གསུང་འབུམ་དཀར་ཆག

༣༽ ལོ་ཙཱ་བ་རྙི་བ་དེ་ཝ་གྷོ་ཥ། བོད་ཀྱི་ལོ་ཙཱ་བ་རྙི་བ་དེ་ཝ་གྷོ་ཥ་མཆོག་ནི། མཚན་གཞན་ལ་ཛྙཱ་ན་དེ་ཝ་ཀོ་ཥའམ། ཛྙཱ་དེ་བ་ཡང་ཞུ། ཕྱི་ལོའི་དུས་རབས་བརྒྱད་པའི་ནང་སྐུ་འཁྲུངས་ཤིང་། རྒྱལ་པོ་ཁྲི་སྲོང་ལྡེའུ་བཙན་སྐབས་ཀྱི་སྙན་གྲགས་ཅན་གྱི་ལོ་ཙཱ་བ་ཞིག་སྟེ། ལོ་ཙཱ་བ་འདི་ཉིད་རྒྱ་གར་གྱི་མཁན་པོ་ཤཱནྟ་རཀྵི་ཏ་སྟེ་མཁན་ཆེན་ཞི་བ་འཚོ་དང་དུས་མཉམ་དུས་རབས་བརྒྱད་པར་བྱོན་པ་ཞིག་ཡིན། སྒྱུར་རྩོམ་གཙོ་གྲས་ནི། བསྟན་འགྱུར་ལས།

༢༽ ལོ་ཙཱ་བ་གླང་དཔལ་གྱི་སེང་གེ།   ལོ་ཙཱ་བ་གླང་དཔལ་གྱི་སེངྒེ་མཆོག་ནི། མཚན་གཞན་ལ་ཤུད་བུ་དཔལ་གྱི་སེངྒེ་དང་། རླངས་དཔལ་གྱི་སེངྒེ་། མངའ་བདག་ཁྲི་འབྲིང་ཐོག་བཙན། ཤུད་བུ་ཁྲི་འབྲིང་ཁོང་བཙན། ཤུད་པུ་ཁོང་ལེབ་སོགས་ཀྱང་ཞུ་སྲོལ་ཡོད་ཅིང་། འདི་ཉིད་གྲུབ་ཐོབ་རྗེ་འབངས་ཉེར་ལྔའི་ཡ་གྱལ་ཞིག་སྟེ། ལོ་པཎ་བཀའི་ཐང་ཡིག་གི་ལེའུ་སོ་གསུམ་པའི་ནང་དུ་སྨོས་པའི་ལོ་ཙཱ་བའི་གྲས་ཤིག་ཀྱང་ཡིན།

པ༽ སྒྱུར་བྱེད་ལོ་ཙཱ་བའི་རྣམ་ཐར་ངོ་སྤྲོད། ༡༽ ལོ་ཙཱ་བ་ངན་ལམ་རྒྱལ་བ་མཆོག་དབྱངས།   ལོ་ཙཱ་བ་བཙུན་པ་རྒྱལ་བ་མཆོག་དབྱངས་མཆོག་ནི། རྒྱལ་པོ་ཁྲི་སྲོང་ལྡེའུ་བཙན་གྱི་ཆོས་བློན་དང་། རྗེ་འབངས་ཉེར་ལྔའི་ཡ་གྱལ་ཞིག་སྟེ། ཕྱི་ལོའི་དུས་རབས་བརྒྱད་པའི་དུས་སྟོད་ཙམ་དུ་དབུ་རུ་འཕན་ཡུལ་དུ་སྐུ་འཁྲུངས་ཤིང་། གདུང་རུས་ངན་ལམ་ཡིན་པས་ངན་ལམ་རྒྱལ་བ་མཆོག་དབྱངས་ཞེས་སུ་གྲགས། བོད་ལུགས་ཤིང་ཡོས་ཕྱི་ལོ་ ༧༧༥ ལོར་མཁན་པོ་བོ་དྷི་ས་ཏྭ་ལས་རབ་ཏུ་བྱུང་ཞིང་།

ཁ། བསྟན་འགྱུར་དུ་མ་འཁོད་པའི་བསྟན་བཅོས་སྣ་ཚོགས། ༡༽ དབང་ཆེན་གསང་སྒྲུབ་ཀླུ་སྒྲུབ་སྙིང་པོའི་ཐུགས་དམ་བཞུགས་སོ༔   དེ་ཡང་དབང་ཆེན་གསང་སྒྲུབ་ཀླུ་སྒྲུབ་སྙིང་པོའི་ཐུགས་དམ་བཞུགས་སོའི་མཐའ་ཅན་ནི། ཉག་བླ་པདྨ་བདུད་འདུལ་གྱི་གཏེར་ཆོས་སྐོར། པོད་ ༼༣༽ དབང་ཆེན། ཤིང་པར། ཤོག་གྲངས་ ༡ ནས་ ༣ན༢ བར་བཞུགས་པ་ལས་བཏུས་ཤིང་། བསྟན་བཅོས་དེ་ཉིད་ལས[1]། བདག་འདྲ་འཕགས་པ་ཀླུ་སྒྲུབ་སྙིང་པོ་ཡིས༔༔ བདེ་བྱེད་བརྩེགས་སུ་དབང་གི་དངོས་གྲུབ་བརྙེས༔