པཎ་གྲུབ་ཀྱི་རྣམ་ཐར།

ཕྱོགས་སྒྲིག་པའི་སྔོན་གླེང་།   རིགས་རུས་ཕུན་ཚོགས་སྐུ་ཡི་ཆེ་བ་དང་། ། འཕགས་བོད་ཡུལ་དུ་གཞན་དོན་ཕུན་ཚོགས་ཀྱི། ། འཕྲིན་ལས་རྒྱུན་གྱི་རྒྱལ་བསྟན་དར་འཕེལ་སོགས། ། རྣམ་ཐར་ཁུངས་བཙན་ཟབ་གསལ་ཕྱོགས་གཅིག་བཀོད། ། ཅེས་བསྟོད་ཕྱག་སྔོན་དུ་བཏང་སྟེ། ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་ཐར་ཕྱོགས་བསྒྲིགས་པོད་ཕྲེང་གཉིས་པ་འདིར། ༡༽ སྣར་ཐང་གདན་རབས་བདུན་པ་མཆིམས་ནམ་མཁའ་གྲགས་པ་ (1210-1285) མཆོག་གིས་མཛད་པའི་ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་ཐར་རྒྱས་པ་ཡོངས་གྲགས་དང་།

ཇོ་བོ་རྗེ་དཔལ་ལྡན་ཨ་ཏི་ཤའི་རྣམ་ཐར་ཕྱོགས་བསྒྲིགས་གླེགས་བམ་གཉིས་པའི་དཀར་ཆག   ཕྱོགས་སྒྲིག་པའི་སྔོན་གླེང་། ༡༽ མཆིམས་ནམ་མཁའ་གྲགས་མཆོག་གི་རྣམ་ཐར། ༢༽ ལས་ཆེན་ཀུན་དགའ་རྒྱལ་མཚན་མཆོག་གི་རྣམ་ཐར། ༣༽ དཔའ་བོ་གཙུག་ལག་ཕྲེང་བ་མཆོག་གི་རྣམ་ཐར། ༤༽ ཇོ་ནང་ཀུན་དགའ་གྲོལ་མཆོག་གི་རྣམ་ཐར། ༥༽ བདག་ཆེན་ཀུན་དགའ་བསོད་ནམས་ཀྱི་རྣམ་ཐར། ༦༽ ཡོངས་འཛིན་ཡེ་ཤེས་རྒྱལ་མཚན་རྣམ་ཐར།

༄༅། །ཇོ་བོའི་རྣམ་ཐར་ཁ་སྐོང་ཟུར་དུ་གླེང་བ་ཟུར་བརྩམས་ཐོར་བུ་བ་བཞུགས་སོ།།   ༼ནག་ཚོ་ལོ་ཙཱ་བ་དང་། རྔོག་བློ་ལྡན་ཤེས་རབ་སོགས་ཀྱིས་མཛད།༽   ལོ་རྒྱུས་འདི་ཡི་དབང་དུ་བྱས་ན། འོ་སྐོལ་མི་ལུས་ཐོབ་པ་རྣམས་ཀྱིས། གཞི་ཚུལ་ཁྲིམས་རིན་པོ་ཆེ་ལ་གཙོ་བོར་བཟུང་ནས། འཆི་བ་མི་རྟག་པའི་ལྕག་གིས་བསྐུལ་ཏེ། ཉིན་དང་མཚན་དུ་གཏན་གྱི་སྐྱབས་གནས་དཀོན་མཆོག་གསུམ་ལ་བཅོལ། ཅི་ནས་ཀྱང་སེམས་ཅན་གྱི་དོན་དུ་སངས་རྒྱས་ཅི་ཐོབ་ཏུ་བྱེད་པའི་སེམས་བསྐྱེད། སྦྱོར་བ་ཡན་ལག་བདུན་པ་སྔོན་དུ་བཏང་། དངོས་གཞི་སྟོང་པའི་ངང་ལས་ཚད་མེད་པ་བཞི་གཡེལ་མེད་བསྒོམ། མཇུག་སྟོང་པ་ཉིད་ཀྱི་རྒྱས་གདབ་ཅིང་དགེ་རྩ་བསྔོ།

༄༅། །ཇོ་བོ་ཆེན་པོ་རྗེ་ལྷ་གཅིག་གི་རྣམ་པར་ཐར་པ་བཞུགས་སོ།།   ༼བྱ་འདུལ་བ་འཛིན་པ་བརྩོན་འགྲུས་འབར་གྱིས་ (1100–1174) མཛད།༽   ༄༅། །རྗེ་བཙུན་སྒྲོལ་མ་ལ་ཕྱག་འཚལ་ལོ། །རྒྱལ་བའི་མདུན་ན་རྒྱལ་སྲས་བཟང་པོ་སྐྱོང་། །ཁ་བ་ཅན་ན་དཔལ་ལྡན་མར་མེ་མཛད། །དགའ་ལྡན་གནས་ན་ནམ་མཁའ་དྲི་མ་མེད། །ཡིད་བཞིན་ནོར་བུ་ལྟ་བུར་གཞན་དོན་མཛད། །ཇོ་བོ་ཨ་ཏི་ཤ་ (ཨ་ལས་རྣལ་འབྱོར་པ་ཆེན་པོ། ཏི་ལས་པཎྜི་ཏ་ཆེན་པོ། ཤ་ལས་དགེ་སློང་ཆེན་པོ་བྱ་བར་རོ།།) ཕྱག་འཚལ་ལོ། །