གསུང་འབུམ་དཀར་ཆག

ག༽ བསྟན་འགྱུར་རིན་པོ་ཆེའི་ལུང་རྒྱུན་བཞུགས་པ་རྣམས་ཕལ་ཆེར་ཞུས་པའི་མཚན་ཐོ་བརྒྱུད་རིམ་བཅས་བཞུགས་སོ།།[1]   ༡༽ མགོན་པོ་ཀླུ་སྒྲུབ། དེ་ཡང་བསྟན་འགྱུར་རིན་པོ་ཆེའི་ལུང་རྒྱུན་བཞུགས་པ་རྣམས་ཕལ་ཆེར་ཞུས་པའི་མཚན་ཐོ་བརྒྱུད་རིམ་ལས[2]། དཔལ་མགོན་འཕགས་པ་ཀླུ་སྒྲུབ་ཀྱིས་མཛད་པའི་བསྟོད་ཚོགས་ལ། ༡ ཆོས་དབྱིངས་བསྟོད་པ་དང་། ༢ དཔེ་མེད་པར་བསྟོད་པ། ༣ འཇིག་རྟེན་ལས་འདས་པར་བསྟོད་པ། ༤ སེམས་ཀྱི་རྡོ་རྗེ་ལ་བསྟོད་པ། ༥ དོན་དམ་པར་བསྟོད་པ།

ཁ༽ པཎ་ཆེན་བཅུ་བདུན་གྱི་ལུང་རྒྱུན་སྣར་ཐང་པར་མའི་པོད་ཐོ།   ༄༅། །རྒྱ་གར་ལྷོ་ཕྱོགས་འབྲས་སྤུངས་ཆོས་སྒར་དུ་ཀུན་སྤངས་པ་མཁས་གྲུབ་གཉིས་ལྡན་ངུར་སྨྲིག་འཛིན་པ་སྐྱབས་མཆོག་སྤངས་ནང་རིན་པོ་ཆེ་ནས་ཕྱི་ལོ་ ༡༩༩༠ ལོར་བསྟན་འགྱུར་ལྗགས་ལུང་སྩལ་སྐབས་ཀྱི་ལུང་ཐོ་པར་དཔེ་ནས་རྒྱ་གར་པཎ་ཆེན་བཅུ་བདུན་གྱི་ལུང་གང་བཞུགས་སྣར་ཐང་པར་མའི་པོད་ཐོའི་གོ་རིམ་དང་ཤོག་གྲངས་གསལ་འགོད་ཞུས་པ་གཤམ་གསལ།།

ལྔ་པ། པཎ་གྲུབ་བཅུ་བདུན་གྱི་གསུང་གི་ལུང་རྒྱུན་དཔེ་ཐོ།   ༄༅། །འཇིག་རྟེན་ཁམས་ཀྱི་ཕན་བདེའི་རྩ་ལག་མཉམ་མེད་ཐུབ་བསྟན་རིན་པོ་ཆེ་འཛིན་སྐྱོང་སྤེལ་བའི་འཕགས་ཡུལ་གྱི་ཟླ་བྲལ་མཁས་པའི་གཙུག་རྒྱན་པཎ་གྲུབ་བཅུ་བདུན་གྱི་གསུང་རྩོམ་གསུང་རབ་རྣམས་ལས་ལུང་རྒྱུན་བཞུགས་པ་རྣམས་ཀྱི་མཚན་ཐོ་བསྟན་འགྱུར་སྣར་ཐང་པར་མའི་ཐོག་ནས་གསན་པའི་ཐོ་རྗེ་བདེ་ཆེན་སྙིང་པོའི་གསན་ཡིག་དང༌། སྡེ་དགེ་པར་མའི་ཐོག་ནས་གསན་པའི་ཐོ། སྐྱབས་རྗེ་དིལ་མགོ་མཁྱེན་བརྩེ་རིན་པོ་ཆེའི་གསན་ཡིག་ལས་བྱུང་བ་བཞིན་ཟུར་འགོད་ཞུས་པ་དགེའོ།།

༧༽ ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས་རྒྱ་གར་གྱི་མཁན་པོ་ཆེན་པོ་དཱི་པཾ་ཀ་ར་ཤྲཱི་ཛྙཱ་ན་སྟེ་ཇོ་བོ་དཔལ་ལྡན་ཨ་ཏི་ཤས་མཛད་པའི་དཔལ་འཁོར་ལོ་སྡོམ་པའི་སྒྲུབ་ཐབས་དང་། དཔལ་བཅོམ་ལྡན་འདས་ཀྱི་མངོན་པར་རྟོགས་པ་ཞེས་བྱ་བ། རྡོ་རྗེ་རྣལ་འབྱོར་མ་ལ་བསྟོད་པའམ། དཔལ་རྡོ་རྗེ་རྣལ་འབྱོར་མ་མཁའ་སྤྱོད་དཀར་མོའི་བསྟོད་པ། དཔལ་གསང་བ་འདུས་པ་འཇིག་རྟེན་དབང་ཕྱུག་གི་སྒྲུབ་པའི་ཐབས་ཞེས་བྱ་བ།