་མཁྱེན་རོང་སྟོན་ཆོས་རྗེས་ (1367-1449) མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་གྱི་འགྲེལ་པའི་རྣམ་བཤད་ཚིག་དོན་རབ་ཏུ་གསལ་བ་ལས[1]། གསུང་རབ་རལ་པའི་ཅོད་པན་གཙུག་ན་འཛིན། ། ལྟ་ངན་རི་དྭགས་འཇོམས་པའི་སྟོབས་ལྡན་ཞིང༌། ། སྤོབས་པའི་ཞབས་བརྟན་མི་འཇིགས་གདོང་ལྔ་པ། ། སྨྲ་བའི་སེང་གེ་བཟང་པོའི་ཞབས་པད་མཆོད། །

ཙ༽ སློབ་དཔོན་སེངྒེ་བཟང་པོས་གསུང་རྩོམ་མཛད་ཚུལ།   དེ་ཡང་དབྱངས་ཅན་དགའ་བའི་བློ་གྲོས་ (1740-1827) ཀྱིས་མཛད་པའི་རྒྱལ་སྲས་བདག་ཉིད་ཆེན་པོ་སློབ་དཔོན་སེངྒེ་བཟང་པོ་ལ་བསྟོད་པ་བྱིན་རླབས་མྱུར་འཇུག་ལས[1]། ཤེར་ཕྱིན་ཉི་ཁྲིའི་བསྡུས་དོན་ལེའུ་བརྒྱད་མ། ། བརྒྱད་སྟོང་འགྲེལ་ཆེན་འགྲེལ་བ་དོན་གསལ་དང་། ། སྡུད་འགྲེལ་རྟོགས་སླ་ཤེར་ཕྱིན་བསྒོམ་པ་སོགས། ། ལེགས་བཤད་གཏེར་ཆེན་སྤེལ་ལ་གསོལ་བ་འདེབས། །

མ༽ སློབ་དཔོན་སེངྒེ་བཟང་པོའི་རྣམ་ཐར་དཀྱུས་ལ་འཇུག་པ།   སློབ་དཔོན་འདིའི་རྣམ་ཐར་དཀྱུས་གཅིག་ཏུ་འགོད་པ་ལ། དེ་ཡང་དབྱངས་ཅན་དགའ་བའི་བློ་གྲོས་ (1740-1827) ཀྱིས་མཛད་པའི་རྒྱལ་སྲས་བདག་ཉིད་ཆེན་པོ་སློབ་དཔོན་སེངྒེ་བཟང་པོ་ལ་བསྟོད་པ་བྱིན་རླབས་མྱུར་འཇུག་ལས[1]། སྐྱེས་སྦྱངས་མཁྱེན་དཔྱོད་ཉིན་བྱེད་འོད་སྟོང་གིས། ། རང་གཞན་སྡེ་པའི་གཞུང་མང་འདམ་སྐྱེས་ཚལ། ། ལེགས་པར་ཕྱེ་བའི་གནད་དོན་སྦྲང་རྩིའི་བཅུད། ། ཐར་འདོད་ཚིམ་པར་མཛད་ལ་གསོལ་བ་འདེབས། །