གསུང་འབུམ་དཀར་ཆག

ཇ༽ ཤླཽ་ཀའི་ཐ་སྙད་ཀྱི་ཐོག་མའི་བྱུང་བ།   དེ་ཡང་སཾ་བོད་རྒྱ་གསུམ་ཤན་སྦྱར་གྱི་ཚིག་མཛོད་ལས[1]། ལེགས་སྦྱར་གྱི་ཤླཽ་ཀཿཞེས་པ་བོད་སྐད་དུ་ཚིགས་སུ་བཅད་པ་ཡིན་པར་གསལ། དེ་ལའང་ཤླཽ་ཀ་དང་། ཤློ་ཀཿ ཤོ་ལོ་ཀ །ཤུ་ལོག་བཅས་འབྲི་ཚུལ་རིགས་བཞི་བྱུང་ཡང་དོན་ལ་ཁྱད་པར་དེ་ཙམ་མ་མཆིས་ལ། ཤླཽ་ཀ་དང་། ཚིག་ལེའུར་བྱས་པ། ཚིགས་བཅད་རྣམས་དོན་གཅིག་ཅིང་། ཚིགས་སུ་བཅད་པ་ནི་ཚིགས་ལེའུར་བྱས་པ་སྟེ།

ཆ༽ བམ་གྲངས་སྲོལ་བཏོད་པའི་དགོས་དམིགས།   དགོས་པ་རྒྱུ་མཚན་གང་གི་ཆེད་དུ་བམ་པོ་དང་བམ་གྲངས་འགོད་སྲོལ་གཏོད་མིན་ནི། བུ་སྟོན་རིན་ཆེན་དོན་གྲུབ་ཀྱིས་ (1290-1364) མཛད་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་མན་ངག་གི་བསྟན་བཅོས་མངོན་པར་རྟོགས་པའི་རྒྱན་ཞེས་བྱ་བའི་འགྲེལ་པ་རྒྱ་ཆེར་བཤད་པ་ལུང་གི་སྙེ་མ༌ལས[1]། དགོས་པ་གཞུང་ཚད་མང་ཉུང་རྟོགས་པའི་ཕྱིར་ལོ་ཙཱ་བས་བྱས་ཀྱི། རྒྱ་དཔེ་ལ་བམ་པོ་མི་བགྲང་ཤླཽ་ཀ་བགྲང་ངོ༌། །

ཅ༽ བམ་གྲངས་དུས་ནམ་ཞིག་སྲོལ་བཏོད་མིན།   དེ་ཡང་བཀའ་བསྟན་གསུང་རབ་རྣམས་སུ་སཾ་བོད་སྐད་གཉིས་ཤན་སྦྱར་དང་། འགྱུར་བྱང་། བམ་གྲངས་འགོད་སྲོལ་དུས་ནམ་ཞིག་བྱུང་མིན་ནི། ཨ་ལགས་ཚེ་ཏན་ཞབས་དྲུང་ (1910-1985) མཆོག་གིས་མཛད་པའི་ཐོན་མིའི་ཞལ་ལུང་ལས[1]། སྤྱིར་བོད་དུ་གཞུང་བསྒྱུར་བ་རྣམས་ལ་རྒྱ་གར་སྐད་དང་། འགྱུར་ཕྱག་དང་། ཤླཽ་ཀ་དང་བམ་པོའི་གྲངས་ཚད་དང་།

ང༽ བམ་པོ་ཁ་མར་བལྟ་དང་ལེའུ་ཁ་ཡར་བལྟ།   དེ་ཡང་བམ་པོའི་དོན་ནི། ཉ་ཊཱིཀ་ལས་སིལ་བུ་མང་པོ་ཕྱོགས་གཅིག་ཏུ་བསྡོམས་པའི་བརྡ་རྙིང་ཡིན་པར་གསུངས་པ་ལྟར། སྤྱིར་བམ་པོ་ཞེས་པ་ནི། ཕོན་པོ་དང་། ཆུན་པོ། ཆགས་པ། དུམ་བུ་རྣམས་སིལ་བུ་མང་པོ་ཕྱོགས་གཅིག་ཏུ་བསྡོམས་པའམ་བསྡུས་པའི་དོན་ཏེ། དཔེར་ན། རྩྭའི་ཕོན་པོའམ་བམ་པོ་ཞེས་པ་ལྟ་བུ་སྟེ།