གསུང་འབུམ་དཀར་ཆག

༩༽ མཆོག་གསུམ་རྗེས་སུ་དྲན་པ།   དེ་ཡང་ཀུན་མཁྱེན་འཇིགས་མེད་དབང་པོའི་ (1728-1791) གསན་ཡིག་ལས[1]། སློབ་དཔོན་དབྱིག་གཉེན་གྱིས་མདོ་ལས་ཕྱུང་བའི་འཕགས་པ་སངས་རྒྱས་རྗེས་སུ་དྲན་པ། ༼༥༦༽ ཆོས་རྗེས་སུ་དྲན་པ། ༼༥༧༽ དགེ་འདུན་རྗེས་སུ་དྲན་པ། ༼༥༨༽ འདོད་པའི་ཡོན་ཏན་ལྔའི་ཉེས་དམིགས་བཤད་པ་དང་བཅས་བཞི་སློབ་དཔོན་དྷརྨཱ་ཤྲཱི་བྷ་དྲ་དང་ལོ་ཙཱ་བ་རིན་ཆེན་བཟང་པོའི་འགྱུར།

༥༽ མྱང་འདས་ཀྱི་འགྲེལ་པ་དང་། ༦༽ ཚེ་མདོའི་ཊཱིཀ ༧༽ རྫོགས་པ་གསུམ་གྱི་མདོའི་འགྲེལ་པ། ༨༽ ཆོས་འཁོར་མའི་འགྲེལ་པ།   གུང་ལོ་ཙཱ་བ་མགོན་པོ་སྐྱབས་ (དུས་རབས་18པ།) ཀྱིས་མཛད་པའི་རྒྱ་ནག་ཆོས་འབྱུང་ལས[1]། དབྱིག་གཉེན་གྱིས་མཛད་པའི་མྱང་འདས་ཀྱི་འགྲེལ་པ་དྷརྨ་བོ་དྷིའི་འགྱུར། ཡང་མྱང་འདས་ཆེ་ཆུང་གི་འགྲེལ་པ་གཉིས་མཛད་བྱང་མི་གསལ། དབྱིག་གཉེན་གྱིས་མཛད་པའི་ཚེ་མདོའི་ཊཱི་ཀ་བོདྷི་རུ་ཙིའི་འགྱུར། དེས་མཛད་པའི་རྫོགས་པ་གསུམ་གྱི་མདོའི་འགྲེལ་པ། (གོང་གསལ་གཉིས་བོད་མ་ཡོད་གསུངས།)

༣༽ གཙུག་རིན་གྱིས་ཞུས་པའི་འགྲེལ་པ། གུང་ལོ་ཙཱ་བ་མགོན་པོ་སྐྱབས་ (དུས་རབས་18པ།) ཀྱིས་མཛད་པའི་རྒྱ་ནག་ཆོས་འབྱུང་ལས[1]། དབྱིག་གཉེན་གྱིས་མཛད་པའི་གཙུག་རིན་གྱིས་ཞུས་པའི་འགྲེལ་པ་དྲང་སྲོང་པི་མུ་ཏྲིའི་འགྱུར། ཞེས་གསལ་བ་ལྟར་འདི་ཉིད་རྒྱའི་སྐད་ཡིག་ཏུ་བསྒྱུར་ཡོད་ཀྱང་། བོད་སྐད་དུ་བསྒྱུར་བ་མ་མཇལ་བས་དཔྱད་དགོས།  །།

༢༽ ཚད་མ་སྨྲ་བའི་སྒྲོན་མ།   དེ་ཡང་མཁས་པ་ལྡེའུས་ (དུས་རབས་13པ།) མཛད་པའི་རྒྱ་བོད་ཆོས་འབྱུང་རྒྱས་པ་ལས[1]། ཕྱིས་དབྱིག་གཉེན་གྱིས་ཚད་མ་སྨྲ་བའི་སྒྲོན་མ་མཛད། དེ་རྣམས་ཚད་མའི་བསྟན་ཆོས་བརྩམས་ཚུལ་ལོ། །ཞེས་གསལ་བ་ལྟར་སློབ་དཔོན་དབྱིག་གཉེན་གྱིས་ཚད་མ་སྨྲ་བའི་སྒྲོན་མ་ཞེས་པའི་ཚད་མའི་གཞུང་ཞིག་མཛད་ཚུལ་གསལ་ལ། དེ་བཞིན་ཀློང་ཆེན་ (1308-1363/64) ཆོས་འབྱུང་ལས་[2]ཀྱང་།