བོད་ཀྱི་ལོ་ཙཱ་བ།

སྒྲུབ་བརྒྱུད་ཤིང་རྟ་བརྒྱད་ནི། རྙིང་མ་དང་། བཀའ་གདམས། བཀའ་བརྒྱུད། ཤངས་པ། ས་སྐྱ། སྦྱོར་དྲུག བསྙེན་སྒྲུབ། ཞི་བྱེད། གཅོད་བཅས་སོ།། ཤིང་རྟ་དགུ་ཐང་། རི་མོ་འདིའི་མ་དཔེ་པར་རྩ་པར་ཤིང་སྡེ་དགེ་པར་ཁང་དུ་བཞུགས་ཡོད་ཤིང་། ཐང་བླ་ཚེ་དབང་ནས་བྲིས་པ་དང་ལྷ་བཀོད་པེ་ཝར་རིན་པོ་ཆེ་དང་ལྷན་དུ་བགྲོས་ནས་གནང་བ་ཞིག་རེད། གཞི་རྩ་ཤིང་རྟ་དགུ་ཐང་ལ་གཙོ་བོ་རྡོ་རྗེ་འཆང་ཅན་དཔལ་སྤུངས་ལྷ་ཁང་རྒྱ་མཐོང་ཁའི་ལོག་བྲིས་བེ་རི་མཁྱེན་བརྩེས་ལྷ་བཀོད་གནང་བ་དེ་ལྟར་ཡིན་ཡང་། འདིར་བཀའ་གདམས་གསར་མའི་ཐང་ག་རྗེ་ཡབ་སྲས་གཙོས་པའི་ལྷ་བཀོད་ཅན་དང་གཙོ་ཐང་གུ་རུ་པདྨ་གནང་ཡོད། པར་ཤིང་སྦྱིན་བདག་ནི་པར་ཁང་གཞུང་གཙོ་བོ་པར་དཔོན་བཀྲ་རྡོ་རེད།

སྟེང་པ་ལོ་ཙཱ་བ་ཚུལ་ཁྲིམས་འབྱུང་གནས་སྦས་པ། སྟེང་ལོ་ཚུལ་ཁྲིམས་འབྱུང་གནས་མཆོག་ནི། རབ་བྱུང་གཉིས་པའི་མེ་ཕག་ཕྱི་ལོ་ ༡༡༠༧ ལོར་ཡབ་སྟེང་པ་ཏོག་འབར་དང་། ཡུམ་མདའ་མོ་བུ་སྐྱིད་གཉིས་ཀྱི་སྲས་སུ་སྐུ་འཁྲུངས། དགུང་ལོ་དྲུག་པར་ཡི་གེའི་སྦྱོར་ཀློག་ལེགས་པར་མཁྱེན། དགུང་ལོ་བཅུ་དགུ་པར་བསྙེན་པར་རྫོགས་རྗེས་གསེར་ཞོ་བཅུ་གཉིས་བསྣམས་ཏེ་རྒྱ་གར་གྱི་གྲོང་ཁྱེར་མ་ག་དྷར་ཕེབས།

ལོ་ཙཱ་བ་བློ་བཟང་ཆོས་འཕགས་མཆོག་ནི། བོད་རྒྱ་ཡིག་རིགས་གཉིས་ལ་བྱང་ཆུབ་ཅིང་། རྒྱ་བོད་གཉིས་ཀྱི་ཆོས་ལ་ཤིན་ཏུ་མཁས་པ་ཞིག་དང་།  བོད་ཀྱི་རིག་གནས་རྒྱ་ནག་ཏུ་ངོ་སྤྲོད་པའི་སྐྱེས་བུ་ཆེན་པོ་ཞིག་ཡིན་པར་མ་ཟད།  རྗེ་བླ་མའི་གསུང་མང་པོ་རྒྱ་ཡིག་ཏུ་སྒྱུར་མཁན་དང་།  བྱེ་བྲག་བཤད་མཚོ་ཆེན་མོ་དང། ཡེ་ཤེས་ལ་འཇུག་པ་ཞེས་པའི་ཐེག་དམན་གྱི་གཞུང་ཆེན་པོ་དེ་དག་བོད་ཡིག་ལ་སྒྱུར་བའི་ལོ་ཙཱ་བ་ཆེན་པོ་དེ་ཡིན།

བོད་ཀྱི་ལོ་ཙཱ་བ་རྣམས་ཀྱི་བརྗེད་ཐོ། ༼༡༽ དཔང་ལོ་ཙཱ་བ་བློ་གྲོས་བརྟན་པའི་ཞལ་ཐང་།   སྔོན་སྨོན་ཐུགས་བསྐྱེད་གསེར་སྦྱངས་སྙིང་པོའི་ཁམས། ། བསྔགས་འོས་ཡོན་ཏན་རྒྱ་མཚོའི་རྩིབས་སྟོང་བཀྲ། ། ངེས་གསང་ཐུབ་བསྟན་རྒྱལ་སྲིད་འདྲེན་མཁས་པའི། ། དགྱེས་མཛད་ལོ་ཙཱའི་ཞབས་ལ་གསོལ་བ་འདེབས། ། མཚན་གྱི་སྐོར། རང་རེའི་ལོ་ཙཱ་བ་རྣམས་ཀྱི་མཚན་འདོགས་ཚུལ་ཐད་ནས་མུ་བཞི་རྩི་ཆོག་སྟེ། 1. ཡུལ་མིང་ལས་རུས་མིང་མིན་པ། 2. རུས་མིང་ལས་ཡུལ་མིང་མིན་པ།