བོད་ཀྱི་ལོ་ཙཱ་བ།

བདུན་པ། པཎ་གྲུབ་གསུང་འབུམ་སྒྲ་སྒྱུར་མཛད་པ་པོའི་ལོ་པཎ།   ཀ༽ པཎ་གྲུབ་བཅུ་བདུན་གྱི་གསུང་བཟང་རྣམས་ལེགས་སྦྱར་ནས་བསྒྱུར་ཞུས་གཏན་ལ་འབེབས་མཁན་གྱི་རྒྱ་གར་གྱི་པཎྜི་ཏ་རྣམས་ནི། ༡ རྒྱ་གར་གྱི་མཁན་པོ་ཀྲིཥྞ་པཎྜི་ཏ་དང་། ༢ རྒྱ་གར་གྱི་མཁན་པོ་ཤྲདྡྷཱ་ཀ་ར་ཝརྨ། ༣ རྒྱ་གར་གྱི་མཁན་པོ་ཆེན་པོ་དཱི་པཾ་ཀ་ར་ཤྲཱི་ཛྙཱ་ན། ༤ རྒྱ་གར་གྱི་མཁན་པོ་ཏི་ལ་ཀ ༥ རྒྱ་གར་གྱི་མཁན་པོ་མཉྫུ་གྷོ་ཥ། ༦ རྒྱ་གར་གྱི་པཎྜི་ཏ་ཆེན་པོ་དྷརྨ་བཛྲ། ༧ པཎྜི་ཏ་འབུམ་ཕྲག་གསུམ་པ།

༧༽ ཞུ་ཆེན་གྱི་ལོ་ཙཱ་བ་དགེ་སློང་རིན་ཆེན་བཟང་པོས་རྒྱ་གར་གྱི་མཁན་པོ་ཆེན་པོ་དཱི་པཾ་ཀ་ར་ཤྲཱི་ཛྙཱ་ན་སྟེ་ཇོ་བོ་དཔལ་ལྡན་ཨ་ཏི་ཤས་མཛད་པའི་དཔལ་འཁོར་ལོ་སྡོམ་པའི་སྒྲུབ་ཐབས་དང་། དཔལ་བཅོམ་ལྡན་འདས་ཀྱི་མངོན་པར་རྟོགས་པ་ཞེས་བྱ་བ། རྡོ་རྗེ་རྣལ་འབྱོར་མ་ལ་བསྟོད་པའམ། དཔལ་རྡོ་རྗེ་རྣལ་འབྱོར་མ་མཁའ་སྤྱོད་དཀར་མོའི་བསྟོད་པ། དཔལ་གསང་བ་འདུས་པ་འཇིག་རྟེན་དབང་ཕྱུག་གི་སྒྲུབ་པའི་ཐབས་ཞེས་བྱ་བ།

༥༽ ལོ་ཙཱ་བ་ཁུ་ནེ་ཙོ།   ལོ་ཙཱ་བ་ཁུ་ནེ་ཙོ་མཆོག་ནི། ཕྱི་ལོའི་དུས་རབས་བཅུ་གཅིག་པའི་དུས་སྟོད་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་སྟེ། ཐོག་མར་བོད་ཡུལ་ནས་སློབ་གཉེར་མཛད། དེ་ནས་ཁ་ཆེ་དང་། བལ་ཡུལ། རྒྱ་གར་སོགས་སུ་ཕེབས་ཏེ་པཎ་གྲུབ་མང་པོའི་ཞབས་ལ་གཏུགས་ཤིང་། མདོ་སྔགས་གཉིས་ཀའི་གཞུང་ལུགས་ལ་ཐོས་བསམ་དང་། ལེགས་སྦྱར་གྱི་སྐད་ལ་ཡང་བྱང་ཞིང་ཆུབ་པར་སྦྱངས་ནས་བསྟན་བཅོས་ཁག་ཅིག་བོད་ཡིག་ཏུ་བསྒྱུར་བར་མཛད།

༤༽ གོ་རུབ་ལོ་ཙཱ་བ་ཆོས་ཀྱི་ཤེས་རབ།   གོ་རུབ་ལོ་ཙཱ་བ་དགེ་སློང་ཆོས་ཀྱི་ཤེས་རབ་མཆོག་ནི།[1] (འདི་ལ་འགྱུར་བྱང་དུ་བོད་ཀྱི་ལོ་ཙཱ་བ་དགེ་སློང་ཆོས་ཀྱི་ཤེས་རབ་དང་ཆོས་ཀྱི་ཤེས་རབ་སོགས་ཀྱང་ཞུ་སྲོལ་ཡོད།) ཕྱི་ལོའི་དུས་རབས་བཅུ་གཅིག་པའི་དུས་འགོ་ཙམ་དུ་སྐུ་འཁྲུངས་པའི་ལོ་ཙཱ་བ་གྲགས་ཅན་ཞིག་སྟེ། འདི་ཉིད་ཀྱིས་རྒྱ་གར་གྱི་མཁན་པོ་བཛྲ་པཱ་ཎི་སོགས་དང་མཉམ་དུ་གཞུང་མང་ཙམ་བོད་དུ་བསྒྱུར་བ་དང༌། ཁོང་གི་འགྱུར་ལ། བཀའ་འགྱུར་ལས།