གསུང་འབུམ་དཀར་ཆག

གཉིས། སངས་རྒྱས་བསྐྱངས་ཀྱི་གསུང་གཞན་གྱི་སྐོར།   དེ་ཡང་རྗེ་བཙུན་ཏཱ་ར་ནཱ་ཐས་ (1575-1634) མཛད་པའི་རྒྱ་གར་ཆོས་འབྱུང་ལས[1]། སློབ་དཔོན་དཔའ་བོ་ལ་སོགས་པས་མཛད་པའི་བསྟན་བཅོས་མང་པོ་ལ་རྣམ་བཤད་མཛད། ཅེས་དང་། དེ་བཞིན་ལམ་རིམ་བླ་མ་བརྒྱུད་པའི་ལམ་རྣམ་ཐར་དང་། ཆོས་འབྱུང་ཀུན་གསལ་མེ་ལོང་གཉིས་ཀར། སློབ་དཔོན་འདིས་གཞན་ཡང་མདོ་རྒྱུད་ཀྱི་དགོངས་པ་འགྲེལ་བའི་བསྟན་བཅོས་མང་དུ་མཛད་དོ། །ཞེས་གསུངས་པར་མ་ཟད།

གསུམ་པ། སློབ་དཔོན་སངས་རྒྱས་བསྐྱངས་ཀྱི་གསུང་གི་དཀར་ཆག གཅིག །བསྟན་འགྱུར་དུ་བཞུགས་པའི་གསུང་གི་དཀར་ཆག ༡༽ དབུ་མ།   ༡༽ དབུ་མ་ ༼ཙ༽ པ་ལ། རྒྱ་གར་སྐད་དུ། བུདྡྷཿཔཱ་ལི་ཏ་མཱུ་ལ་མ་དྷྱ་མ་ཀ་བྲིཏྟི། བོད་སྐད་དུ། དབུ་མ་རྩ་བའི་འགྲེལ་པ་བུདྡྷཿཔཱ་ལི་ཏ་ཞེས་དང་། གཞུང་དངོས་ཀྱི་མཇུག་བྱང་ལས[1]། དབུ་མ་རྩ་བའི་ཚིག་ལེའུར་བྱས་པ་ཤེས་རབ་ཅེས་བྱ་བ་ཐེག་པ་ཆེན་པོའི་ཆོས་མངོན་པ་རྣམ་པར་གཞག་པ་དོན་དམ་པའི་དེ་ཁོ་ན་ཡང་དག་པར་སྟོན་པ། ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་གསལ་བར་བྱེད་པ།

རྒྱལ་སྲས་འཕགས་པ་ལྷའི་གསུང་སྒྲ་སྒྱུར་མཛད་པ་པོོའི་ལོ་ཙཱ་བ།   དེ་འཕྲོས་སྒྲ་སྒྱུར་མཛད་པ་པོ་རྣམས་ནི། ༡) པཎྜི་ཏ་ཆེན་པོ་མི་ཕམ་མགོན་པོའི་ (ཕ་དམ་པ་སངས་རྒྱས་ཀྱི་མཚན་གྱི་རྣམ་གྲངས་ཡིན་འདུག) བསྟན་འགྱུར་གྱི་སྒྱུར་རྩོམ་ལས། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་བསྡུས་པའི་ཚིག་ལེའུར་བྱས་པ་སློབ་དཔོན་ཕྱོགས་ཀྱི་གླང་པོས་མཛད་པ་དང་། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཚིགས་སུ་བཅད་པ་ཆེན་པོ་སློབ་དཔོན་ཨཱརྻ་དེ་ཝས་མཛད་པ་ནི། པཎྜི་ཏ་ཆེན་པོ་མི་ཕམ་མགོན་པོའི་རང་འགྱུར་མཛད་པ་ཞིག་ཡིན།

༢༽ ལོ་ཙཱ་བ་དགེ་སློང་ཆོས་ཀྱི་ཤེས་རབ།   ལོ་ཙཱ་བ་དགེ་སློང་ཆོས་ཀྱི་ཤེས་རབ་ནི། ཕྱི་ལོའི་དུས་རབས་བཅུ་གཅིག་པའི་དུས་འགོ་ཙམ་དུ་སྐུ་འཁྲུངས་པའི་སྙན་གྲགས་ཅན་གྱི་ལོ་ཙཱ་བ་ཞིག་སྟེ། ཐོག་མར་བོད་ནས་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པ་མཛད་ཅིང་། དེ་རྗེས་ཁ་ཆེ་དང་། བལ་ཡུལ། རྒྱ་གར་འཕགས་ཡུལ་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ནས་མདོ་སྔགས་ཆོས་ཀྱི་གཞུང་ལུགས་ལ་སློབ་གཉེར་ལེགས་པར་གནང་བ་དང་།