གསུང་འབུམ་དཀར་ཆག

ཅ༽ གསུང་བཟང་གི་མ་དཔེ་མ་རྙེད་པ།   དེ་ཡང་། ༡༽ ཀརྨ་པ་རང་བྱུང་རྡོ་རྗེའི་ཐུགས་དམ་བསྟན་འགྱུར་གྱི་དཀར་ཆག་ལས[1]། ཟླ་བ་གྲགས་པས་མཛད་པ་ (མ་དཔེ་ལས་མི་གསལ།) དག་གཉིས་པ། ཞེས་བྱུང་ཡང་འདིའི་མ་དཔེ་མ་རྙེད་པས་མ་འོངས་པར་རྙེད་མཚམས་ཞལ་སྐོང་ཞུ་དགོས་ལ། ༢༽ སྒྲ་གཞུང་ཀུན་ཏུ་བཟང་པོ་ནི་རིང་མིན་ཉམས་པ་རྣམ་ཐར་གྱི་སྐབས་སུ་རྒྱས་པར་བཀོད་ཟིན་པ་ལྟར་རོ།།

ང༽ བསྒྱུར་ཞུས་གཏན་འབེབས་མཛད་པ་པོ།   དཔལ་ལྡན་ཟླ་བ་གྲགས་པས་མཛད་པའི་གསུང་རྣམས་སྒྱུར་བྱེད་རྒྱ་གར་གྱི་མཁན་པོ་དང་པཎྜི་ཏ་རྣམས་ནི། དང་པོ། རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ་དང༌། རྒྱ་གར་གྱི་མཁན་པོ་ཤྲཱི་ཛྙཱ་ནཱ་ཀ་ར་བ། རྒྱ་གར་གྱི་པཎྜི་ཏ་ནག་པོ། པཎྜི་ཏ་མཁས་པ་ཆེན་པོ་ཏ་ཐཱ་ག་ཏ་རཀྵི་ཏ། རྒྱ་གར་གྱི་མཁན་པོ་མཁས་པ་ཆེན་པོ་དཱི་པཾ་ཀཱ་ར་རཀྵི་ཏ། རྒྱ་གར་གྱི་མཁན་པོ་རྟོག་གེ་བ་ཆེན་པོ་མ་ཧཱ་སུ་མ་ཏི།

ག༽ ཟླ་བ་གྲགས་པའི་གསུང་གི་མཚན་བྱང་།   དེ་ཡང་ཀུན་མཁྱེན་རོང་སྟོན་ཤཱཀྱ་རྒྱལ་མཚན་ (1367-1449) གྱིས་མཛད་པའི་ཐེག་པ་ཆེན་པོ་དབུ་མའི་བརྒྱུད་རིམ་ལ་བསྟོད་པ་རིན་པོ་ཆེའི་ཕྲེང་མཛེས་ལས[1]། ཚིག་འཇུག་བཞི་གསུམ་འགྲེལ་པ་འགྲེལ་བཤད་དང་། ། བསྟོད་ཚོགས་གཏམ་ཚོགས་རིགས་ཚོགས་ཐམས་ཅད་ཀྱི། ། ཚིག་དོན་མངའ་བ་ཟླ་གྲགས་གསར་མ་སོགས། ། རྩ་བའི་བླ་མ་རྣམས་ལ་ཕྱག་འཚལ་ལོ། །

ཁ༽ མཛད་བྱང་དང་མཚན་གྱི་རྣམ་གྲངས།   སློབ་དཔོན་འདིའི་ལེགས་སྦྱར་གྱི་མཚན་ཙནྡྲ་ཀིརྟིཿདང་། བོད་སྐད་དུ་སློབ་དཔོན་ཟླ་བ་གྲགས་པ། མཚན་གྱི་རྣམ་གྲངས་ལ་མཐིང་མིག་ཅན་གསུམ་ལས། སློབ་དཔོན་འདིས་མཛད་པའི་མདོ་སྔགས་བསྟན་བཅོས་ཀྱི་མཛད་བྱང་ཁག་གི་མཚན་ལ་དཔལ་ལྡན་ཟླ་བ་གྲགས་པ་ཞེས་པ་ལས། ལེགས་སྦྱར་གྱི་མཚན་ཙནྡྲ་ཀིརྟིཿདང་།